Prasannapada · અધ્યાય 34

ઇત્યાચાર્યચન્દ્રકીર્તિપાદોપરચિતાયાં પ્રસન્નપદાયાં મધ્યમકવૃત્તૌ દુઃખપરીક્ષા નામ દ્વાદશમં પ્રકરણમ્ ॥
13
સંસ્કારપરીક્ષા ત્રયોદશમં પ્રકરણમ્ ।
યતશ્ચૈવં સમનન્તરાતિક્રાન્તપ્રકરણવિધિના સ્વપરોભયકૃતત્વમહેતુસમુત્પનત્વં ચ નિરૂપ્યમાણં ભાવાનામસત્, અન્યશ્ચોત્પાદકો વિધિરસન્, ઉત્પન્નરૂપત્વેન ચૈતે ભાવા અવિદ્યાતિમિરોપહતમતિનયનાનાં બાલપૃથગ્જનાનાં ખ્યાન્તિ, તસ્માન્નિઃસ્વભાવા એવ સન્તો બાલાનાં વિસંવાદકા માયાકરિતુરગાદિવત્ તદનભિજ્ઞાનાં ન તુ વિજ્ઞાનામ્ । અત એવ સર્વધર્મસ્વાભાવાવ્યાપરોક્ષધીનયનઃ સમુન્મૂલિતાશેષાવિદ્યાવાસનઃ ચતુર્વિપર્યાસવિપર્યસ્તાત્રાણસત્ત્વપરિત્રાણાય અવિપરીતનૈઃ સ્વાભાવ્યોપદેશતત્પરો બુદ્ધો જગદ્વિબોધકો મહાકારુણિકઃ-
તન્મૃષા મોષધર્મ યદ્ભગવાનિત્યભાષત ।
સર્વે ચ મોષધર્માણઃ સંસ્કારાસ્તેન તે મૃષા