ઋગ્વેદ · અધ્યાય 6.044

યો રયિવો રયિંતમો યો દ્યુમ્નૈર્ દ્યુમ્નવત્તમઃ ।
સોમઃ સુતઃ સ ઇન્દ્ર તે ઽસ્તિ સ્વધાપતે મદઃ ॥

યઃ શગ્મસ્ તુવિશગ્મ તે રાયો દામા મતીનામ્ ।
સોમઃ સુતઃ સ ઇન્દ્ર તે ઽસ્તિ સ્વધાપતે મદઃ ॥

યેન વૃદ્ધો ન શવસા તુરો ન સ્વાભિર્ ઊતિભિઃ ।
સોમઃ સુતઃ સ ઇન્દ્ર તે ઽસ્તિ સ્વધાપતે મદઃ ॥

ત્યમ્ ઉ વો અપ્રહણં ગૃણીષે શવસસ્ પતિમ્ ।
ઇન્દ્રં વિશ્વાસાહં નરમ્ મંહિષ્ઠં વિશ્વચર્ષણિમ્ ॥

યં વર્ધયન્તીદ્ ગિરઃ પતિં તુરસ્ય રાધસઃ ।
તમ્ ઇન્ ન્વ્ અસ્ય રોદસી દેવી શુષ્મં સપર્યતઃ ॥

તદ્ વ ઉક્થસ્ય બર્હણેન્દ્રાયોપસ્તૃણીષણિ ।
વિપો ન યસ્યોતયો વિ યદ્ રોહન્તિ સક્ષિતઃ ॥

અવિદદ્ દક્ષમ્ મિત્રો નવીયાન્ પપાનો દેવેભ્યો વસ્યો અચૈત્ ।
સસવાન્ સ્તૌલાભિર્ ધૌતરીભિર્ ઉરુષ્યા પાયુર્ અભવત્ સખિભ્યઃ ॥

ઋતસ્ય પથિ વેધા અપાયિ શ્રિયે મનાંસિ દેવાસો અક્રન્ ।
દધાનો નામ મહો વચોભિર્ વપુર્ દૃશયે વેન્યો વ્ય્ આવઃ ॥

દ્યુમત્તમં દક્ષં ધેહ્ય્ અસ્મે સેધા જનાનામ્ પૂર્વીર્ અરાતીઃ ।
વર્ષીયો વયઃ કૃણુહિ શચીભિર્ ધનસ્ય સાતાવ્ અસ્માઁ અવિડ્ઢિ ॥

ઇન્દ્ર તુભ્યમ્ ઇન્ મઘવન્ન્ અભૂમ વયં દાત્રે હરિવો મા વિ વેનઃ ।
નકિર્ આપિર્ દદૃશે મર્ત્યત્રા કિમ્ અઙ્ગ રધ્રચોદનં ત્વાહુઃ ॥

મા જસ્વને વૃષભ નો રરીથા મા તે રેવતઃ સખ્યે રિષામ ।
પૂર્વીષ્ ટ ઇન્દ્ર નિષ્ષિધો જનેષુ જહ્ય્ અસુષ્વીન્ પ્ર વૃહાપૃણતઃ ॥

ઉદ્ અભ્રાણીવ સ્તનયન્ન્ ઇયર્તીન્દ્રો રાધાંસ્ય્ અશ્વ્યાનિ ગવ્યા ।
ત્વમ્ અસિ પ્રદિવઃ કારુધાયા મા ત્વાદામાન આ દભન્ મઘોનઃ ॥

અધ્વર્યો વીર પ્ર મહે સુતાનામ્ ઇન્દ્રાય ભર સ હ્ય્ અસ્ય રાજા ।
યઃ પૂર્વ્યાભિર્ ઉત નૂતનાભિર્ ગીર્ભિર્ વાવૃધે ગૃણતામ્ ઋષીણામ્ ॥

અસ્ય મદે પુરુ વર્પાંસિ વિદ્વાન્ ઇન્દ્રો વૃત્રાણ્ય્ અપ્રતી જઘાન ।
તમ્ ઉ પ્ર હોષિ મધુમન્તમ્ અસ્મૈ સોમં વીરાય શિપ્રિણે પિબધ્યૈ ॥

પાતા સુતમ્ ઇન્દ્રો અસ્તુ સોમં હન્તા વૃત્રં વજ્રેણ મન્દસાનઃ ।
ગન્તા યજ્ઞમ્ પરાવતશ્ ચિદ્ અચ્છા વસુર્ ધીનામ્ અવિતા કારુધાયાઃ ॥

ઇદં ત્યત્ પાત્રમ્ ઇન્દ્રપાનમ્ ઇન્દ્રસ્ય પ્રિયમ્ અમૃતમ્ અપાયિ ।
મત્સદ્ યથા સૌમનસાય દેવં વ્ય્ અ1સ્મદ્ દ્વેષો યુયવદ્ વ્ય્ અંહઃ ॥

એના મન્દાનો જહિ શૂર શત્રૂઞ્ જામિમ્ અજામિમ્ મઘવન્ન્ અમિત્રાન્ ।
અભિષેણાઁ અભ્ય્ આ3દેદિશાનાન્ પરાચ ઇન્દ્ર પ્ર મૃણા જહી ચ ॥

આસુ ષ્મા ણો મઘવન્ન્ ઇન્દ્ર પૃત્સ્વ્ અ1સ્મભ્યમ્ મહિ વરિવઃ સુગં કઃ ।
અપાં તોકસ્ય તનયસ્ય જેષ ઇન્દ્ર સૂરીન્ કૃણુહિ સ્મા નો અર્ધમ્ ॥

આ ત્વા હરયો વૃષણો યુજાના વૃષરથાસો વૃષરશ્મયો ઽત્યાઃ ।
અસ્મત્રાઞ્ચો વૃષણો વજ્રવાહો વૃષ્ણે મદાય સુયુજો વહન્તુ ॥

આ તે વૃષન્ વૃષણો દ્રોણમ્ અસ્થુર્ ઘૃતપ્રુષો નોર્મયો મદન્તઃ ।
ઇન્દ્ર પ્ર તુભ્યં વૃષભિઃ સુતાનાં વૃષ્ણે ભરન્તિ વૃષભાય સોમમ્ ॥

વૃષાસિ દિવો વૃષભઃ પૃથિવ્યા વૃષા સિન્ધૂનાં વૃષભઃ સ્તિયાનામ્ ।
વૃષ્ણે ત ઇન્દુર્ વૃષભ પીપાય સ્વાદૂ રસો મધુપેયો વરાય ॥

અયં દેવઃ સહસા જાયમાન ઇન્દ્રેણ યુજા પણિમ્ અસ્તભાયત્ ।
અયં સ્વસ્ય પિતુર્ આયુધાનીન્દુર્ અમુષ્ણાદ્ અશિવસ્ય માયાઃ ॥

અયમ્ અકૃણોદ્ ઉષસઃ સુપત્નીર્ અયં સૂર્યે અદધાજ્ જ્યોતિર્ અન્તઃ ।
અયં ત્રિધાતુ દિવિ રોચનેષુ ત્રિતેષુ વિન્દદ્ અમૃતં નિગૂળ્હમ્ ॥

અયં દ્યાવાપૃથિવી વિ ષ્કભાયદ્ અયં રથમ્ અયુનક્ સપ્તરશ્મિમ્ ।
અયં ગોષુ શચ્યા પક્વમ્ અન્તઃ સોમો દાધાર દશયન્ત્રમ્ ઉત્સમ્ ॥