ઋગ્વેદ · અધ્યાય 10.057

મા પ્ર ગામ પથો વયમ્ મા યજ્ઞાદ્ ઇન્દ્ર સોમિનઃ ।
માન્તઃ સ્થુર્ નો અરાતયઃ ॥

યો યજ્ઞસ્ય પ્રસાધનસ્ તન્તુર્ દેવેષ્વ્ આતતઃ ।
તમ્ આહુતં નશીમહિ ॥

મનો ન્વ્ આ હુવામહે નારાશંસેન સોમેન ।
પિતૄણાં ચ મન્મભિઃ ॥

આ ત એતુ મનઃ પુનઃ ક્રત્વે દક્ષાય જીવસે ।
જ્યોક્ ચ સૂર્યં દૃશે ॥

પુનર્ નઃ પિતરો મનો દદાતુ દૈવ્યો જનઃ ।
જીવં વ્રાતં સચેમહિ ॥

વયં સોમ વ્રતે તવ મનસ્ તનૂષુ બિભ્રતઃ ।
પ્રજાવન્તઃ સચેમહિ ॥