રેવાખાણ્ડ (સંશોધિત પાઠ) · અધ્યાય 157

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શુક્લતીર્થમહાત્મ્યવર્ણનં નામ ષટ્પઞ્ચાશદધિકશતતમો ઽધ્યાયઃ ॥
ર્ક્વ્ અધ્યાય 157
શ્રીમાર્કણ્ડેય ઉવાચ:
તસ્યૈવાનન્તરં રાજઞ્છુક્લતીર્થસમીપતઃ ।
વાસુદેવસ્ય તીર્થં તુ સર્વલોકેષુ પૂજિતમ્

તદ્ધિ પુણ્યં સુવિખ્યાતં નર્મદાયાં પુરાતનમ્ ।
યત્ર હુઙ્કારમાત્રેણ રેવા ક્રોશં જગામ સા

યદા પ્રભૃતિ રાજેન્દ્ર હુઙ્કારેણ ગતા સરિત્ ।
તદાપ્રભૃતિ સ સ્વામી હુઙ્કારઃ શબ્દિતો બુધૈઃ

હુઙ્કારતીર્થે યઃ સ્નાત્વા પશ્યત્યવ્યયમચ્યુતમ્ ।
સ મુચ્યતે નરઃ પાપૈઃ સપ્તજન્મ કૃતૈરપિ

સંસારાર્ણવમગ્નાનાં નરાણાં પાપકર્મિણામ્ ।
નૈવોદ્ધર્તા જગન્નાથં વિના નારાયણં પરઃ

સા જિહ્વા યા હરિં સ્તૌતિ તચ્ચિત્તં યત્તદર્પિતમ્ ।
તાવેવ કેવલૌ શ્લાઘ્યૌ યૌ તત્પૂજાકરૌ કરૌ

સર્વદા સર્વકાર્યેષુ નાસ્તિ તેષામમઙ્ગલમ્ ।
યેષાં હૃદિસ્થો ભગવાન્મઙ્ગલાયતનો હરિઃ

યદ્ અન્યદ્ દેવતાર્ચાયાઃ ફલં પ્રાપ્નોતિ માનવઃ ।
સાષ્ટાઙ્ગપ્રણિપાતેન તત્ફલં લભતે હરેઃ

રેણુગુણ્ઠિતગાત્રસ્ય યાવન્તો ઽસ્ય રજઃકણાઃ ।
તાવદ્વર્ષસહસ્રાણિ વિષ્ણુલોકે મહીયતે

સમ્માર્જનાભ્યુક્ષણલેપનેન તદાલયે નશ્યતિ સર્વપાપમ્ ।
નારી નરાણાં પરયા તુ ભક્ત્યા દૃષ્ટ્વા તુ રેવાં નરસત્તમસ્ય

યેનાર્ચિતો ભગવાન્વાસુદેવો જન્માર્જિતં નશ્યતિ તસ્ય પાપમ્ ।
સ યાતિ લોકં ગરુડધ્વજસ્ય વિધૂતપાપઃ સુરસઙ્ઘપૂજ્યતામ્

શાઠ્યેનાપિ નમસ્કારં પ્રયુઞ્જંશ્ ચક્રપાણિનઃ ।
સપ્તજન્માર્જિતં પાપં ગચ્છત્યાશુ ન સંશયઃ

પૂજાયાં પ્રીયતે રુદ્રો જપહોમૈર્ દિવાકરઃ ।
શઙ્ખચક્રગદાપાણિઃ પ્રણિપાતેન તુષ્યતિ

ભવજલધિગતાનાં દ્વન્દ્વવાતાહતાનાં સુતદુહિતૃકલત્રત્રાણભારાર્દિતાનામ્ ।
વિષમવિષયતોયે મજ્જતામપ્લવાનાં ભવતિ શરણમેકો વિષ્ણુપોતો નરાણામ્

હુઙ્કારતીર્થે રાજેન્દ્ર શુભં વા યદિ વાશુભમ્ ।
યત્કૃતં પુરુષવ્યાઘ્ર તન્નશ્યતિ ન કર્હિચિત્