ઋગ્વેદ · અધ્યાય 5.001

અબોધ્ય્ અગ્નિઃ સમિધા જનાનામ્ પ્રતિ ધેનુમ્ ઇવાયતીમ્ ઉષાસમ્ ।
યહ્વા ઇવ પ્ર વયામ્ ઉજ્જિહાનાઃ પ્ર ભાનવઃ સિસ્રતે નાકમ્ અચ્છ ॥

અબોધિ હોતા યજથાય દેવાન્ ઊર્ધ્વો અગ્નિઃ સુમનાઃ પ્રાતર્ અસ્થાત્ ।
સમિદ્ધસ્ય રુશદ્ અદર્શિ પાજો મહાન્ દેવસ્ તમસો નિર્ અમોચિ ॥

યદ્ ઈં ગણસ્ય રશનામ્ અજીગઃ શુચિર્ અઙ્ક્તે શુચિભિર્ ગોભિર્ અગ્નિઃ ।
આદ્ દક્ષિણા યુજ્યતે વાજયન્ત્ય્ ઉત્તાનામ્ ઊર્ધ્વો અધયજ્ જુહૂભિઃ ॥

અગ્નિમ્ અચ્છા દેવયતામ્ મનાંસિ ચક્ષૂંષીવ સૂર્યે સં ચરન્તિ ।
યદ્ ઈં સુવાતે ઉષસા વિરૂપે શ્વેતો વાજી જાયતે અગ્રે અહ્નામ્ ॥

જનિષ્ટ હિ જેન્યો અગ્રે અહ્નાં હિતો હિતેષ્વ્ અરુષો વનેષુ ।
દમે-દમે સપ્ત રત્ના દધાનો ઽગ્નિર્ હોતા નિ ષસાદા યજીયાન્ ॥

અગ્નિર્ હોતા ન્ય્ અસીદદ્ યજીયાન્ ઉપસ્થે માતુઃ સુરભા ઉ લોકે ।
યુવા કવિઃ પુરુનિષ્ઠ ઋતાવા ધર્તા કૃષ્ટીનામ્ ઉત મધ્ય ઇદ્ધઃ ॥

પ્ર ણુ ત્યં વિપ્રમ્ અધ્વરેષુ સાધુમ્ અગ્નિં હોતારમ્ ઈળતે નમોભિઃ ।
આ યસ્ તતાન રોદસી ઋતેન નિત્યમ્ મૃજન્તિ વાજિનં ઘૃતેન ॥

માર્જાલ્યો મૃજ્યતે સ્વે દમૂનાઃ કવિપ્રશસ્તો અતિથિઃ શિવો નઃ ।
સહસ્રશૃઙ્ગો વૃષભસ્ તદોજા વિશ્વાઁ અગ્ને સહસા પ્રાસ્ય્ અન્યાન્ ॥

પ્ર સદ્યો અગ્ને અત્ય્ એષ્ય્ અન્યાન્ આવિર્ યસ્મૈ ચારુતમો બભૂથ ।
ઈળેન્યો વપુષ્યો વિભાવા પ્રિયો વિશામ્ અતિથિર્ માનુષીણામ્ ॥

તુભ્યમ્ ભરન્તિ ક્ષિતયો યવિષ્ઠ બલિમ્ અગ્ને અન્તિત ઓત દૂરાત્ ।
આ ભન્દિષ્ઠસ્ય સુમતિં ચિકિદ્ધિ બૃહત્ તે અગ્ને મહિ શર્મ ભદ્રમ્ ॥

આદ્ય રથમ્ ભાનુમો ભાનુમન્તમ્ અગ્ને તિષ્ઠ યજતેભિઃ સમન્તમ્ ।
વિદ્વાન્ પથીનામ્ ઉર્વ્ અ1ન્તરિક્ષમ્ એહ દેવાન્ હવિરદ્યાય વક્ષિ ॥

અવોચામ કવયે મેધ્યાય વચો વન્દારુ વૃષભાય વૃષ્ણે ।
ગવિષ્ઠિરો નમસા સ્તોમમ્ અગ્નૌ દિવીવ રુક્મમ્ ઉરુવ્યઞ્ચમ્ અશ્રેત્ ॥