ઋગ્વેદ · અધ્યાય 10.149

સવિતા યન્ત્રૈઃ પૃથિવીમ્ અરમ્ણાદ્ અસ્કમ્ભને સવિતા દ્યામ્ અદૃંહત્ ।
અશ્વમ્ ઇવાધુક્ષદ્ ધુનિમ્ અન્તરિક્ષમ્ અતૂર્તે બદ્ધં સવિતા સમુદ્રમ્ ॥

યત્રા સમુદ્રઃ સ્કભિતો વ્ય્ ઔનદ્ અપાં નપાત્ સવિતા તસ્ય વેદ ।
અતો ભૂર્ અત આ ઉત્થિતં રજો ઽતો દ્યાવાપૃથિવી અપ્રથેતામ્ ॥

પશ્ચેદમ્ અન્યદ્ અભવદ્ યજત્રમ્ અમર્ત્યસ્ય ભુવનસ્ય ભૂના ।
સુપર્ણો અઙ્ગ સવિતુર્ ગરુત્માન્ પૂર્વો જાતઃ સ ઉ અસ્યાનુ ધર્મ ॥

ગાવ ઇવ ગ્રામં યૂયુધિર્ ઇવાશ્વાન્ વાશ્રેવ વત્સં સુમના દુહાના ।
પતિર્ ઇવ જાયામ્ અભિ નો ન્ય્ એતુ ધર્તા દિવઃ સવિતા વિશ્વવારઃ ॥

હિરણ્યસ્તૂપઃ સવિતર્ યથા ત્વાઙ્ગિરસો જુહ્વે વાજે અસ્મિન્ ।
એવા ત્વાર્ચન્ન્ અવસે વન્દમાનઃ સોમસ્યેવાંશુમ્ પ્રતિ જાગરાહમ્ ॥