ઋગ્વેદ · અધ્યાય 1.029

યચ્ ચિદ્ ધિ સત્ય સોમપા અનાશસ્તા ઇવ સ્મસિ ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

શિપ્રિન્ વાજાનામ્ પતે શચીવસ્ તવ દંસના ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

નિ ષ્વાપયા મિથૂદૃશા સસ્તામ્ અબુધ્યમાને ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

સસન્તુ ત્યા અરાતયો બોધન્તુ શૂર રાતયઃ ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

સમ્ ઇન્દ્ર ગર્દભમ્ મૃણ નુવન્તમ્ પાપયામુયા ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

પતાતિ કુણ્ડૃણાચ્યા દૂરં વાતો વનાદ્ અધિ ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥

સર્વમ્ પરિક્રોશં જહિ જમ્ભયા કૃકદાશ્વમ્ ।
આ તૂ ન ઇન્દ્ર શંસય ગોષ્વ્ અશ્વેષુ શુભ્રિષુ સહસ્રેષુ તુવીમઘ ॥