ઋગ્વેદ · અધ્યાય 3.020

અગ્નિમ્ ઉષસમ્ અશ્વિના દધિક્રાં વ્યુષ્ટિષુ હવતે વહ્નિર્ ઉક્થૈઃ ।
સુજ્યોતિષો નઃ શૃણ્વન્તુ દેવાઃ સજોષસો અધ્વરં વાવશાનાઃ ॥

અગ્ને ત્રી તે વાજિના ત્રી ષધસ્થા તિસ્રસ્ તે જિહ્વા ઋતજાત પૂર્વીઃ ।
તિસ્ર ઉ તે તન્વો દેવવાતાસ્ તાભિર્ નઃ પાહિ ગિરો અપ્રયુચ્છન્ ॥

અગ્ને ભૂરીણિ તવ જાતવેદો દેવ સ્વધાવો ઽમૃતસ્ય નામ ।
યાશ્ ચ માયા માયિનાં વિશ્વમિન્વ ત્વે પૂર્વીઃ સંદધુઃ પૃષ્ટબન્ધો ॥

અગ્નિર્ નેતા ભગ ઇવ ક્ષિતીનાં દૈવીનાં દેવ ઋતુપા ઋતાવા ।
સ વૃત્રહા સનયો વિશ્વવેદાઃ પર્ષદ્ વિશ્વાતિ દુરિતા ગૃણન્તમ્ ॥

દધિક્રામ્ અગ્નિમ્ ઉષસં ચ દેવીમ્ બૃહસ્પતિં સવિતારં ચ દેવમ્ ।
અશ્વિના મિત્રાવરુણા ભગં ચ વસૂન્ રુદ્રાઁ આદિત્યાઁ ઇહ હુવે ॥