ઋગ્વેદ · અધ્યાય 9.041

પ્ર યે ગાવો ન ભૂર્ણયસ્ ત્વેષા અયાસો અક્રમુઃ ।
ઘ્નન્તઃ કૃષ્ણામ્ અપ ત્વચમ્ ॥

સુવિતસ્ય મનામહે ઽતિ સેતું દુરાવ્યમ્ ।
સાહ્વાંસો દસ્યુમ્ અવ્રતમ્ ॥

શૃણ્વે વૃષ્ટેર્ ઇવ સ્વનઃ પવમાનસ્ય શુષ્મિણઃ ।
ચરન્તિ વિદ્યુતો દિવિ ॥

આ પવસ્વ મહીમ્ ઇષં ગોમદ્ ઇન્દો હિરણ્યવત્ ।
અશ્વાવદ્ વાજવત્ સુતઃ ॥

સ પવસ્વ વિચર્ષણ આ મહી રોદસી પૃણ ।
ઉષાઃ સૂર્યો ન રશ્મિભિઃ ॥

પરિ ણઃ શર્મયન્ત્યા ધારયા સોમ વિશ્વતઃ ।
સરા રસેવ વિષ્ટપમ્ ॥