રત્નગુણસંચયગાથા · અધ્યાય 6

યાવન્તિ શ્રાવકગણાઃ પ્રસવન્તિ પુણ્યં દાનં ચ શીલમપિ ભાવનસંપ્રયુક્તમ્
સ હિ બોધિસત્ત્વ અનુમોદન એકચિત્તે ન ચ સર્વશ્રાવકગણે સિય પુણ્યસ્કન્ધો ॥

યે બુદ્ધકોટિનિયુતા પુરિમા વ્યતીતા યે વા અનન્તબહુક્ષેત્રસહસ્રકોટયઃ
તિષ્ઠન્તિ યે ઽપિ પરિનિર્વૃત લોકનાથા દેશન્તિ ધર્મરતનં દુખસંક્ષયાય ॥

પ્રથમં ઉપાદુ વરબોધયિ ચિત્તુપાદો યાવત્ સુ ધર્મક્ષયકાલુ વિનાયકાનામ્
એકસ્મિ તત્ર ચિય તેષ જિનાન પુણ્યં સહ યુક્ત પારમિત યે ઽપિ ચ બુદ્ધધર્માઃ ॥

યશ્ચૈવ બુદ્ધતનયાન(ચ) શ્રાવકાણાં શૈક્ષ અશૈક્ષ કુશલાસ્રવ નાસ્રવાશ્ચ
પરિપિણ્ડયિત્વ અનુમોદયિ બોધિસત્ત્વો સર્વં ચ નામયિ જગાર્થનિદાન બોધિ ॥

પરિણામયન્તુ યદિ વર્તતિ ચિત્તસંજ્ઞા તથ બોધિસત્ત્વપરિણામન સત્ત્વસંજ્ઞા
સંજ્ઞાય દૃષ્ટિસ્થિતુ ચિત્ત ત્રિસઙ્ગયુક્તો પરિણામિતં ન ભવતી ઉપલભ્યમાનમ્ ॥

સચિ એવ જાનતિ નિરુધ્યતિ ક્ષીણધર્મા તચ્ચૈત ક્ષીણ પરિણામયિષ્યન્તિ યત્ર
ન ચ ધર્મ ધર્મિ પરિણામયતે કદાચિત્ પરિણામિતં ભવતિ એવ પ્રજાનમાને ॥

સચિ સો નિમિત્ત કુરુતે ન ચ માનયાતિ અથ આનિમિત્ત પરિણામિત ભોન્તિ બોધૌ
વિષસૃષ્ટ ભોજનુ યથૈવ ક્રિયાપ્રણીતો તથ શુક્લધર્મૌપલમ્ભ જિનેન ઉક્તો ॥

તસ્મા હુ નામપરિણામન શિક્ષિતવ્યા યથ તે જિના કુશલ એવ પ્રજાનયન્તિ
યજ્જાતિયો ઽયં પ્રભવો યદલક્ષણં ચ અનુમોદમી તથ તથા પરિણામયામિ ॥

એવં ચ પુણ્ય પરિણામયમાન બોધૌ ન ચ સો હિ બુદ્ધ ક્ષિપતે જિન ઉક્તવાદી
યાવન્તિ લોકિ ઉપલમ્ભિકબોધિસત્ત્વા અભિભોન્તિ સર્વિ પરિણામયમાન શૂરો ॥