સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 203-219

અયમ્ એવ ત્રિલોકેષુ સર્વવિદ્યાધિપઃ સુધીઃ ।
સર્વધર્માધિપઃ શાસ્તા સર્વવાદિમદાપહઃ

યસ્ય સ્મરણમાત્રેણ મમાનુજો મહાસુધીઃ ।
સર્વવાદિવિજેતાભૂચ્ છ્રુતિધરઃ સુપારગઃ ॥204 ॥
એતાદૃશસ્ય સર્વજ્ઞસ્ય દર્શને શ્રવણે પુનઃ ।
કા કથા ચર તસ્માત્ ત્વં શાસને ઽસ્ય સુસંવરં

ઇત્ય્ ઉત્તરગિરં શ્રુત્વા સભિકઃ સો ઽતિસાહસઃ ।
પ્રવ્રજ્યાવ્રતમ્ આધાતું સમભૂત્ પ્રમનાઃ કૃતી

ઇતિ તેન જગચ્છાસ્ત્રા સમાદિષ્ટં નિશમ્ય સઃ ।
સભિકઃ સુપ્રસન્નાત્મા પ્રાભ્યનન્દત્ પ્રબોધિતઃ ॥ સ્વ્પ્_*206* ॥
તતઃ સ સભિકો વિજ્ઞઃ સંબુદ્ધગુણલાલસઃ ।
તં મુનીન્દ્રં મુદા નત્વા સાઞ્જલિર્ એવમ્ અબ્રવીત્

ભગવન્ સર્વવિદ્ વિજ્ઞ સર્વવિદ્યાન્તપારગ ।
ક્ષમસ્વ મે ઽપરાધં યન્ મદોત્થિત દયાનિધે

ત્વમ્ એવ ભગવાન્ નાથઃ સર્વધર્માધિપો જિનઃ ।
ભવાન્ એવ જગચ્છાસ્તા મહાભિજ્ઞો મુનીશ્વરઃ

ચતુર્મારવિનિર્જેતા વિનાયકસ્ તથાગતઃ ।
વિરાજતે ભવાન્ એવ ત્રૈધાતુકાધિપેશ્વરઃ

ક્લેશધ્વાન્તાભિનિર્હન્તા સદ્ધર્મજ્ઞાનભાસ્કરઃ ।
યદ્ અહં ભગવન્ પાતું ધર્મામૃતં સમુત્સહે

તદ્ ભવાન્ માં સમાલોક્ય સમન્વાહર્તુમ્ અર્હતિ ।
સદાહં ભવતા શાસ્તઃ શરણે સમુપસ્થિતઃ

ધૃત્વાનુજ્ઞાં સમાધાદ્ય ચરિષ્યે સૌગતં પદં ।
તદ્ ભવાન્ સૌગતે ધર્મે ભદ્રશ્રીબોધિસાધને

કૃપાય માં સમાયુજ્ય સંચારયિતુમ્ અર્હતિ ।
ઇતિ સંપ્રાર્થિતં તેન શ્રુત્વા સ કરુણામ્બુધિઃ

અપમદં પરિવ્રાજં તં સમીક્ષ્યૈવમ્ આદિશત્ ।
એહિ ભદ્રાસ્તિ તે વાંચ્છા સૌગતે સંવરે યદિ

બોધિચર્યાં સમાધાય નિષ્ક્લેશં સંચર વ્રતં ।
ઇત્ય્ આદિશ્ય સ સંબુદ્ધો દક્ષિણપાણિના સ્વયં

શિરસિ સંસ્પૃશન્સ્ તસ્ય ત્રિકાયમ્ અભ્યશોધયત્ ।
ભગવતા શિરઃ સ્પૃષ્ટે મુણ્ડિતઃ સ જિતેન્દ્રિયઃ

ખિષ્ખિરીપાત્રભૃદ્ ભિક્ષુર્ બભૂવ ચીવરાવૃતઃ ।
તતઃ સ સુપ્રસન્નાત્મા પ્રાપ્યાનુજ્ઞાં જગદ્ગુરોઃ

બોધિચર્યાવ્રતં ધૃત્વા સમાચરત્ સમાહિતઃ ।
તતઃ સમાધિશુદ્ધાત્મા પરિશુદ્ધત્રિમણ્ડલઃ ।
બ્રહ્મચારી મહાભિજ્ઞો બભૂવ સૌગતો યતિઃ