રેવાખાણ્ડ (સંશોધિત પાઠ) · અધ્યાય 174

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શુદ્ધેશ્વરતીર્થમાહાત્મ્યવર્ણનં નામ ત્રિસપ્તત્યુત્તરશતતમો ઽધ્યાયઃ ॥
ર્ક્વ્ અધ્યાય 174
શ્રીમાર્કણ્ડેય ઉવાચ:
ગોપેશ્વરં તતો ગચ્છેદુત્તરે નર્મદાતટે ।
યત્ર સ્નાનેન ચૈકેન મુચ્યન્તે પાતકૈર્ નરાઃ

તત્ર તીર્થે તુ યઃ સ્નાત્વા કુરુતે પ્રાણસંક્ષયમ્ ।
બર્હિયુક્તેન યાનેન સ ગચ્છેચ્છિવમન્દિરે

ક્રીડિત્વા સુચિરં કાલં શિવલોકે નરાધિપ ।
ઇહ માનુષ્યતાં પ્રાપ્ય રાજા ભવતિ વીર્યવાન્

હસ્ત્યશ્વરથસમ્પન્નો દાસીદાસસમન્વિતઃ ।
પૂજ્યમાનો નરેન્દ્રૈશ્ચ જીવેદ્વર્ષશતં નરઃ

સમ્પ્રાપ્તે કાર્ત્તિકે માસિ નવમ્યાં શુક્લપક્ષતઃ ।
સોપવાસઃ શુચિર્ભૂત્વા દીપકાંસ્તત્ર દાપયેત્

ગન્ધપુષ્પૈઃ સમભ્યર્ચ્ય રાત્રૌ કુર્વીત જાગરમ્ ।
તસ્ય યત્ફલમુદ્દિષ્ટં તચ્છૃણુષ્વ નરાધિપ

યાવત્પુણ્યં ફલં સંખ્યા દીપકાનાં તથૈવ ચ ।
તાવદ્યુગસહસ્રાણિ શિવલોકે મહીયતે

તસ્મિંસ્તીર્થે તુ રાજેન્દ્ર લિઙ્ગપૂરણકં વિધિમ્ ।
તથૈવ પદ્મકૈશ્ચૈવ દધિભક્તૈસ્તથૈવ ચ

યસ્તુ કુર્યાન્ નરશ્રેષ્ઠ તસ્ય પુણ્યફલં શૃણુ ।
યાવન્તિ તિલસંખ્યાનિ દધિભક્તં તથૈવ ચ

પદ્મસંખ્યા શિવે લોકે મોદતે કાલમીપ્સિતમ્ ।
તસ્મિંસ્તીર્થે તુ રાજેન્દ્ર યત્કિંચિદ્ દીયતે નૃપ

સર્વં કોટિગુણં તસ્ય સંખ્યાતું વા ન શક્યતે ।
એવં તે કથિતં સર્વં સર્વતીર્થમનુત્તમમ્