ઋગ્વેદ · અધ્યાય 1.077

કથા દાશેમાગ્નયે કાસ્મૈ દેવજુષ્ટોચ્યતે ભામિને ગીઃ ।
યો મર્ત્યેષ્વ્ અમૃત ઋતાવા હોતા યજિષ્ઠ ઇત્ કૃણોતિ દેવાન્ ॥

યો અધ્વરેષુ શંતમ ઋતાવા હોતા તમ્ ઊ નમોભિર્ આ કૃણુધ્વમ્ ।
અગ્નિર્ યદ્ વેર્ મર્તાય દેવાન્ સ ચા બોધાતિ મનસા યજાતિ ॥

સ હિ ક્રતુઃ સ મર્યઃ સ સાધુર્ મિત્રો ન ભૂદ્ અદ્ભુતસ્ય રથીઃ ।
તમ્ મેધેષુ પ્રથમં દેવયન્તીર્ વિશ ઉપ બ્રુવતે દસ્મમ્ આરીઃ ॥

સ નો નૃણાં નૃતમો રિશાદા અગ્નિર્ ગિરો ઽવસા વેતુ ધીતિમ્ ।
તના ચ યે મઘવાનઃ શવિષ્ઠા વાજપ્રસૂતા ઇષયન્ત મન્મ ॥

એવાગ્નિર્ ગોતમેભિર્ ઋતાવા વિપ્રેભિર્ અસ્તોષ્ટ જાતવેદાઃ ।
સ એષુ દ્યુમ્નમ્ પીપયત્ સ વાજં સ પુષ્ટિં યાતિ જોષમ્ આ ચિકિત્વાન્ ॥