ઋગ્વેદ · અધ્યાય 8.098

ઇન્દ્રાય સામ ગાયત વિપ્રાય બૃહતે બૃહત્ ।
ધર્મકૃતે વિપશ્ચિતે પનસ્યવે ॥

ત્વમ્ ઇન્દ્રાભિભૂર્ અસિ ત્વં સૂર્યમ્ અરોચયઃ ।
વિશ્વકર્મા વિશ્વદેવો મહાઁ અસિ ॥

વિભ્રાજઞ્ જ્યોતિષા સ્વ1ર્ અગચ્છો રોચનં દિવઃ ।
દેવાસ્ ત ઇન્દ્ર સખ્યાય યેમિરે ॥

એન્દ્ર નો ગધિ પ્રિયઃ સત્રાજિદ્ અગોહ્યઃ ।
ગિરિર્ ન વિશ્વતસ્ પૃથુઃ પતિર્ દિવઃ ॥

અભિ હિ સત્ય સોમપા ઉભે બભૂથ રોદસી ।
ઇન્દ્રાસિ સુન્વતો વૃધઃ પતિર્ દિવઃ ॥

ત્વં હિ શશ્વતીનામ્ ઇન્દ્ર દર્તા પુરામ્ અસિ ।
હન્તા દસ્યોર્ મનોર્ વૃધઃ પતિર્ દિવઃ ॥

અધા હીન્દ્ર ગિર્વણ ઉપ ત્વા કામાન્ મહઃ સસૃજ્મહે ।
ઉદેવ યન્ત ઉદભિઃ ॥

વાર્ ણ ત્વા યવ્યાભિર્ વર્ધન્તિ શૂર બ્રહ્માણિ ।
વાવૃધ્વાંસં ચિદ્ અદ્રિવો દિવે-દિવે ॥

યુઞ્જન્તિ હરી ઇષિરસ્ય ગાથયોરૌ રથ ઉરુયુગે ।
ઇન્દ્રવાહા વચોયુજા ॥

ત્વં ન ઇન્દ્રા ભરઁ ઓજો નૃમ્ણં શતક્રતો વિચર્ષણે ।
આ વીરમ્ પૃતનાષહમ્ ॥

ત્વં હિ નઃ પિતા વસો ત્વમ્ માતા શતક્રતો બભૂવિથ ।
અધા તે સુમ્નમ્ ઈમહે ॥

ત્વાં શુષ્મિન્ પુરુહૂત વાજયન્તમ્ ઉપ બ્રુવે શતક્રતો ।
સ નો રાસ્વ સુવીર્યમ્ ॥