રેવાખાણ્ડ (સંશોધિત પાઠ) · અધ્યાય 69

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ધનદતીર્થમાહાત્મ્યવર્ણનં નામાષ્ટષષ્ટિતમો ઽધ્યાયઃ ॥
ર્ક્વ્ અધ્યાય 69
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર મઙ્ગલેશ્વરમુત્તમમ્ ।
સ્થાપિતં ભૂમિપુત્રેણ લોકાનાં હિતકામ્યયા

તોષિતઃ પરયા ભક્ત્યા શઙ્કરઃ શશિશેખરઃ ।
ચતુર્દશ્યાં ગુરુર્દેવઃ પ્રત્યક્ષો મઙ્ગલેશ્વરઃ

બ્રૂહિ પુત્ર વરં શુભ્રં તં તે દાસ્યામિ મઙ્ગલ

મઙ્ગલ ઉવાચ:
પ્રસાદં કુરુ મે શમ્ભો પ્રતિજન્મનિ શઙ્કર ।
ત્વદઙ્ગસ્વેદસમ્ભૂતો ગ્રહમધ્યે વસામ્યહમ્

ત્વત્પ્રસાદેન ઈશાન પૂજ્યો ઽહં સર્વદૈવતૈઃ ।
કૃતાર્થો હ્યદ્ય સંજાતસ્તવ દર્શનભાષણાત્

સ્થાને ઽસ્મિન્ દેવદેવેશ મમ નામ્ના મહેશ્વરઃ ।
એવં ભવતુ તે પુત્રેત્યુક્ત્વા ચાન્તરધીયત

મઙ્ગલો ઽપિ મહાત્મા વૈ સ્થાપયિત્વા મહેશ્વરમ્ ।
આત્મયોગબલેનૈવ શૂલિનાપૂજયત્તતઃ

સર્વદુઃખહરં લિઙ્ગં નામ્ના વૈ મઙ્ગલેશ્વરમ્ ।
તત્ર તીર્થે તુ વૈ રાજન્બ્રાહ્મણાન્પ્રીણયેત્સુધીઃ

સપત્નીકાન્ નૃપશ્રેષ્ઠ ચતુર્થ્યઙ્ગારકે વ્રતે ।
પત્નીભર્તારસંયુક્તં વિદ્વાંસં શ્રોત્રિયં દ્વિજમ્

વ્રતાન્તે ચૈવ ગૌર્ધુર્યૈઃ શિવમુદ્દિશ્ય દીયતે ।
પ્રીયતાં મે મહાદેવઃ સપત્નીકો વૃષધ્વજઃ

વસ્ત્રયુગ્મં પ્રદાતવ્યં લોહિતં પાણ્ડુનન્દન ।
ધૂર્વહૌ રક્તવર્ણૌ ચ શુભ્રં કૃષ્ણં તથૈવ ચ

છત્રં શય્યાં શુભાં ચૈવ રક્તમાલ્યાનુલેપનમ્ ।
દાતવ્યં પાણ્ડવશ્રેષ્ઠ વિશુદ્ધેનાન્તરાત્મના

ચતુર્થ્યાં તુ તથાષ્ટમ્યાં પક્ષયોઃ શુક્લકૃષ્ણયોઃ ।
શ્રાદ્ધં તત્રૈવ કર્તવ્યં વિત્તશાઠ્યેન વર્જિતઃ

પ્રેતા ભવન્તિ સુપ્રીતા યુગમેકં મહીપતે ।
સપુત્રો જાયતે મર્ત્યઃ પ્રતિજન્મ નૃપોત્તમ

તસ્ય તીર્થસ્ય ભાવેન સર્વાઙ્ગરુચિરો નૃપ ।
મઙ્ગલં ભવતે વંશો નાશુભં વિદ્યતે ક્વચિત્

ભક્ત્યા યઃ કીર્તયેન્ નિત્યં તસ્ય પાપં વ્યપોહતિ