ઋગ્વેદ · અધ્યાય 5.067

બળ્ ઇત્થા દેવ નિષ્કૃતમ્ આદિત્યા યજતમ્ બૃહત્ ।
વરુણ મિત્રાર્યમન્ વર્ષિષ્ઠં ક્ષત્રમ્ આશાથે ॥

આ યદ્ યોનિં હિરણ્યયં વરુણ મિત્ર સદથઃ ।
ધર્તારા ચર્ષણીનાં યન્તં સુમ્નં રિશાદસા ॥

વિશ્વે હિ વિશ્વવેદસો વરુણો મિત્રો અર્યમા ।
વ્રતા પદેવ સશ્ચિરે પાન્તિ મર્ત્યં રિષઃ ॥

તે હિ સત્યા ઋતસ્પૃશ ઋતાવાનો જને-જને ।
સુનીથાસઃ સુદાનવો ઽંહોશ્ ચિદ્ ઉરુચક્રયઃ ॥

કો નુ વામ્ મિત્રાસ્તુતો વરુણો વા તનૂનામ્ ।
તત્ સુ વામ્ એષતે મતિર્ અત્રિભ્ય એષતે મતિઃ ॥