ઋગ્વેદ · અધ્યાય 9.111

અયા રુચા હરિણ્યા પુનાનો વિશ્વા દ્વેષાંસિ તરતિ સ્વયુગ્વભિઃ સૂરો ન સ્વયુગ્વભિઃ ।
ધારા સુતસ્ય રોચતે પુનાનો અરુષો હરિઃ ।
વિશ્વા યદ્ રૂપા પરિયાત્ય્ ઋક્વભિઃ સપ્તાસ્યેભિર્ ઋક્વભિઃ ॥

ત્વં ત્યત્ પણીનાં વિદો વસુ સમ્ માતૃભિર્ મર્જયસિ સ્વ આ દમ ઋતસ્ય ધીતિભિર્ દમે ।
પરાવતો ન સામ તદ્ યત્રા રણન્તિ ધીતયઃ ।
ત્રિધાતુભિર્ અરુષીભિર્ વયો દધે રોચમાનો વયો દધે ॥

પૂર્વામ્ અનુ પ્રદિશં યાતિ ચેકિતત્ સં રશ્મિભિર્ યતતે દર્શતો રથો દૈવ્યો દર્શતો રથઃ ।
અગ્મન્ન્ ઉક્થાનિ પૌંસ્યેન્દ્રં જૈત્રાય હર્ષયન્ ।
વજ્રશ્ ચ યદ્ ભવથો અનપચ્યુતા સમત્સ્વ્ અનપચ્યુતા ॥