ઋગ્વેદ · અધ્યાય 9.042

જનયન્ રોચના દિવો જનયન્ન્ અપ્સુ સૂર્યમ્ ।
વસાનો ગા અપો હરિઃ ॥

એષ પ્રત્નેન મન્મના દેવો દેવેભ્યસ્ પરિ ।
ધારયા પવતે સુતઃ ॥

વાવૃધાનાય તૂર્વયે પવન્તે વાજસાતયે ।
સોમાઃ સહસ્રપાજસઃ ॥

દુહાનઃ પ્રત્નમ્ ઇત્ પયઃ પવિત્રે પરિ ષિચ્યતે ।
ક્રન્દન્ દેવાઁ અજીજનત્ ॥

અભિ વિશ્વાનિ વાર્યાભિ દેવાઁ ઋતાવૃધઃ ।
સોમઃ પુનાનો અર્ષતિ ॥

ગોમન્ નઃ સોમ વીરવદ્ અશ્વાવદ્ વાજવત્ સુતઃ ।
પવસ્વ બૃહતીર્ ઇષઃ ॥