ઋગ્વેદ · અધ્યાય 7.101

તિસ્રો વાચઃ પ્ર વદ જ્યોતિરગ્રા યા એતદ્ દુહ્રે મધુદોઘમ્ ઊધઃ ।
સ વત્સં કૃણ્વન્ ગર્ભમ્ ઓષધીનાં સદ્યો જાતો વૃષભો રોરવીતિ ॥

યો વર્ધન ઓષધીનાં યો અપાં યો વિશ્વસ્ય જગતો દેવ ઈશે ।
સ ત્રિધાતુ શરણં શર્મ યંસત્ ત્રિવર્તુ જ્યોતિઃ સ્વભિષ્ટ્ય્ અ1સ્મે ॥

સ્તરીર્ ઉ ત્વદ્ ભવતિ સૂત ઉ ત્વદ્ યથાવશં તન્વં ચક્ર એષઃ ।
પિતુઃ પયઃ પ્રતિ ગૃભ્ણાતિ માતા તેન પિતા વર્ધતે તેન પુત્રઃ ॥

યસ્મિન્ વિશ્વાનિ ભુવનાનિ તસ્થુસ્ તિસ્રો દ્યાવસ્ ત્રેધા સસ્રુર્ આપઃ ।
ત્રયઃ કોશાસ ઉપસેચનાસો મધ્વઃ શ્ચોતન્ત્ય્ અભિતો વિરપ્શમ્ ॥

ઇદં વચઃ પર્જન્યાય સ્વરાજે હૃદો અસ્ત્વ્ અન્તરં તજ્ જુજોષત્ ।
મયોભુવો વૃષ્ટયઃ સન્ત્વ્ અસ્મે સુપિપ્પલા ઓષધીર્ દેવગોપાઃ ॥

સ રેતોધા વૃષભઃ શશ્વતીનાં તસ્મિન્ન્ આત્મા જગતસ્ તસ્થુષશ્ ચ ।
તન્ મ ઋતમ્ પાતુ શતશારદાય યૂયમ્ પાત સ્વસ્તિભિઃ સદા નઃ ॥