ઋગ્વેદ · અધ્યાય 7.064

દિવિ ક્ષયન્તા રજસઃ પૃથિવ્યામ્ પ્ર વાં ઘૃતસ્ય નિર્ણિજો દદીરન્ ।
હવ્યં નો મિત્રો અર્યમા સુજાતો રાજા સુક્ષત્રો વરુણો જુષન્ત ॥

આ રાજાના મહ ઋતસ્ય ગોપા સિન્ધુપતી ક્ષત્રિયા યાતમ્ અર્વાક્ ।
ઇળાં નો મિત્રાવરુણોત વૃષ્ટિમ્ અવ દિવ ઇન્વતં જીરદાનૂ ॥

મિત્રસ્ તન્ નો વરુણો દેવો અર્યઃ પ્ર સાધિષ્ઠેભિઃ પથિભિર્ નયન્તુ ।
બ્રવદ્ યથા ન આદ્ અરિઃ સુદાસ ઇષા મદેમ સહ દેવગોપાઃ ॥

યો વાં ગર્તમ્ મનસા તક્ષદ્ એતમ્ ઊર્ધ્વાં ધીતિં કૃણવદ્ ધારયચ્ ચ ।
ઉક્ષેથામ્ મિત્રાવરુણા ઘૃતેન તા રાજાના સુક્ષિતીસ્ તર્પયેથામ્ ॥

એષ સ્તોમો વરુણ મિત્ર તુભ્યં સોમઃ શુક્રો ન વાયવે ઽયામિ ।
અવિષ્ટં ધિયો જિગૃતમ્ પુરંધીર્ યૂયમ્ પાત સ્વસ્તિભિઃ સદા નઃ ॥