ઋગ્વેદ · અધ્યાય 3.017

સમિધ્યમાનઃ પ્રથમાનુ ધર્મા સમ્ અક્તુભિર્ અજ્યતે વિશ્વવારઃ ।
શોચિષ્કેશો ઘૃતનિર્ણિક્ પાવકઃ સુયજ્ઞો અગ્નિર્ યજથાય દેવાન્ ॥

યથાયજો હોત્રમ્ અગ્ને પૃથિવ્યા યથા દિવો જાતવેદશ્ ચિકિત્વાન્ ।
એવાનેન હવિષા યક્ષિ દેવાન્ મનુષ્વદ્ યજ્ઞમ્ પ્ર તિરેમમ્ અદ્ય ॥

ત્રીણ્ય્ આયૂંષિ તવ જાતવેદસ્ તિસ્ર આજાનીર્ ઉષસસ્ તે અગ્ને ।
તાભિર્ દેવાનામ્ અવો યક્ષિ વિદ્વાન્ અથા ભવ યજમાનાય શં યોઃ ॥

અગ્નિં સુદીતિં સુદૃશં ગૃણન્તો નમસ્યામસ્ ત્વેડ્યં જાતવેદઃ ।
ત્વાં દૂતમ્ અરતિં હવ્યવાહં દેવા અકૃણ્વન્ન્ અમૃતસ્ય નાભિમ્ ॥

યસ્ ત્વદ્ ધોતા પૂર્વો અગ્ને યજીયાન્ દ્વિતા ચ સત્તા સ્વધયા ચ શમ્ભુઃ ।
તસ્યાનુ ધર્મ પ્ર યજા ચિકિત્વો ઽથા નો ધા અધ્વરં દેવવીતૌ ॥