ઋગ્વેદ · અધ્યાય 9.092

પરિ સુવાનો હરિર્ અંશુઃ પવિત્રે રથો ન સર્જિ સનયે હિયાનઃ ।
આપચ્ છ્લોકમ્ ઇન્દ્રિયમ્ પૂયમાનઃ પ્રતિ દેવાઁ અજુષત પ્રયોભિઃ ॥

અચ્છા નૃચક્ષા અસરત્ પવિત્રે નામ દધાનઃ કવિર્ અસ્ય યોનૌ ।
સીદન્ હોતેવ સદને ચમૂષૂપેમ્ અગ્મન્ન્ ઋષયઃ સપ્ત વિપ્રાઃ ॥

પ્ર સુમેધા ગાતુવિદ્ વિશ્વદેવઃ સોમઃ પુનાનઃ સદ એતિ નિત્યમ્ ।
ભુવદ્ વિશ્વેષુ કાવ્યેષુ રન્તાનુ જનાન્ યતતે પઞ્ચ ધીરઃ ॥

તવ ત્યે સોમ પવમાન નિણ્યે વિશ્વે દેવાસ્ ત્રય એકાદશાસઃ ।
દશ સ્વધાભિર્ અધિ સાનો અવ્યે મૃજન્તિ ત્વા નદ્યઃ સપ્ત યહ્વીઃ ॥

તન્ નુ સત્યમ્ પવમાનસ્યાસ્તુ યત્ર વિશ્વે કારવઃ સંનસન્ત ।
જ્યોતિર્ યદ્ અહ્ને અકૃણોદ્ ઉ લોકમ્ પ્રાવન્ મનું દસ્યવે કર્ અભીકમ્ ॥

પરિ સદ્મેવ પશુમાન્તિ હોતા રાજા ન સત્યઃ સમિતીર્ ઇયાનઃ ।
સોમઃ પુનાનઃ કલશાઁ અયાસીત્ સીદન્ મૃગો ન મહિષો વનેષુ ॥