ઋગ્વેદ · અધ્યાય 10.181

પ્રથશ્ ચ યસ્ય સપ્રથશ્ ચ નામાનુષ્ટુભસ્ય હવિષો હવિર્ યત્ ।
ધાતુર્ દ્યુતાનાત્ સવિતુશ્ ચ વિષ્ણો રથંતરમ્ આ જભારા વસિષ્ઠઃ ॥

અવિન્દન્ તે અતિહિતં યદ્ આસીદ્ યજ્ઞસ્ય ધામ પરમં ગુહા યત્ ।
ધાતુર્ દ્યુતાનાત્ સવિતુશ્ ચ વિષ્ણોર્ ભરદ્વાજો બૃહદ્ આ ચક્રે અગ્નેઃ ॥

તે ઽવિન્દન્ મનસા દીધ્યાના યજુઃ ષ્કન્નમ્ પ્રથમં દેવયાનમ્ ।
ધાતુર્ દ્યુતાનાત્ સવિતુશ્ ચ વિષ્ણોર્ આ સૂર્યાદ્ અભરન્ ઘર્મમ્ એતે ॥