ઋગ્વેદ · અધ્યાય 1.048

સહ વામેન ન ઉષો વ્ય્ ઉચ્છા દુહિતર્ દિવઃ ।
સહ દ્યુમ્નેન બૃહતા વિભાવરિ રાયા દેવિ દાસ્વતી ॥

અશ્વાવતીર્ ગોમતીર્ વિશ્વસુવિદો ભૂરિ ચ્યવન્ત વસ્તવે ।
ઉદ્ ઈરય પ્રતિ મા સૂનૃતા ઉષશ્ ચોદ રાધો મઘોનામ્ ॥

ઉવાસોષા ઉચ્છાચ્ ચ નુ દેવી જીરા રથાનામ્ ।
યે અસ્યા આચરણેષુ દધ્રિરે સમુદ્રે ન શ્રવસ્યવઃ ॥

ઉષો યે તે પ્ર યામેષુ યુઞ્જતે મનો દાનાય સૂરયઃ ।
અત્રાહ તત્ કણ્વ એષાં કણ્વતમો નામ ગૃણાતિ નૃણામ્ ॥

આ ઘા યોષેવ સૂનર્ય્ ઉષા યાતિ પ્રભુઞ્જતી ।
જરયન્તી વૃજનમ્ પદ્વદ્ ઈયત ઉત્ પાતયતિ પક્ષિણઃ ॥

વિ યા સૃજતિ સમનં વ્ય્ અ1ર્થિનઃ પદં ન વેત્ય્ ઓદતી ।
વયો નકિષ્ ટે પપ્તિવાંસ આસતે વ્યુષ્ટૌ વાજિનીવતિ ॥

એષાયુક્ત પરાવતઃ સૂર્યસ્યોદયનાદ્ અધિ ।
શતં રથેભિઃ સુભગોષા ઇયં વિ યાત્ય્ અભિ માનુષાન્ ॥

વિશ્વમ્ અસ્યા નાનામ ચક્ષસે જગજ્ જ્યોતિષ્ કૃણોતિ સૂનરી ।
અપ દ્વેષો મઘોની દુહિતા દિવ ઉષા ઉચ્છદ્ અપ સ્રિધઃ ॥

ઉષ આ ભાહિ ભાનુના ચન્દ્રેણ દુહિતર્ દિવઃ ।
આવહન્તી ભૂર્ય્ અસ્મભ્યં સૌભગં વ્યુચ્છન્તી દિવિષ્ટિષુ ॥

વિશ્વસ્ય હિ પ્રાણનં જીવનં ત્વે વિ યદ્ ઉચ્છસિ સૂનરિ ।
સા નો રથેન બૃહતા વિભાવરિ શ્રુધિ ચિત્રામઘે હવમ્ ॥

ઉષો વાજં હિ વંસ્વ યશ્ ચિત્રો માનુષે જને ।
તેના વહ સુકૃતો અધ્વરાઁ ઉપ યે ત્વા ગૃણન્તિ વહ્નયઃ ॥

વિશ્વાન્ દેવાઁ આ વહ સોમપીતયે ઽન્તરિક્ષાદ્ ઉષસ્ ત્વમ્ ।
સાસ્માસુ ધા ગોમદ્ અશ્વાવદ્ ઉક્થ્ય1મ્ ઉષો વાજં સુવીર્યમ્ ॥

યસ્યા રુશન્તો અર્ચયઃ પ્રતિ ભદ્રા અદૃક્ષત ।
સા નો રયિં વિશ્વવારં સુપેશસમ્ ઉષા દદાતુ સુગ્મ્યમ્ ॥

યે ચિદ્ ધિ ત્વામ્ ઋષયઃ પૂર્વ ઊતયે જુહૂરે ઽવસે મહિ ।
સા નઃ સ્તોમાઁ અભિ ગૃણીહિ રાધસોષઃ શુક્રેણ શોચિષા ॥

ઉષો યદ્ અદ્ય ભાનુના વિ દ્વારાવ્ ઋણવો દિવઃ ।
પ્ર નો યચ્છતાદ્ અવૃકમ્ પૃથુ ચ્છર્દિઃ પ્ર દેવિ ગોમતીર્ ઇષઃ ॥

સં નો રાયા બૃહતા વિશ્વપેશસા મિમિક્ષ્વા સમ્ ઇળાભિર્ આ ।
સં દ્યુમ્નેન વિશ્વતુરોષો મહિ સં વાજૈર્ વાજિનીવતિ ॥