ઋગ્વેદ · અધ્યાય 10.174

અભીવર્તેન હવિષા યેનેન્દ્રો અભિવાવૃતે ।
તેનાસ્માન્ બ્રહ્મણસ્ પતે ઽભિ રાષ્ટ્રાય વર્તય ॥

અભિવૃત્ય સપત્નાન્ અભિ યા નો અરાતયઃ ।
અભિ પૃતન્યન્તં તિષ્ઠાભિ યો ન ઇરસ્યતિ ॥

અભિ ત્વા દેવઃ સવિતાભિ સોમો અવીવૃતત્ ।
અભિ ત્વા વિશ્વા ભૂતાન્ય્ અભીવર્તો યથાસસિ ॥

યેનેન્દ્રો હવિષા કૃત્વ્ય્ અભવદ્ દ્યુમ્ન્ય્ ઉત્તમઃ ।
ઇદં તદ્ અક્રિ દેવા અસપત્નઃ કિલાભુવમ્ ॥

અસપત્નઃ સપત્નહાભિરાષ્ટ્રો વિષાસહિઃ ।
યથાહમ્ એષામ્ ભૂતાનાં વિરાજાનિ જનસ્ય ચ ॥