ઋગ્વેદ · અધ્યાય 10.150

સમિદ્ધશ્ ચિત્ સમ્ ઇધ્યસે દેવેભ્યો હવ્યવાહન ।
આદિત્યૈ રુદ્રૈર્ વસુભિર્ ન આ ગહિ મૃળીકાય ન આ ગહિ ॥

ઇમં યજ્ઞમ્ ઇદં વચો જુજુષાણ ઉપાગહિ ।
મર્તાસસ્ ત્વા સમિધાન હવામહે મૃળીકાય હવામહે ॥

ત્વામ્ ઉ જાતવેદસં વિશ્વવારં ગૃણે ધિયા ।
અગ્ને દેવાઁ આ વહ નઃ પ્રિયવ્રતાન્ મૃળીકાય પ્રિયવ્રતાન્ ॥

અગ્નિર્ દેવો દેવાનામ્ અભવત્ પુરોહિતો ઽગ્નિમ્ મનુષ્યા3 ઋષયઃ સમ્ ઈધિરે ।
અગ્નિમ્ મહો ધનસાતાવ્ અહં હુવે મૃળીકં ધનસાતયે ॥

અગ્નિર્ અત્રિમ્ ભરદ્વાજં ગવિષ્ઠિરમ્ પ્રાવન્ નઃ કણ્વં ત્રસદસ્યુમ્ આહવે ।
અગ્નિં વસિષ્ઠો હવતે પુરોહિતો મૃળીકાય પુરોહિતઃ ॥