રેવાખાણ્ડ (સંશોધિત પાઠ) · અધ્યાય 106

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કરઞ્જતીર્થમાહાત્મ્યવર્ણનં નામ પઞ્ચાધિકશતતમો ઽધ્યાયઃ ॥
ર્ક્વ્ અધ્યાય 106
શ્રીમાર્કણ્ડેય ઉવાચ:
તતો ગચ્છેન્મહીપાલ તીર્થં પરમશોભનમ્ ।
સૌભાગ્યકરણં દિવ્યં નરનારીમનોરમમ્

તત્ર યા દુર્ભગા નારી નરો વા નૃપસત્તમ ।
સ્નાત્વાર્ચયેદ્ ઉમારુદ્રૌ સૌભાગ્યં તસ્ય જાયતે

તૃતીયાયામહોરાત્રં સોપવાસો જિતેન્દ્રિયઃ ।
નિમન્ત્રયેદ્ દ્વિજં ભક્ત્યા સપત્નીકં સુરૂપિણમ્

ગન્ધમાલ્યૈરલંકૃત્ય વસ્ત્રધૂપાદિવાસિતમ્ ।
ભોજયેત્ પાયસાન્નેન કૃસરેણાથ ભક્તિતઃ

ભોજયિત્વા યથાન્યાયં પ્રદક્ષિણમુદાહરેત્ ।
પ્રીયતાં મે મહાદેવઃ સપત્નીકો વૃષધ્વજઃ

યથા તે દેવદેવેશ ન વિયોગઃ કદાચન ।
મમાપિ કરુણાં કૃત્વા તથાસ્ત્વિતિ વિચિન્તયેત્

એવં કૃતે તતસ્તસ્ય યત્પુણ્યં સમુદાહૃતમ્ ।
તત્તે સર્વં પ્રવક્ષ્યામિ યથા દેવેન ભાષિતમ્

દૌર્ભાગ્યં દુર્ગતિશ્ચૈવ દારિદ્ર્યં શોકબન્ધનમ્ ।
વન્ધ્યત્વં સપ્તજન્માનિ જાયતે ન યુધિષ્ઠિર

જ્યેષ્ઠમાસે સિતે પક્ષે તૃતીયાયાં વિશેષતઃ ।
તત્ર ગત્વા તુ યો ભક્ત્યા પઞ્ચાગ્નિં સાધયેત્તતઃ

સો ઽપિ પાપૈરશેષૈસ્તુ મુચ્યતે નાત્ર સંશયઃ ।
ગુગ્ગુલં દહતે યસ્તુ દ્વિધા ચિત્તવિવર્જિતઃ

શરીરં ભેદયેદ્ યસ્તુ ગૌર્યાશ્ચૈવ સમીપતઃ ।
તસ્મિન્કર્મપ્રવિષ્ટસ્ય ઉત્ક્રાન્તિર્ જાયતે યદિ

દેહપાતે વ્રજેત્ સ્વર્ગમ્ ઇત્યેવં શઙ્કરો ઽબ્રવીત્ ।
સિતરક્તૈસ્તથા પીતૈર્વસ્ત્રૈશ્ચ વિવિધૈઃ શુભૈઃ

બ્રાહ્મણીં બ્રાહ્મણં ચૈવ પૂજયિત્વા યથાવિધિ ।
પુષ્પૈર્નાનાવિધૈશ્ચૈવ ગન્ધધૂપૈઃ સુશોભનૈઃ

કણ્ઠસૂત્રકસિન્દૂરૈઃ કુઙ્કુમેન વિલેપયેત્ ।
કલ્પયેત સ્ત્રિયં ગૌરીં બ્રાહ્મણં શિવરૂપિણમ્

તેષાં તદ્રૂપકં કૃત્વા દાનમુત્સૃજ્યતે તતઃ ।
કઙ્કણં કર્ણવેષ્ટં ચ કણ્ઠિકાં મુદ્રિકાં તથા

સપ્તધાન્યં તથા ચૈવ ભોજનં નૃપસત્તમ ।
અન્યાન્યપિ ચ દાનાનિ તસ્મિંસ્તીર્થે દદાતિ યઃ

સર્વદાનૈશ્ચ યત્પુણ્યં પ્રાપ્નુયાન્નાત્ર સંશયઃ ।
સહસ્રગુણિતં સર્વં નાત્ર કાર્યા વિચારણા

શઙ્કરેણ સમં તસ્માદ્ભોગં ભુઙ્ક્તે હ્યનુત્તમમ્ ।
સૌભાગ્યં તસ્ય વિપુલં જાયતે નાત્ર સંશયઃ

અપુત્રો લભતે પુત્રમધનો ધનમાપ્નુયાત્ ।
રાજેન્દ્ર કામદં તીર્થં નર્મદાયાં વ્યવસ્થિતમ્