ઋગ્વેદ · અધ્યાય 8.038
યજ્ઞસ્ય હિ સ્થ ઋત્વિજા સસ્ની વાજેષુ કર્મસુ ।
ઇન્દ્રાગ્ની તસ્ય બોધતમ્ ॥
તોશાસા રથયાવાના વૃત્રહણાપરાજિતા ।
ઇન્દ્રાગ્ની તસ્ય બોધતમ્ ॥
ઇદં વામ્ મદિરમ્ મધ્વ્ અધુક્ષન્ન્ અદ્રિભિર્ નરઃ ।
ઇન્દ્રાગ્ની તસ્ય બોધતમ્ ॥
જુષેથાં યજ્ઞમ્ ઇષ્ટયે સુતં સોમં સધસ્તુતી ।
ઇન્દ્રાગ્ની આ ગતં નરા ॥
ઇમા જુષેથાં સવના યેભિર્ હવ્યાન્ય્ ઊહથુઃ ।
ઇન્દ્રાગ્ની આ ગતં નરા ॥
ઇમાં ગાયત્રવર્તનિં જુષેથાં સુષ્ટુતિમ્ મમ ।
ઇન્દ્રાગ્ની આ ગતં નરા ॥
પ્રાતર્યાવભિર્ આ ગતં દેવેભિર્ જેન્યાવસૂ ।
ઇન્દ્રાગ્ની સોમપીતયે ॥
શ્યાવાશ્વસ્ય સુન્વતો ઽત્રીણાં શૃણુતં હવમ્ ।
ઇન્દ્રાગ્ની સોમપીતયે ॥
એવા વામ્ અહ્વ ઊતયે યથાહુવન્ત મેધિરાઃ ।
ઇન્દ્રાગ્ની સોમપીતયે ॥
આહં સરસ્વતીવતોર્ ઇન્દ્રાગ્ન્યોર્ અવો વૃણે ।
યાભ્યાં ગાયત્રમ્ ઋચ્યતે ॥
મૂળ પાઠ: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0