ફલદીપિકા · અધ્યાય p20

શુક્લામ્બરધરં દેવં શશિવર્ણં ચતુર્ભુજમ્ .
પ્રસન્નવદનં ધ્યાયેત્સર્વવિઘ્નોપશાન્તયે
સન્દર્શનં વિતનુતે પિતૃદેવનૄણાં
માસાબ્દવાસરદલૈરથ ઉર્ધ્વગં યત્ ।
સવ્યં ક્વચિત્ ક્વચિદુપૈત્યપસવ્યમેકં
જ્યોતિઃ પરં દિશતુ વસ્ત્વમિતાં શ્રિયં નઃ

વાગ્દેવીં કુલદેવતાં મમ ગુરૂન્ કાલતયજ્ઞાનદાન્
સૂર્યદીંશ્ચ નવગ્રાહન્ ગણપાતિં બક્ત્યા પ્રણમ્યેશ્વરમ્ ।
સંક્ષિપ્યાત્રિપરાશરાદિકથિતાન્ મન્ત્રેશ્વરો દૈવવિદ્
વક્ષ્યેઽહં ફલદીપિકાં સુવિમલાં જ્યોતિર્વિદાં પ્રીત્યે

પદાભાદ્યૈર્યન્ત્રૈર્જનનસમયોઽત્ર પ્રથમતો
વિશેષાદ્વિજ્ઞેયઃ સહ વિઘટિકાભિત્તવત તદા ।
ગતૈદૃ ક્તુલ્યત્વં ગણિતકરણૈઃ કેચરર્ગાતિં
વિદિત્વા તદ્ભાવં બલમપિ ફલં નૈઃ કથયતુ

શિરોવક્ત્રોરોહૃજ્જઠરકટિવસ્તિપ્રજનન-
સ્થલાન્યૂરૂજાન્વોર્યુગલમિતિ જંઘે પદયુગમ્ ।
વિલનાત્કાલાઙ્ગાન્યલિઝષકુલીરાન્તિમમિદં
ભસન્ધિવિખ્યાતા સકલભવનાન્તાનપિ પરે

અરણ્યે કેદારે શયનભવને સ્વભગલિલે
ગિરી પાથ સસ્યાન્વિતમુવિ વિશાં ઘોરિન સુવિરે ।
જનાધીશસ્થાને સજલવિપિને ધામ્નિ વિચરત્
કુલાલે કીલાલે વસતિરુદિતા મેષભવનાત્

ભૌમઃ શુક્રબુધેન્દુસૂર્યશશિજાઃ શુક્રારજીવાર્કજાઃ
મન્દો દેવગુરુઃ ક્રમેણ કથિતા મેષાદિરાશીશ્વરાઃ ।
સૂર્યાદુચ્ચગૃહાઃ ક્રિયો વૃષમૃગસ્ત્રીકાર્કમીનાસ્તુલા
દિક્ત્ર્યંશૈર્મનુયુક્તિથીષુભનકાંશૈસ્તેઽસ્તનીચાઃ ક્રમાત્

સિમ્હોક્ષાજવધૂહયાઙ્ગવણિજઃ કુંભસ્ત્રિકોણા રવેઃ
જ્ઞેન્દ્વોસ્તૂચ્ચલવાન્નખોડ્વિનશરૈર્દિગ્ભૂતકૃત્યંશકૈઃ ।
ચાપાદ્યર્ધવધૂનૃયુસ્ઘટતુલા મર્ત્યાશ્ચ કીટોઽલિભં
ત્વાપ્યાઃ કર્કમૃગાપરાર્ધશફરાઃ શેષ્હશ્ચતુષ્પાદકાઃ

ગોકર્ક્યશ્વ્યજનક્રભાન્યથ નૃયુઙ્મીનૌ પરે રાશ્યસ્તે
પૃષ્ઠોધયકોદયાઃ સમિથુનાઃ પૃહોદયાશ્ચૈન્દવાઃ ।
સૌરાઃ શેષગૃહાઃ ક્રમેણ કથિતા રાત્રિદ્યુસંજ્ઞાઃ ત્રમા-
દૂધ્વાર્ધઃસમવક્રભાતિ તુ પુનસ્તીક્ષ્ણાંશુમુક્તાદ્ ગૃહાત્

મેષાદાહ ચરં સ્થિરાખ્યમુભયં દ્વારં બહિર્ગર્ભભં
ધાતુર્મૂલમિતીહ જીવ ઉદિતં ક્રૂરં ચ સૌમ્યં વિદુઃ ।
મેષાદ્યાઃ કથિતાસ્ત્રિકોણસહિતાઃ પ્રાગાદિનાથાઃ ક્રમા-
દોજર્ક્ષં સમભં પુમાંશ્ચ યુવતિર્વામાઙ્ગમસ્તાદિકમ્

લગ્નં હોરા કલ્યદેહોદયાખ્યં રૂપં શિર્ષં વર્તમાનં ચ જન્મ ।
વિત્તં વિદ્યા સ્વાન્નપાનાતિ ભુક્તિં દક્ષાક્ષ્યાસ્યં પત્રિકા વાક્કુટુમ્બમ્

દુશ્ચિક્યોરો દક્ષકર્ણં ચ સેનાં ધૈર્યં શૌર્યં વિક્રમં ભ્રાત્રં ચ
ગેહં ક્ષેત્રં માતુલ ભાગિનેયં બન્ધું મિત્રં વાહનં માતરં ચ

રાજ્યં ગોમહિષસુગન્ધવસ્ત્રભૂષાઃ પાતાલં હિબુકસુખામ્બુસેતુનદ્યઃ ।
રાજાઙ્કં સચિવકરાત્મધીભવિષ્યજ્જાનાસૂન્ સુતજટરશ્રુતિસ્મૃતીશ્ચ

ઋણાસ્ત્રચોરક્ષતરોગશત્રૂન્ જ્ઞાત્યાજિદુષ્કૃત્યાઘભીત્યવજ્ઞાઃ ।
જામિત્રચિત્તોત્થમદાસ્તકામાન્ દ્યૂનાધ્વલોકાન્ પતિમાર્ગભાર્યાઃ

માઙ્ગલ્યરન્ધ્રમલિનાધિપરાભવાયુઃ
ક્લેશાપવાદમરણાશુચિવિઘ્નદાસાન્ ।
આચાર્યદૈવતપિતૄન્ શુભપૂર્વભાગ્ય-
પૂજાતપઃસુકૃતપૌત્રજપાર્યવંશાન્

વ્યાપારાસ્પદમાનકર્મજયસત્કીર્તિં ક્રતું જીવનં
વ્યોમાચારગુણપ્રવૃત્તિગમનાન્યાજ્ઞાં ચ મેષૂરણમ્ ।
લાભાયાગમનાપ્તિસિદ્ધિવિભવાન્ પ્રાપ્તિં ભવં શ્લાધ્યતાં
જ્યેષ્ઠભ્રાતરમન્યકર્ણસરસાન્ સન્તોષમાકર્ણનમ્

દુઃખાંઘ્રિવામનયનક્ષયસૂચકાન્ત્ય-
દરિદ્ર્યપાપશયનવ્યયરિઃફબન્ધાન્ ।
ભાવાહ્વ્યા નિગદિતાઃ ક્રમશોઽથ લીન-
સ્થાનં ત્રિષડ્વ્યયપરાભવરાશિનામ્

દુઃસ્થાનમષ્ટમરિપુવ્યયભાવમાહુઊ સુસ્થાનમન્યભવનં શુભદં પ્રદિષ્ટમ્ ।
પ્રાહુર્વિલગ્નદશસપ્તચતુર્થભાનિ કેન્દ્રં હિ કણ્તકચતુષ્ટયનામયુક્તમ્

પણકરમિતિ કેન્દ્રાદૂર્ધ્વમાપોક્લિમન્તત્-
પરમથ ચતુરસ્ત્રં નૈધનં બન્ધુભં ચ ।
અથ સમુપચયાનિ વ્યોમશૌર્યરિલાભા
નવમસુતભયુગ્મં સ્યાત્ ત્રિકોણં પ્રશસ્તમ્