ઋગ્વેદ · અધ્યાય 10.168

વાતસ્ય નુ મહિમાનં રથસ્ય રુજન્ન્ એતિ સ્તનયન્ન્ અસ્ય ઘોષઃ ।
દિવિસ્પૃગ્ યાત્ય્ અરુણાનિ કૃણ્વન્ન્ ઉતો એતિ પૃથિવ્યા રેણુમ્ અસ્યન્ ॥

સમ્ પ્રેરતે અનુ વાતસ્ય વિષ્ઠા ઐનં ગચ્છન્તિ સમનં ન યોષાઃ ।
તાભિઃ સયુક્ સરથં દેવ ઈયતે ઽસ્ય વિશ્વસ્ય ભુવનસ્ય રાજા ॥

અન્તરિક્ષે પથિભિર્ ઈયમાનો ન નિ વિશતે કતમચ્ ચનાહઃ ।
અપાં સખા પ્રથમજા ઋતાવા ક્વ સ્વિજ્ જાતઃ કુત આ બભૂવ ॥

આત્મા દેવાનામ્ ભુવનસ્ય ગર્ભો યથાવશં ચરતિ દેવ એષઃ ।
ઘોષા ઇદ્ અસ્ય શૃણ્વિરે ન રૂપં તસ્મૈ વાતાય હવિષા વિધેમ ॥