સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 1-20

સભિકસૌગતશાસનપ્રવ્રજ્યાવ્રતચરણપરિવર્ત
(સમ્ 4ઓબ્4: અદ્દિતિઓનલ્ વેર્સેસ્)
અથાશોકો મહારાજઃ શ્રોતું સુભાષિતં પુનઃ ।
ઉપગુપ્તં યતિં નત્વા સાઞ્જલિર્ એવમ્ અબ્રવીત્ ॥ સ્વ્પ્_*1* ॥
ભદન્ત શ્રોતુમ્ ઇચ્છામિ પુનસ્ તસ્ય જગદ્ગુરોઃ ।
મુનીન્દ્રસ્યાનુભાવત્વં તત્ સમાદેષ્ટુમ્ અર્હતિ ॥ સ્વ્પ્_*2* ॥
ઇતિ સંપ્રાર્થિતં રાજ્ઞા શ્રુત્વા સો ઽર્હન્ યતિઃ સુધીઃ ।
તં નરેન્દ્રં સમામન્ત્ર્ય સંપશ્યન્ન્ એવમ્ આદિશત્ ॥ સ્વ્પ્_*3* ॥
(સમ્ 40બ્6; બ્ક ચ્ 99બ્4; બ્ક ત્ 71બ્8)
અથ શૃણુ સમાધાય યથા મે ગુરુણોદિતં ।
તથાહં સંપ્રવક્ષ્યામિ તવ પુણ્યપ્રવૃદ્ધયે

તદ્ યથાભૂન્ મહાપુર્યાં મથુરાયાં મહાજનઃ ।
સાધુભોગાભિધઃ શ્રેષ્ઠી સર્વદ્રવ્યસમૃદ્ધિમાન્

તસ્ય ભાર્યા સુભદ્રાંગી સુન્દરી રતિસંનિભા ।
સાધ્વી શ્રીસદૃશાકારા પ્રિયંવદાભિધા વરા

તસ્યાસ્ ત્રિયંત્રિકા જાતા દારિકા વ્યંગિકાશ્રયા ।
તાં દૃષ્ટ્વા દારિકાં માતા બભૂવ વ્યાહતાશયા

જનકો ઽપિ સમાલોક્ય દારિકાં તાં ત્રિયન્ત્રિકાં ।
લજ્જાવિદરિતસ્વાન્તસ્ તસ્થૌ નિશ્વાસતત્પરઃ

તતઃ સ જનકઃ શ્રેષ્ઠી નિમિત્તજ્ઞાન્ વિચક્ષણાન્ ।
તીર્થિકાન્ સહસામન્ત્ર્ય દારિકાં તામ્ અદર્શયત્

ત્રિયન્ત્રિતાં શિશું દૃષ્ટ્વા નિમિત્તજ્ઞઃ સ તીર્થિકઃ ।
દારિકેયમ્ અભદ્રેતિ શ્રેષ્ઠિનો ઽગ્રે ન્યવેદયત્

તચ્ છ્રુત્વા જનકઃ શ્રેષ્ઠી દુઃખશંકાકુલાશયઃ ।
સ્નેહશોકાગ્નિતપ્તાત્મા તસ્થૌ સંમોહિતેન્દ્રિયઃ

તાં દૃષ્ટ્વા સા સતી ભાર્યા શ્રુત્વા તત્ તીર્થિકોદિતં ।
સ્નેહશોકાગ્નિસંતપ્તા બભૂવ વ્યાહતાશયા

તસ્મિન્ કણે સુપુણ્યાત્મા સર્વવિદ્યાવિચક્ષણા ।
સા પરિવ્રાજિકા તત્ર શ્રેષ્ઠિગૃહ ઉપાચરત્

તાં દૃષ્ટ્વા સમુપાયાતાં શ્રેષ્ઠી સ સહસોત્થિતઃ ।
સાદરં સમુપામન્ત્ર્ય શુદ્ધાસને ન્યવેશયત્

સાધુભોગસ્ તતઃ શ્રેષ્ઠી તાં પરિવ્રાજિકાં મુદા ।
અભ્યર્ચ્ય ભોજયિત્વા ચ સંપ્રસાદ્યૈવમ્ અબ્રવીત્

ભદ્રિકે દારિકા જાતા મમાત્મજા ત્રિયન્ત્રિકા ।
ઇમાં તે દાતુમ્ ઇચ્છામિ સમન્વાહર્તુમ્ અર્હસિ

ઇતિ નિવેદ્ય સ શ્રેષ્ઠી સમાદાય નિજાં સુતાં ।
તાં તસ્યાઃ પુરતઃ સ્થાપ્ય બહુ દ્રવ્યં ચ પ્રબ્રવીત્

ઇયં મે દારિકા ભદ્રે ભવત્યૈ સંકલ્પિતા મયા ।
તદ્ ભવત્યા સમાદાય સંપાલ્યા સ્વાત્મજા યથા

ત્વં પુત્રપુત્રીહીનાસિ નિર્ભર્તૃકા નિરાકુલા ।
તસ્માત્ ત્વયા પાલનીયા સ્વાત્મજેવ શિશુર્ ઇયં

ઇતિ નિવેદ્ય સ શ્રેષ્ઠી સધાત્રીં તાં સુતાં મુદા ।
બહુદ્રવ્યાન્વિતાં તસ્યૈ દત્વૈવં પુનર્ અબ્રવીત્

યદેયં સંપ્રવૃદ્ધા સ્યાત્ તદા તે દાસિકા ભવેત્ ।
તસ્માદ્ યાવદ્ ઇયં બાલા તાવત્ પાલ્યા ત્વયા સદા

તતઃ પ્રવ્રાજ્ય સ્વે ધર્મે સંચારયસ્વ સન્મતે ।
અધ્યાપય ચ સર્વાણિ શાસ્ત્રાણ્ય્ અપિ યથાક્રમં

ઇત્ય્ ઉક્ત્વા સ પિતા પુત્રીં વસ્ત્રાલંકારમણ્ડિતામ્ ।
તાં તસ્યૈ બ્રહ્મચારિણ્યૈ સંકલ્પ્ય પ્રદદૌ મુદ