ઋગ્વેદ · અધ્યાય 9.023

સોમા અસૃગ્રમ્ આશવો મધોર્ મદસ્ય ધારયા ।
અભિ વિશ્વાનિ કાવ્યા ॥

અનુ પ્રત્નાસ આયવઃ પદં નવીયો અક્રમુઃ ।
રુચે જનન્ત સૂર્યમ્ ॥

આ પવમાન નો ભરાર્યો અદાશુષો ગયમ્ ।
કૃધિ પ્રજાવતીર્ ઇષઃ ॥

અભિ સોમાસ આયવઃ પવન્તે મદ્યમ્ મદમ્ ।
અભિ કોશમ્ મધુશ્ચુતમ્ ॥

સોમો અર્ષતિ ધર્ણસિર્ દધાન ઇન્દ્રિયં રસમ્ ।
સુવીરો અભિશસ્તિપાઃ ॥

ઇન્દ્રાય સોમ પવસે દેવેભ્યઃ સધમાદ્યઃ ।
ઇન્દો વાજં સિષાસસિ ॥

અસ્ય પીત્વા મદાનામ્ ઇન્દ્રો વૃત્રાણ્ય્ અપ્રતિ ।
જઘાન જઘનચ્ ચ નુ ॥