રાજનિઘણ્ટુ · ભાગ 181181

શ્વેતાદ્રિકર્ણી ગૌરી ચ સપ્ત પ્રોક્તા ભિષગ્વરૈઃ ॥ રજ્નિ_29.1
મઞ્જિષ્ઠા કટુકા પથ્યા કાશ્મરી ચન્દ્રવલ્લભા ।
વન્દાકો રજની ચૈવ રોહિણ્યાં સપ્ત ચ સ્મૃતાઃ ॥ રજ્નિ_29.2
ધાત્રી બહુફલાયાં સ્યાચ્છર્દિની કાકમાચિકા ।
કામ્ભોજી ચ શશાણ્ડૂલી કટુહુઞ્ચી ચ વાલુકી ॥ રજ્નિ_29.3
મણ્ડૂકી બ્રહ્મજા શઙ્ખપુષ્પી જ્યોતિષ્મતી મુનિઃ ।
વિષ્ણુક્રાન્તા વચા શ્વેતા મેધ્યાયાં સપ્ત સંમતાઃ ॥ રજ્નિ_29.4
આખુકર્ણી સુતશ્રેણી ઇન્દ્રાહ્વા ચ કલિઙ્ગકઃ ।
ગણ્ડદૂર્વા ગવાક્ષી ચ ચિત્રાયામ્ ઋક્ષમ્ એકતઃ ॥ રજ્નિ_29.5
રાસ્ના પાઠા પ્રિયઙ્ગુશ્ ચ સિતક્ષુદ્રા હરીતકી ।
શ્રેયસ્યાં ચેતિ સમ્પ્રોક્તા અમ્બષ્ઠા ગજપિપ્પલી ॥ રજ્નિ_29.6
રાજનિઘણ્ટુ, એકાર્થાદિવર્ગ, અષ્ટાર્થાઃ
વિજયા કાઞ્ચનદ્વંદ્વં મઞ્જિષ્ઠા ચ વચા તથા ।
સ્યાત્તથા શ્વેતનિર્ગુણ્ડી જયન્તી કાઞ્જિકાભયા ॥ રજ્નિ_30.1
એરણ્ડનદ્યામ્રલતાકરઞ્જાઃ સ્યાદ્બ્રહ્મદણ્ડી પનસઃ કુસુમ્ભઃ ।
સ્યાદ્ગોક્ષુરઃ કણ્ટફલે ચ ધૂર્તો ભિષગ્ભિર્ અષ્ટાવ્ ઇતિ સમ્પ્રદિષ્ટાઃ ॥ રજ્નિ_30.2
સ્વર્ણે કપિચ્છે દધિનારિકેલયોઃ સ્યાજ્જીવકે ચેત્ સ્થલપદ્મકે તથા ।
મયૂરકેતૌ સમધૂકકે તથા માઙ્ગલ્યમ્ અષ્ટાવ્ ઇતિ સમ્પ્રચક્ષતે ॥ રજ્નિ_30.3
રાજનિઘણ્ટુ, એકાર્થાદિવર્ગ, નવાર્થાઃ
વાતારિર્જતુકાયાં ચ ભલ્લ્યાં નીલદવઞ્જયોઃ ।
ટેન્દુકામણ્ડયોર્ ભાર્ગ્યાં નિર્ગુણ્ડ્યાં શૂરાણે સ્મૃતઃ ॥ રજ્નિ_31.1
ધાત્રી ગુડૂચી રાસ્ના ચ દ્વિધા દૂર્વા હરીતકી ।
લિઙ્ગિની તુવરી મદ્યં ધીમતાયાં નવૌષધી ॥ રજ્નિ_31.2
બ્રાહ્મી વરાહી લશુની વિષં ચ શુક્લાદિકન્દઃ સિતકણ્ટકારી ।
ભૂભ્યાહુલી ચેદ્ અપરાજિતા ચ શુણ્ડીતિ ચૈતાસુ મહૌષધી સ્યાત્ ॥ રજ્નિ_31.3
રાજનિઘણ્ટુ, એકાર્થાદિવર્ગ, દશાર્થાઃ
સિતાયાં વાકુચી દૂર્વા મદ્યં ધાત્રી કુટુમ્બિની ।
ચન્દ્રિકા ચ પ્રિયા પિઙ્ગા ત્રાયમાણા ચ તેજિની ॥ રજ્નિ_32.1
રાજનિઘણ્ટુ, એકાર્થાદિવર્ગ, એકાદશાર્થાઃ
સ્યાદભ્રમાંસી તુલસી હરિદ્રા તાલં તથા રોચનહેમમ્ ।
જનપ્રિયા યોજનવલ્લિકા સ્યાત્ સમલ્લિકા ચન્દ્રશશી ચ ગૌર્યામ્ ॥ રજ્નિ_33.1
દૂર્વા નિશા ઋદ્ધિવચા પ્રિયા ચ સા માષપર્ણી શિમિરોચના ત્વથ ।
ત્રાયન્તિકા જીવનિકા મહાબલા મઙ્ગલ્યકાયામ્ ઇતિ ચન્દ્રમાહ્વયાઃ ॥ રજ્નિ_33.2
પ્રિયઙ્ગુછિન્ના ત્રિવૃતા કણાહ્વયા વન્દાકદૂર્વા તુલસી ચ નીલિની ।
દુર્ગા ખગઃ કસ્તુરિકૃષ્ણસારિવા શ્યામા મહીન્દુઃ કથિતા ભિષગ્વરૈઃ ॥ રજ્નિ_33.3
ઇત્થં વિચિન્ત્ય વિનિવેશિતતત્તદેકાનેકાર્થનામગણસંગ્રહપૂર્ણમ્ એનમ્ ।
વર્ગં વિચાર્ય ભિષજા બહુભક્તિભાજા જ્ઞેયા સ્વયં પ્રકરણાનુગુણાઃ પ્રયોગાઃ ॥ રજ્નિ_33.4
એકો યશ્ચ મનસ્વિનામ્ અચતુરો યશ્ચ દ્વયોરશ્વિનો સ્ત્ર્યક્ષાચ્ ચાચતુરો નૃપઞ્ચવદનો નામ્નારિષણ્ણાં જયી ।
એકાર્થાદિર્ અમુષ્ય નામરચનાચૂડામણૌ યસ્ ત્રયોવિંશોઽસૌ સમપૂરિ સાર્ધમ્ અમુના ગ્રન્થેન વર્ગો મહાન્ ॥ રજ્નિ_33.5