રેવાખાણ્ડ (સંશોધિત પાઠ) · અધ્યાય 214

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે આમલેશ્વરતીર્થમાહાત્મ્યવર્ણનં નામ ત્રયોદશોત્તરદ્વિશતતમો ઽધ્યાયઃ ॥
ર્ક્વ્ અધ્યાય 214
શ્રીમાર્કણ્ડેય ઉવાચ:
ચતુર્થં સમ્પ્રવક્ષ્યામિ દેવસ્ય ચરિતં મહત્ ।
શ્રુતમાત્રેણ યેનૈવ સર્વપાપૈઃ પ્રમુચ્યતે

કપાલી કાન્થિકો ભૂત્વા યથા સ વ્યચરન્મહીમ્ ।
પિશાચૈર્ રાક્ષસૈર્ ભૂતૈર્ ડાકિનીયોગિનીવૃતઃ

ભૈરવં રૂપમાસ્થાય પ્રેતાસનપરિગ્રહઃ ।
ત્રૈલોક્યસ્યાભયં દત્ત્વા ચચાર વિપુલં તપઃ

આષાઢી તુ કૃતા તત્ર હ્યાષાઢીનામ વિશ્રુતમ્ ।
કન્થા મુક્તા તતો ઽન્યત્ર દેવેન પરમેષ્ઠિના

તદાપ્રભૃતિ રાજેન્દ્ર સ કન્થેશ્વર ઉચ્યતે ।
તસ્ય દર્શનમાત્રેણ હ્યશ્વમેધફલં લભેત્

દેવો માર્ગે પુનસ્તત્ર ભ્રમતે ચ યદૃચ્છયા ।
વિક્રીણાતિ બલાકારો દૃષ્ટ્વા ચોક્તો હરેણ તુ

યદિ ભદ્ર ન ચેત્કોપં કરોષિ મયિ સામ્પ્રતમ્ ।
બલાભિર્ભર મે લિઙ્ગં દદામિ બહુ તે ધનમ્

એવમુક્તો ઽથ દેવેન સ વણિગ્લોભમોહિતઃ ।
યોજયામાસ બલકા લિઙ્ગે ચોત્તમમધ્યમાન્

તાવદ્યાવત્ક્ષયં સર્વે ગતાઃ કાલે સુસંચિતાઃ ।
સ્થિતં સમુન્નતં લિઙ્ગં દૃષ્ટ્વા શોકમુપાગમત્

કૃત્વા તુ ખણ્ડખણ્ડાનિ સ દેવઃ પરમેશ્વરઃ ।
ઉવાચ પ્રહસન્વાક્યં તં દૃષ્ટ્વા ગતસાધ્વસમ્

ન ચ મે પૂરિતં લિઙ્ગં યાસ્યામિ યદિ મન્યસે ।
દદામિ તત્ર વિત્તં તે યદિ લિઙ્ગં પ્રપૂરિતમ્

વણિગુવાચ:
અધન્યઃ કૃતપુણ્યો ઽહં નિગ્રાહ્યઃ પરમેશ્વર ।
તવ પ્રિયમ્ અકુર્વાણઃ શોચિષ્યે શાશ્વતીઃ સમાઃ

એતચ્છ્રુત્વા વચસ્ તસ્ય વણિક્પુત્રસ્ય ભારત ।
અસંક્ષયં ધનં દત્ત્વા સ્થિતસ્ તત્ર મહેશ્વરઃ

તદા પ્રભૃતિ રાજેન્દ્ર બલાકૈરિવ ભૂષિતમ્ ।
પ્રત્યયાર્થં સ્થિતં લિઙ્ગં લોકાનુગ્રહકામ્યયા

દેવેન રચિતં પાર્થ ક્રીડયા સુપ્રતિષ્ઠિતમ્ ।
દેવમાર્ગમ્ ઇતિ ખ્યાતં ત્રિષુ લોકેષુ વિશ્રુતમ્ ।
પશ્યન્ પ્રપૂજયન્ વાપિ સર્વપાપૈઃ પ્રમુચ્યતે

દેવમાર્ગે તુ યો ગત્વા પૂજયેદ્ બલાકેશ્વરમ્ ।
પઞ્ચાયતનમાસાદ્ય રુદ્રલોકં સ ગચ્છતિ

દેવમાર્ગે મૃતાનાં તુ નરાણાં ભાવિતાત્મનામ્ ।
ન ભવેત્ પુનરાવૃત્તી રુદ્રલોકાત્ કદાચન

દેવમાર્ગસ્ય માહાત્મ્યં ભક્ત્યા શ્રુત્વા નરોત્તમ ।
મુચ્યતે સર્વપાપેભ્યો નાત્ર કાર્યા વિચારણા