ઋગ્વેદ · અધ્યાય 1.173

ગાયત્ સામ નભન્ય1ં યથા વેર્ અર્ચામ તદ્ વાવૃધાનં સ્વર્વત્ ।
ગાવો ધેનવો બર્હિષ્ય્ અદબ્ધા આ યત્ સદ્માનં દિવ્યં વિવાસાન્ ॥

અર્ચદ્ વૃષા વૃષભિઃ સ્વેદુહવ્યૈર્ મૃગો નાશ્નો અતિ યજ્ જુગુર્યાત્ ।
પ્ર મન્દયુર્ મનાં ગૂર્ત હોતા ભરતે મર્યો મિથુના યજત્રઃ ॥

નક્ષદ્ ધોતા પરિ સદ્મ મિતા યન્ ભરદ્ ગર્ભમ્ આ શરદઃ પૃથિવ્યાઃ ।
ક્રન્દદ્ અશ્વો નયમાનો રુવદ્ ગૌર્ અન્તર્ દૂતો ન રોદસી ચરદ્ વાક્ ॥

તા કર્માષતરાસ્મૈ પ્ર ચ્યૌત્નાનિ દેવયન્તો ભરન્તે ।
જુજોષદ્ ઇન્દ્રો દસ્મવર્ચા નાસત્યેવ સુગ્મ્યો રથેષ્ઠાઃ ॥

તમ્ ઉ ષ્ટુહીન્દ્રં યો હ સત્વા યઃ શૂરો મઘવા યો રથેષ્ઠાઃ ।
પ્રતીચશ્ ચિદ્ યોધીયાન્ વૃષણ્વાન્ વવવ્રુષશ્ ચિત્ તમસો વિહન્તા ॥

પ્ર યદ્ ઇત્થા મહિના નૃભ્યો અસ્ત્ય્ અરં રોદસી કક્ષ્યે3 નાસ્મૈ ।
સં વિવ્ય ઇન્દ્રો વૃજનં ન ભૂમા ભર્તિ સ્વધાવાઁ ઓપશમ્ ઇવ દ્યામ્ ॥

સમત્સુ ત્વા શૂર સતામ્ ઉરાણમ્ પ્રપથિન્તમમ્ પરિતંસયધ્યૈ ।
સજોષસ ઇન્દ્રમ્ મદે ક્ષોણીઃ સૂરિં ચિદ્ યે અનુમદન્તિ વાજૈઃ ॥

એવા હિ તે શં સવના સમુદ્ર આપો યત્ ત આસુ મદન્તિ દેવીઃ ।
વિશ્વા તે અનુ જોષ્યા ભૂદ્ ગૌઃ સૂરીઁશ્ ચિદ્ યદિ ધિષા વેષિ જનાન્ ॥

અસામ યથા સુષખાય એન સ્વભિષ્ટયો નરાં ન શંસૈઃ ।
અસદ્ યથા ન ઇન્દ્રો વન્દનેષ્ઠાસ્ તુરો ન કર્મ નયમાન ઉક્થા ॥

વિષ્પર્ધસો નરાં ન શંસૈર્ અસ્માકાસદ્ ઇન્દ્રો વજ્રહસ્તઃ ।
મિત્રાયુવો ન પૂર્પતિં સુશિષ્ટૌ મધ્યાયુવ ઉપ શિક્ષન્તિ યજ્ઞૈઃ ॥

યજ્ઞો હિ ષ્મેન્દ્રં કશ્ ચિદ્ ઋન્ધઞ્ જુહુરાણશ્ ચિન્ મનસા પરિયન્ ।
તીર્થે નાચ્છા તાતૃષાણમ્ ઓકો દીર્ઘો ન સિધ્રમ્ આ કૃણોત્ય્ અધ્વા ॥

મો ષૂ ણ ઇન્દ્રાત્ર પૃત્સુ દેવૈર્ અસ્તિ હિ ષ્મા તે શુષ્મિન્ન્ અવયાઃ ।
મહશ્ ચિદ્ યસ્ય મીળ્હુષો યવ્યા હવિષ્મતો મરુતો વન્દતે ગીઃ ॥

એષ સ્તોમ ઇન્દ્ર તુભ્યમ્ અસ્મે એતેન ગાતું હરિવો વિદો નઃ ।
આ નો વવૃત્યાઃ સુવિતાય દેવ વિદ્યામેષં વૃજનં જીરદાનુમ્ ॥