ઋગ્વેદ · અધ્યાય 10.180

પ્ર સસાહિષે પુરુહૂત શત્રૂઞ્ જ્યેષ્ઠસ્ તે શુષ્મ ઇહ રાતિર્ અસ્તુ ।
ઇન્દ્રા ભર દક્ષિણેના વસૂનિ પતિઃ સિન્ધૂનામ્ અસિ રેવતીનામ્ ॥

મૃગો ન ભીમઃ કુચરો ગિરિષ્ઠાઃ પરાવત આ જગન્થા પરસ્યાઃ ।
સૃકં સંશાય પવિમ્ ઇન્દ્ર તિગ્મં વિ શત્રૂન્ તાળ્હિ વિ મૃધો નુદસ્વ ॥

ઇન્દ્ર ક્ષત્રમ્ અભિ વામમ્ ઓજો ઽજાયથા વૃષભ ચર્ષણીનામ્ ।
અપાનુદો જનમ્ અમિત્રયન્તમ્ ઉરું દેવેભ્યો અકૃણોર્ ઉ લોકમ્ ॥