Prasannapada · અધ્યાય 3

ઇત્યાચાર્યચન્દ્રકીર્તિપાદોપરચિતાયાં પ્રસન્નપદાયાં મધ્યમકવૃત્તૌ પ્રત્યયપરીક્ષા નામ પ્રથમં પ્રકરણમ્ ॥
2
ગતાગતપરીક્ષા દ્વિતીયં પ્રકરણમ્ ।
અત્રાહ- યદ્યપિ ઉત્પાદપ્રતિષેધાત્પ્રતીત્યસમુત્પાદસ્ય અનિરોધાદિવિશેષણસિદ્ધિઃ, તથાપિ અનાગમનિર્ગમપ્રતીત્યસમુત્પાદસિદ્ધયે લોકપ્રસિદ્ધગમનાગમનક્રિયાપ્રતિષેધાર્થં કિંચિદુપપત્ત્યન્તરમુચ્યતામિતિ । ઉચ્યતે । યદિ ગમનં નામ સ્યાન્નિયતં તદ્ગતે વા અધ્વજાતે પરિકલ્પ્યેત અગતે ગમ્યમાને વા । સર્વથા ચ ન યુજ્યતે ઇત્યાહ-
ગતં ન ગમ્યતે તાવદગતં નૈવ ગમ્યતે ।
ગતાગતવિનિર્મુક્તં ગમ્યમાનં ન ગમ્યતે