રત્નગુણસંચયગાથા · અધ્યાય 10

શક્રો જિનસ્ય પરિપૃચ્છતિ દેવરાજો ચરમાણ પ્રજ્ઞ કથ યુજ્યતિ બોધિસત્ત્વો
અણુમાત્ર યો ન ખલુ યુજ્યતિ સ્કન્ધધાતૌ યો એવ યુજ્યતિ(સ યુજ્યતિ)બોધિસત્ત્વઃ ॥

ચિરયાનપ્રસ્થિતુ સ વેદયિતવ્ય સત્ત્વો બહુબુદ્ધકોટિનયુતેહિ કૃતાધિકારો
યો શ્રુત્વ ધર્મિ ઇમિ નિર્મિતમાયકલ્પાં ન ચ કાઙ્ક્ષતે અયુ પ્રયુજ્યતિ શિક્ષમાણઃ ॥

કાન્તારમાર્ગિ પુરુષો બહુ(ભી)જનેહિ ગોપાલ સીમ વનસંપદ પશ્યતે યો
આશ્વાસપ્રાપ્ત ભવતી ન ચ તસ્ય ત્રાસો અભ્યાશ ગ્રામનગરાણ ઇમે નિમિત્તાઃ ॥

એમેવ પ્રજ્ઞવરપારમિતા જિનાનાં શૃણુ તાત યો લભતિ બોધિ ગવેષમાણઃ
આશ્વાસપ્રાપ્ત ભવતી ન ચ તસ્ય ત્રાસો નાર્હન્તભૂમિ ન પિ પ્રત્યયબુદ્ધભૂમી ॥

પુરુષો હિ સાગરજલં વ્રજિ પશ્યનાય સચિ પશ્યતે દ્રુમવનસ્પતિશૈલરાજમ્
અથવા ન પશ્યતિ નિમિત્ત નિકાઙ્ક્ષ ભોતિ અ(ભ્યાશ)તો મહસમુદ્ર ન સો ઽતિદૂરે ॥

એમેવ બોધિવરપ્રસ્થિતુ વેદિતવ્યો શ્રુણમાણ પ્રજ્ઞ ઇમિ પારમિતા જિનાનામ્
યદ્યાપિ સંમુખ ન વ્યાકૃતુ નાયકેનો તથપિ સ્પૃશિષ્યતિ નચિરેણ હુ બુદ્ધબોધિમ્ ॥

સુવસન્તિ કાલિ પતિતે તૃણપત્રશાખા નચિરેણ પત્રફલપુષ્પ સમાગમન્તિ
પ્રજ્ઞાય પારમિત યસ્યિમુ હસ્તપ્રાપ્તા નચિરેણ બોધિવર પ્રાપ્સ્યતિ નાયકાનામ્ ॥

યથ ઇસ્ત્રિ ગુર્વિણિ ય ચેષ્ટતિ વેદનાભિ જ્ઞાતવ્યુ કાલુ અયમસ્ય પ્રજાયનાય
તથ બોધિસત્ત્વ શ્રુણમાણુ જિનાન પ્રજ્ઞાં રતિ છન્દ વીક્ષતિ સ્પૃશિષ્યતિ બોધિ શીઘ્રમ્ ॥

ચરમાણુ પ્રજ્ઞવરપારમિતાય યોગી ન ચ રૂપવૃદ્ધિ ન ચ પશ્યતિ પારિહાણિમ્
ધર્મા અધર્મ ઇમુ પશ્યતિ ધર્મધાતું ન ચ નિર્વૃતિં સ્પૃશતિ સો વિહરાતિ પ્રજ્ઞામ્ ॥

ચરમાણુ યો ન ઇહ કલ્પયિ બુદ્ધધર્માં બલ ઋદ્ધિપાદ ન ચ કલ્પયિ બોધિ શાન્તામ્
અવિકલ્પકલ્પવિગતો ઽધિષ્ઠાનચારી એષા સ પ્રજ્ઞવરપારમિતાય ચર્યા ॥