ઋગ્વેદ · અધ્યાય 9.024

પ્ર સોમાસો અધન્વિષુઃ પવમાનાસ ઇન્દવઃ ।
શ્રીણાના અપ્સુ મૃઞ્જત ॥

અભિ ગાવો અધન્વિષુર્ આપો ન પ્રવતા યતીઃ ।
પુનાના ઇન્દ્રમ્ આશત ॥

પ્ર પવમાન ધન્વસિ સોમેન્દ્રાય પાતવે ।
નૃભિર્ યતો વિ નીયસે ॥

ત્વં સોમ નૃમાદનઃ પવસ્વ ચર્ષણીસહે ।
સસ્નિર્ યો અનુમાદ્યઃ ॥

ઇન્દો યદ્ અદ્રિભિઃ સુતઃ પવિત્રમ્ પરિધાવસિ ।
અરમ્ ઇન્દ્રસ્ય ધામ્ને ॥

પવસ્વ વૃત્રહન્તમોક્થેભિર્ અનુમાદ્યઃ ।
શુચિઃ પાવકો અદ્ભુતઃ ॥

શુચિઃ પાવક ઉચ્યતે સોમઃ સુતસ્ય મધ્વઃ ।
દેવાવીર્ અઘશંસહા ॥