ઋગ્વેદ · અધ્યાય 1.071

ઉપ પ્ર જિન્વન્ન્ ઉશતીર્ ઉશન્તમ્ પતિં ન નિત્યં જનયઃ સનીળાઃ ।
સ્વસારઃ શ્યાવીમ્ અરુષીમ્ અજુષ્રઞ્ ચિત્રમ્ ઉચ્છન્તીમ્ ઉષસં ન ગાવઃ ॥

વીળુ ચિદ્ દૃળ્હા પિતરો ન ઉક્થૈર્ અદ્રિં રુજન્ન્ અઙ્ગિરસો રવેણ ।
ચક્રુર્ દિવો બૃહતો ગાતુમ્ અસ્મે અહઃ સ્વર્ વિવિદુઃ કેતુમ્ ઉસ્રાઃ ॥

દધન્ન્ ઋતં ધનયન્ન્ અસ્ય ધીતિમ્ આદ્ ઇદ્ અર્યો દિધિષ્વો3 વિભૃત્રાઃ ।
અતૃષ્યન્તીર્ અપસો યન્ત્ય્ અચ્છા દેવાઞ્ જન્મ પ્રયસા વર્ધયન્તીઃ ॥

મથીદ્ યદ્ ઈં વિભૃતો માતરિશ્વા ગૃહે-ગૃહે શ્યેતો જેન્યો ભૂત્ ।
આદ્ ઈં રાજ્ઞે ન સહીયસે સચા સન્ન્ આ દૂત્ય1મ્ ભૃગવાણો વિવાય ॥

મહે યત્ પિત્ર ઈં રસં દિવે કર્ અવ ત્સરત્ પૃશન્યશ્ ચિકિત્વાન્ ।
સૃજદ્ અસ્તા ધૃષતા દિદ્યુમ્ અસ્મૈ સ્વાયાં દેવો દુહિતરિ ત્વિષિં ધાત્ ॥

સ્વ આ યસ્ તુભ્યં દમ આ વિભાતિ નમો વા દાશાદ્ ઉશતો અનુ દ્યૂન્ ।
વર્ધો અગ્ને વયો અસ્ય દ્વિબર્હા યાસદ્ રાયા સરથં યં જુનાસિ ॥

અગ્નિં વિશ્વા અભિ પૃક્ષઃ સચન્તે સમુદ્રં ન સ્રવતઃ સપ્ત યહ્વીઃ ।
ન જામિભિર્ વિ ચિકિતે વયો નો વિદા દેવેષુ પ્રમતિં ચિકિત્વાન્ ॥

આ યદ્ ઇષે નૃપતિં તેજ આનટ્ છુચિ રેતો નિષિક્તં દ્યૌર્ અભીકે ।
અગ્નિઃ શર્ધમ્ અનવદ્યં યુવાનં સ્વાધ્યં જનયત્ સૂદયચ્ ચ ॥

મનો ન યો ઽધ્વનઃ સદ્ય એત્ય્ એકઃ સત્રા સૂરો વસ્વ ઈશે ।
રાજાના મિત્રાવરુણા સુપાણી ગોષુ પ્રિયમ્ અમૃતં રક્ષમાણા ॥

મા નો અગ્ને સખ્યા પિત્ર્યાણિ પ્ર મર્ષિષ્ઠા અભિ વિદુષ્ કવિઃ સન્ ।
નભો ન રૂપં જરિમા મિનાતિ પુરા તસ્યા અભિશસ્તેર્ અધીહિ ॥