રત્નગુણસંચયગાથા · અધ્યાય 7

જાત્યન્ધકોટિનિયુતાન્યવિઉનાયકાનાં માર્ગે અકોવિદુ કુતો નગરપ્રવેશે
વિન પ્રજ્ઞ પઞ્ચ ઇમિ પારમિતા અચક્ષુઃ અવિનાયકા ન પ્રભવન્તિ સ્પૃશેતુ બોધિમ્ ॥

યત્રાન્તરસ્મિ ભવતે પ્રગૃહીત પ્રજ્ઞા તતુ લબ્ધચક્ષુ ભવતી ઇમુ નામધેયમ્
યથ ચિત્રકર્મપરિનિષ્ઠિત ચક્ષુહીનો ન ચ તાવ પુણ્યુ લભતે અકરિત્વ ચક્ષુઃ ॥

યદ ધર્મ સંસ્કૃત અસંસ્કૃત કૃષ્ણશુક્લો અણુમાત્રુ નો લભતિ પ્રજ્ઞ વિભાવમાનઃ
યદ પ્રજ્ઞપારમિત ગચ્છતિ સંખ્ય લોકે આકાશ યત્ર ન પ્રતિષ્ઠિતુ કિંચિ તત્ર ॥

સચિ મન્યતે અહુ ચરામિ જિનાન પ્રજ્ઞાં મોચિષ્ય સત્ત્વનિયુતાં બહુરોગસ્પૃષ્ટાન્
અયુ સત્ત્વસંજ્ઞપરિકલ્પકુ બોધિસત્ત્વો ન ચ એષ પ્રજ્ઞવરપારમિતાય ચર્યા ॥

યો બોધિસત્ત્વ વરપારમિતેતિ ચીર્ણો પરિચારિકા ય ન ચ કાઙ્ક્ષતિ પણ્ડિતેહિ
સહ શ્રુત્વ તસ્ય પુન ભેષ્યતિ શાસ્તૃસંજ્ઞા સો વા લઘૂ અનુબુધિષ્યતિ બોધિ શાન્તામ્ ॥

સત્કૃત્ય બુદ્ધનિયુતાં પરિચારિકાયાં ન ચ પ્રજ્ઞપારમિત શ્રદ્દધિતા જિનાનામ્
શ્રુત્વા ચ સો ઇમુ ક્ષિપિષ્યતિ સો ઽલ્પબુદ્ધિઃ સ ક્ષિપિત્વ યાસ્યતિ અવીચિમત્રાણભૂતો ॥

તસ્મા હુ શ્રદ્દધત એવ જિનાન માતાં યદિ ઇચ્છથા સ્પૃશિતુ ઉત્તમબુદ્ધજ્ઞાનમ્
સો વાણિજો યથ વ્રજિત્વન રત્નદ્વીપં મૂલાતુ છેદન કરિત્વ પુન આગમેયા ॥