ઋગ્વેદ · અધ્યાય 3.016

અયમ્ અગ્નિઃ સુવીર્યસ્યેશે મહઃ સૌભગસ્ય ।
રાય ઈશે સ્વપત્યસ્ય ગોમત ઈશે વૃત્રહથાનામ્ ॥

ઇમં નરો મરુતઃ સશ્ચતા વૃધં યસ્મિન્ રાયઃ શેવૃધાસઃ ।
અભિ યે સન્તિ પૃતનાસુ દૂઢ્યો વિશ્વાહા શત્રુમ્ આદભુઃ ॥

સ ત્વં નો રાયઃ શિશીહિ મીઢ્વો અગ્ને સુવીર્યસ્ય ।
તુવિદ્યુમ્ન વર્ષિષ્ઠસ્ય પ્રજાવતો ઽનમીવસ્ય શુષ્મિણઃ ॥

ચક્રિર્ યો વિશ્વા ભુવનાભિ સાસહિશ્ ચક્રિર્ દેવેષ્વ્ આ દુવઃ ।
આ દેવેષુ યતત આ સુવીર્ય આ શંસ ઉત નૃણામ્ ॥

મા નો અગ્ને ઽમતયે માવીરતાયૈ રીરધઃ ।
માગોતાયૈ સહસસ્ પુત્ર મા નિદે ઽપ દ્વેષાંસ્ય્ આ કૃધિ ॥

શગ્ધિ વાજસ્ય સુભગ પ્રજાવતો ઽગ્ને બૃહતો અધ્વરે ।
સં રાયા ભૂયસા સૃજ મયોભુના તુવિદ્યુમ્ન યશસ્વતા ॥