રત્નગુણસંચયગાથા · અધ્યાય 11

બુદ્ધં સુભૂતિ પરિપૃચ્છતિ વાદિચન્દ્રં ક્યન્તન્તરાયુ ભવિષ્યન્તિ ગુણે રતાનામ્
બહુ અન્તરાયુ ભવિષ્યન્તિ ભણાતિ શાસ્ત તતુ અલ્પમાત્ર પરિકીર્તયિષ્યામિ તાવત્ ॥

પ્રતિભાન નેક વિવિધાનિ ઉપપદ્યિષ્યન્તિ લિખમાન પ્રજ્ઞ ઇમુ પારમિતા જિનાનામ્
યુત શીઘ્ર વિદ્યુત યથા પરિહાયિષ્યન્તિ અકરિત્વ અર્થ જગતી ઇમુ મારકર્મ ॥

કાઙ્ક્ષા ચ કેષચિ ભવિષ્યતિ ભાષમાણે ન મમાત્ર નામ પરિકીર્તિતુ નાયકેન
ન ચ જાતિ ભૂમિ પરિકીર્તિતુ નાપિ ગોત્રં ન ચ સો શ્રુણિષ્યતિ ક્ષિપિષ્યતિ મારકર્મ ॥

એવં ત મૂલમપહાય અજાનમાનો શાખાપલાશ પરિએષયિષ્યન્તિ મૂઢાઃ
હસ્તિં લભિત્વ યથ હસ્તિપદં ગવેષે તથ પ્રજ્ઞપારમિત શ્રુત્વ સૂત્રાન્ત એષેત્ ॥

યથ ભોજનં શતરસં લભિયાન કશ્ચિત્ માર્ગેષુ ષષ્ટિકુ લભિત્વ સ ભોજનાગ્ર્યમ્
તથ બોધિસત્ત્વ ઇમ પારમિતાં લભિત્વા (અ)ર્હન્તભૂમિ(ત) ગવેષયિષ્યન્તિ બોધિમ્ ॥

સત્કારકામ ભવિષ્યન્તિ ચ લાભકામાઃ સાપેક્ષચિત્ત કુલસંસ્તવસંપ્રયુક્તાઃ
છોરિત્વ ધર્મ કરિષ્યન્તિ અધર્મકાર્યં પથ હિત્વ ઉત્પથગતા ઇમ મારકર્મ ॥

યે ચાપિ તસ્મિ સમયે ઇમુ ધર્મ શ્રેષ્ઠં શ્રુણનાય છન્દિક ઉત્પાદયિષ્યન્તિ શ્રદ્ધામ્
તે ધર્મભાણક વિદિત્વન કાર્યયુક્તં પ્રેમાપનીત ગમિષ્યન્તિ સુદુર્મનાશ્ચ ॥

ઇમિ મારકર્મ ભવિષ્યન્તિ ય તસ્મિ કાલે અન્યે ચ નેક વિવિધા બહુ અન્તરાયા
યેહી સમાકુલિકૃતા બહુ ભિક્ષુ તત્ર પ્રજ્ઞાય પારમિત એતુ ન ધારયન્તિ ॥

યે તે ભવન્તિ રતના ય અનર્ઘપ્રાપ્તા તે દુર્લભા બહુપ્રત્યર્થિક નિત્યકાલમ્
એમેવ પ્રજ્ઞવરપારમિતા જિનાનાં દુર્લાભુ ધર્મરતનં બદ્દુપદ્રવં ચ ॥

નવયાનપ્રસ્થિત સ સત્ત્વ પરીત્તબુદ્ધિઃ ય ઇમં દુર્લાભુ ધર્મરતનં પરાપુણન્તિ
મારો ઽત્ર ઉત્સુકુ ભવિષ્યતિ અન્તરાયે બુદ્ધા દશદ્દિશિ પરિગ્રહસંપ્રયુક્તાઃ ॥