ઋગ્વેદ · અધ્યાય 5.069

ત્રી રોચના વરુણ ત્રીઁર્ ઉત દ્યૂન્ ત્રીણિ મિત્ર ધારયથો રજાંસિ ।
વાવૃધાનાવ્ અમતિં ક્ષત્રિયસ્યાનુ વ્રતં રક્ષમાણાવ્ અજુર્યમ્ ॥

ઇરાવતીર્ વરુણ ધેનવો વામ્ મધુમદ્ વાં સિન્ધવો મિત્ર દુહ્રે ।
ત્રયસ્ તસ્થુર્ વૃષભાસસ્ તિસૃણાં ધિષણાનાં રેતોધા વિ દ્યુમન્તઃ ॥

પ્રાતર્ દેવીમ્ અદિતિં જોહવીમિ મધ્યંદિન ઉદિતા સૂર્યસ્ય ।
રાયે મિત્રાવરુણા સર્વતાતેળે તોકાય તનયાય શં યોઃ ॥

યા ધર્તારા રજસો રોચનસ્યોતાદિત્યા દિવ્યા પાર્થિવસ્ય ।
ન વાં દેવા અમૃતા આ મિનન્તિ વ્રતાનિ મિત્રાવરુણા ધ્રુવાણિ ॥