પાણિનીયશિક્ષા · અધ્યાય p8

સ્વરાણામૂષ્મણાં ચૈવ વિવૃતં કરણં સ્મૃતમ્ ।
તેભ્યોઽપિ વિવૃતાવેઙૌ તાભ્યામૈચૌ તથૈવ ચ

અનુસ્વારયમાનાં ચ નાસિકા સ્થાનમુચ્યતે ।
અયોગવાહા વિજ્ઞેયા આશ્રયસ્થાનભાગિનઃ

અલાબુવીણાનિર્ઘોષો દન્ત્યમૂલ્યસ્વરાનનુ ।
અનુસ્વારસ્તુ કર્તવ્યો નિત્યં હ્રોઃ શષસેષુ ચ

અનુસ્વારે વિવૃત્ત્યાં તુ વિરામે ચાક્ષરદ્વયે ।
દ્વિરોષ્ઠ્યૌ તુ વિગૃહ્ણીયાદ્યત્રોકારવકારયોઃ

વ્યાઘ્રી યથા હરેત્પુત્રાન્દંષ્ટ્રાભ્યાં ન ચ પીડયેત્ ।
ભીતા પતનભેદાભ્યાં તદ્વદ્વર્ણાન્પ્રયોજયેત્