પઞ્ચવિંશબ્રાહ્મણ · ભાગ 6180

(પ્બ્ 16.11.14) એષો સહસ્રસ્ય પ્રતિષ્ટુતિઃ
(પ્બ્ 16.11.15) સહસ્રમ્ અન્યમ્ અભિતિષ્ઠતીત્ય્ આહુઃ સહસ્રમ્ અન્યો ઽન્વાતિષ્ઠતીતિ
(પ્બ્ 16.11.16) કકુભં પ્રાચીમ્ ઉદૂહત્ય્ અથ યદ્ એષા દ્વિપદા કકુભો લોકે ક્રિયતે સહસ્રસ્યૈવ સો ઽન્વાસ્થાયઃ
(પ્બ્ 16.11.17) અનુષ્ટુભં સંપદ્યતે વાગ્ અનુષ્ટુબ્ વાક્ ત્રિરાત્રસ્ તેન ત્રિરાત્રમ્ આપ્નોતિ
(પ્બ્ 16.12.1) આદિત્યાશ્ ચાઙ્ગિરસશ્ ચાદીક્ષન્ત તે સ્વર્ગે લોકે ઽસ્પર્ધન્ત તે ઽઙ્ગિરસ આદિત્યેભ્યઃ શ્વઃ સુત્યાં પ્રાબ્રુવંસ્ ત આદિત્યા એતમ્ અપશ્યંસ્ તં સદ્યઃ પરિક્રીયાયાસ્યમ્ ઉદ્ગાતારં વૃત્વા તેન સ્તુત્વા સ્વર્ગં લોકમ્ આયન્ન્ અહીયન્તાઙ્ગિરસઃ
(પ્બ્ 16.12.2) ભ્રાતૃવ્યવાન્ યજેત
(પ્બ્ 16.12.3) ભવત્ય્ આત્મના પરાસ્ય ભ્રાતૃવ્યો ભવતિ ય એવં વેદ
(પ્બ્ 16.12.4) તસ્મા અમુમ્ આદિત્યમ્ અશ્વં શ્વેતં કૃત્વા દક્ષિણામ્ આનયંસ્ તે પ્રતિગૃહ્ય વ્યભ્રંશત સ એતાન્ય્ આયાસ્યાન્ય્ અપશ્યત્ તૈર્ આત્માનં સમશ્રીણાત્
(પ્બ્ 16.12.5) તદ્ આયાસ્યાનિ ભવન્તિ ભેષજાયૈવ શાન્ત્યૈ
(પ્બ્ 16.12.6) સ્વર્ગકામો યજેત
(પ્બ્ 16.12.7) બૃહતીં સંપદ્યતે બૃહત્યા વૈ દેવાઃ સ્વર્ગં લોકમ્ આયન્ સ્વર્ગમ્ એવૈતેન લોકમ્ આપ્નોતિ
(પ્બ્ 16.12.8) પશુકામો યજેત
(પ્બ્ 16.12.9) પશવો વૈ બૃહતી પશુષ્વ્ એવ પ્રતિતિષ્ઠતિ
(પ્બ્ 16.13.1) એતસ્યૈવૈકવિંશમ્ અગ્નિષ્ટોમસામ કૃત્વામયાવિનં યાજયેત્
(પ્બ્ 16.13.2) પ્રાણો વૈ ત્રિવૃત્ પ્રાણ આદિત્યઃ પ્રાણૈર્ એષ વ્યૃધ્યતે ય આમયાવી પ્રાણૈર્ એવૈનં સમર્ધયતિ [થુસ્ બિ; ક્સ્સ્ સેએમ્સ્ તો રેઅદ્ સમર્ઙ્ઘયતિ]
(પ્બ્ 16.13.3) વિરાજં સંપદ્યતે ઽપ વા એતસ્માદ્ અન્નાદ્યં ક્રામતિ ય આમયાવ્ય્ અન્નં વિરાડ્ અન્નદ્યમ્ એવાસ્મિન્ દધાતિ
(પ્બ્ 16.13.4) એકવિંશો ઽગ્નિષ્ટોમો ભવત્ય્ અપ્રતિષ્ઠિતો વા એષ ય આમયાવી પ્રતિષ્ઠૈકવિંશઃ પ્રત્ય્ એવ તિષ્ઠતિ
(પ્બ્ 16.13.5) એતેનૈવાન્નાદ્યકામો વા પ્રતિષ્ઠાકામો વા યજેતાન્નં વિરાટ્ પ્રતિષ્ઠૈકવિંશો ઽત્ત્ય્ અન્નં પ્રતિતિષ્ઠતિ
(પ્બ્ 16.13.6) ઉર્વરા વેદિર્ ભવત્ય્ એતદ્ વા અસ્યા વીર્યવત્તમં વીર્યેણૈવ યજ્ઞં સમર્ધયતિ
(પ્બ્ 16.13.7) ખલ ઉત્તરવેદિર્ અત્ર હિ સ રસઃ સમવૈતિ સરસમ્ એવ યજ્ઞં કરોતિ
(પ્બ્ 16.13.8) ખલેવાલી યૂપો ભવત્ય્ એતયા હિ તં રસમ્ ઉત્કૃષન્તિ
(પ્બ્ 16.13.9) ત્રિવત્સઃ સાણ્ડઃ સોમક્રયણઃ સેન્દ્રત્વાય
(પ્બ્ 16.13.10) સર્વા દિશો ઽશ્વરથાઃ સોમપ્રવાકા વિધાવન્તિ
(પ્બ્ 16.13.11) સર્વાભ્ય એવાસ્મૈ દિગ્ભ્યો ઽન્નાદ્યમ્ અવરુન્ધે
(પ્બ્ 16.13.12) યોજને ચતુર્વાહિણા પ્રાચ્યાં દિશિ પ્રાહૈવમ્ ઇવ વા અધ્વાનો વિમિતા યૈવાધ્વનો માત્રાતાં ધાવયન્તિ ત્રૈપદે પ્રષ્ઠિવાહિનોદીચ્યાં ગવ્યૂતૌ દ્વ્યોગેન પ્રતિચ્યાં ક્રોશે સ્થૂરિણા દક્ષિણૈતદ્ વૈ દિશાં રૂપં યદૈવ દિશાં રૂપં તેન યજ્ઞં સમર્ધયન્તિ
(પ્બ્ 16.13.13) સક્ષીરદૃતયો રથા ભવન્તિ તતો યન્ નવનીતમ્ ઉદિયાત્ તદાજ્યે ઽપિ કાર્યં સદ્યસ્ત્વાય
(પ્બ્ 16.14.1) અથૈષો ઽઙ્ગિરસામ્ અનુક્રીઃ
(પ્બ્ 16.14.2) એતેન વા અઙ્ગિરસ આદિત્યાન્ આપ્નુવન્ યો હીન આનુજાવર ઇવ સ્યાત્ સ એતેન યજેતાપ્નોતિ પૂર્વેષાં પ્રહામ્ આપ્નુવન્ હ્ય્ એતેનાઙ્ગિરસ આદિત્યાન્
(પ્બ્ 16.14.3) તસ્ય ચતુર્વિંશૌ પવમાનૌ
(પ્બ્ 16.14.4) ચતુર્વિંશત્યક્ષરા ગાયત્રી ગાયત્ર્યા વૈ દેવા ઇમાન્ લોકાન્ વ્યાપ્નુવન્ન્ ઇમાન્ એવૈતેન લોકાન્ વ્યાપ્નોતિ
(પ્બ્ 16.14.5) તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે પ્રાણો ગાયત્રી પ્રજનનં પ્રાણાદ્ એવ ગાયત્ર્યાઃ પ્રજાયતે
(પ્બ્ 16.14.6) ઉભયે સ્તોમા યુગ્મન્તશ્ ચાયુજશ્ [થુસ્ બિ; ક્સ્સ્ ચાર્યુજશ્] ચ તન્ મિથુનં તસ્માન્ મિથુનાત્ પ્રજાયતે
(પ્બ્ 16.14.7) વિરાજં સંપદ્યતે ઽન્નં વિરાડ્ અન્નાદ્યમ્ એવાવરુન્ધે
(પ્બ્ 16.14.8) એકવિંશો ઽગ્નિષ્ટોમો ભવતિ પ્રતિષ્ઠા વા એકવિંશો ઽન્તત એવ યજ્ઞસ્ય પ્રતિતિષ્ઠતિ
(પ્બ્ 16.15.1) અથૈષ વિશ્વજિચ્ છિલ્પઃ
(પ્બ્ 16.15.2) શિલ્પં વા એષ સ્તોમાનાં પશ્યતિ ગૃહે શિલ્પં ય એવં વેદ
(પ્બ્ 16.15.3) તસ્યાષ્ટાદશૌ પવમાનૌ
(પ્બ્ 16.15.4) ચક્રીવાન્ વા એષ યજ્ઞઃ કામાય યં કામં કામયતે તમ્ એતેનાભ્યશ્નુતે યત્ર હિ ચક્રીવતા કામયતે તદ્ અભ્યશ્નુતે
(પ્બ્ 16.15.5) સ્વર્ગકામો યજેત
(પ્બ્ 16.15.6) સ્વર્ગો લોકઃ પૃષ્ઠાનિ સ્વર્ગમ્ એવૈતેન લોકમ્ આપ્નોતિ

(પ્બ્ 16.15.7) તેજો બ્રહ્મવર્ચસં પૃષ્ઠાનિ યદ્ એકધા પૃષ્ઠાનિ ભવન્ત્ય્ એકધૈવાસ્મિંસ્ તેજો બ્રહ્મવર્ચસં દધાતિ
(પ્બ્ 16.15.8) અન્નં પશવઃ પૃષ્ઠાનિ યદ્ એકધા પૃષ્ઠાનિ ભવન્ત્ય્ એકધૈવાસ્મિન્ન્ અન્નાદ્યં પશૂન્ દધાતિ
(પ્બ્ 16.15.9) તદ્ આહુર્ નાનાલોકાનિ પૃષ્ઠાનિ યદ્ એકસ્મિન્ યજ્ઞક્રતૌ સમવરુધ્યન્ત ઈશ્વરો યજમાનો ઽપ્રતિષ્ઠાતોર્ ઇતિ
(પ્બ્ 16.15.10) એકવિંશં હોતુઃ પૃષ્ઠં ભવતિ પ્રતિષ્ઠા વા એકવિંશો મધ્ય એવ યજ્ઞસ્ય પ્રતિતિષ્ઠત્ય્ એકવિંશો ઽગ્નિષ્ટોમો ભવતિ પ્રતિષ્ઠા વા એકવિંશો ઽન્તત એવ યજ્ઞસ્ય પ્રતિતિષ્ઠતિ
(પ્બ્ 16.15.11) દ્વાવ્ એતાવ્ એકવિંશૌ ભવતો દ્વિપાદ્ યજમાનો યજમાનમ્ એવ યજ્ઞે પશુષુ ચ પ્રતિષ્ઠાપયતિ
(પ્બ્ 16.16.1) અથૈષ એકત્રિકઃ પ્રજાપતેર્ ઉદ્ભિત્
(પ્બ્ 16.16.2) એતેન વૈ પ્રજાપતિર્ એષાં લોકાનામ્ ઉદભિનત્
(પ્બ્ 16.16.3) કૃતસ્તોમો વા એષ ઉદ્ભિન્નં હ્ય્ એવ કૃતસ્ય
(પ્બ્ 16.16.4) યદ્ એકયા સ્તુવન્ત્ય્ એકો વૈ પ્રજાપતિઃ પ્રજાપતિમ્ એવાપ્નોત્ય્ અથ યત્ તિસૃભિસ્ ત્રય ઇમે લોકા એષ્વ્ એવ લોકેષુ પ્રતિતિષ્ઠતિ
(પ્બ્ 16.16.5) તા ઉ ચતસ્રસ્ સંપદ્યન્તે ચતુષ્પાદાઃ પશવઃ પશુષ્વ્ એવ પ્રતિતિષ્ઠતિ
(પ્બ્ 16.16.6) ગાયત્રીં સંપદ્યતે તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે
(પ્બ્ 16.16.7) પ્રાણો ગાયત્રી પ્રજનનં પ્રાણાદ્ એવ ગાયત્ર્યાઃ પ્રજાયતે
(પ્બ્ 16.16.8) ઽઽઅયા રુચા હરિણ્યા પુનાનઽઽ ઇત્ય્ આર્ભવઃ પવમાનઃ
(પ્બ્ 16.16.9) સર્વેષાં વા એષા છન્દસાં રૂપં સર્વેષ્વ્ એવ છન્દઃસ્વ્ આર્ભવં પવમાનં પ્રતિષ્ઠાપયતિ
(પ્બ્ 16.16.10) તસ્યાં ગાયત્રપાર્શ્વં ન ગાયત્રાદ્ એતિ ન સામ્નો ન નિધનાત્
(પ્બ્ 17.1.1) દેવા વૈ સ્વર્ગં લોકમ્ આયંસ્ તેષાં દૈવા અહીયન્ત વ્રાત્યાં પ્રવસન્તસ્ ત આગચ્છન્ યતો દેવાઃ સ્વર્ગં લોકમ્ આયંસ્ તેન તં સ્તોમં ન છન્દો ઽવિન્દન્ યેન તાન્ આપ્સ્યંસ્ તે દેવા મરુતો ઽબ્રુવન્ન્ એતેભ્યસ્ તં સ્તોમં તચ્ છન્દઃ પ્રયચ્છત યેનાસ્માન્ આપ્નવાન્ ઇતિ તેભ્ય એતં ષોડશં સ્તોમં પ્રાયચ્છન્ પરોક્ષમ્ અનુષ્ટુભં તતો વૈ તે તાન્ આપ્નુવન્
(પ્બ્ 17.1.2) હીના વા એતે હીયન્તે યે વ્રાત્યાં પ્રવસન્તિ ન હિ બ્રહ્મચર્યં ચરન્તિ ન કૃષિં વણિજ્યાં ષોડશો વા એતત્ સ્તોમઃ સમાપ્તુમ્ અર્હતિ
(પ્બ્ 17.1.3) મરુત્સ્તોમો વા એષ યાનિ ક્ષુદ્રાણિ છન્દાંસિ તાનિ મરુતામ્
(પ્બ્ 17.1.4) કકુભં પ્રાચીમ્ ઉદૂહત્ય્ અથ યદ્ એષા દ્વિપદા કકુભો લોકે ક્રિયતે રૂપેણૈવેનાંસ્ તત્ સમર્ધયતિ
(પ્બ્ 17.1.2) ઽઽઅધાહીન્દ્ર ગિર્વણઽઽ ઇતિ વિષમં છન્દો વિષમ ઇવ વૈ વ્રાતઃ સર્વાન્ એવૈતાન્ સમાન્ કરોતિ
(પ્બ્ 17.1.6) તાસુ દ્યૌતાનમ્
(પ્બ્ 17.1.7) દ્યુતાનો મારુતસ્ તેષાં ગૃહપતિર્ આસીત્ ત એતેન સ્તોમેનાયજન્ત તે સર્વ આર્ધ્નુવન્ યદ્ એતત્ સામ ભવત્ય્ ઋધ્યા એવ
(પ્બ્ 17.1.8) યન્ નિરુક્તં નિધનમ્ ઉપેયુર્ ગૃહપતિર્ એવર્ધ્નુયાદ્ અપેતર આર્ધ્નીતાથ યદ્ અનિરુક્તમ્ ઉપયન્તિ સર્વાન્ એવૈતાન્ ઋદ્ધૌ ભૂતૌ પ્રતિષ્ઠાપયતિ
(પ્બ્ 17.1.9) ગરગિરો વા એતે યે બ્રહ્માદ્યં જન્યમ્ અન્નમ્ અદન્ત્ય્ અદુરુક્તવાક્યં દુરુક્તમ્ આહુર્ અદણ્ડ્યં દણ્ડેન ઘ્નન્તશ્ ચરન્ત્ય્ અદીક્ષિતા દીક્ષિતવાચં વદન્તિ ષોડશો વા એતેષાં સ્તોમઃ પાપ્માનં નિર્હન્તુમ્ અર્હતિ યદ્ એતે ચત્વારઃ ષોડશા ભવન્તિ તેન પાપ્મનો ઽધિ નિર્મુચ્યન્તે
(પ્બ્ 17.1.10) ઽઽદેવો વો દ્રવિણોદાઽઽ ઇત્ય્ અગ્નિષ્ટોમસામ કાર્યં દેવતાસ્વ્ એવૈનાન્ પ્રતિષ્ઠાપયતિ
(પ્બ્ 17.1.11) અથો ખલ્વ્ આહુઃ ઽઽઅદર્શિ ગાતુવિત્તમઽઽ ઇત્ય્ એવ સતોબૃહતીષુ કાર્યં વિષમ ઇવ વૈ વ્રાતઃ સર્વાન્ એવૈનાન્ સતોબૃહતઃ કરોતિ
(પ્બ્ 17.1.12) તદ્ આહુઃ શિથિલમ્ ઇવ વા એતત્ છન્દશ્ ચરાચરં યત્ સતોબૃહતી ઽઽદેવો વો દ્રવિણોદા ઽઽ ઇત્ય્ એવ કાર્યમ્
(પ્બ્ 17.1.13) એષા વૈ પ્રતિષ્ઠિતા બૃહતી યા પુનઃપદા તદ્ યત્ પદં પુનર્ આરભતે તસ્માત્ પુત્રો માતરમ્ અધ્યેતિ
(પ્બ્ 17.1.14) ઉષ્ણીષં ચ પ્રતોદશ્ ચ જ્યાહ્ણોડશ્ ચ વિપથશ્ ચ ફલકાસ્તીર્ણઃ કૃષ્ણશં વાસઃ કૃષ્ણવલક્ષે અજિને રજતો નિષ્કસ્ તદ્ ગૃહપતેઃ
(પ્બ્ 17.1.15) વલૂકાન્તાનિ દામતૂષાણીતરેષાં દ્વે દ્વે દામની દ્વે દ્વે ઉપાનહૌ દ્વિષંહિતાન્ય્ અજિનાનિ
(પ્બ્ 17.1.16) એતદ્ વૈ વ્રાત્યધનં યસ્મા એતદ્ દદતિ તસ્મિન્ન્ એવ મૃજાના યાન્તિ
(પ્બ્ 17.1.17) ત્રયસ્ત્રિંશતા ત્રયસ્ત્રિંશતા ગૃહપતિમ્ અભિસમાયન્તિ ત્રયસ્ત્રિંશદ્ ધિ દેવા આર્ધ્નુવન્ ઋધ્યા એવ
(પ્બ્ 17.2.1) અથૈષ ષટ્ષોડશી યે નૃશંસા નિન્દિતાઃ સન્તો વ્રાત્યાં પ્રવસેયુસ્ ત એતેન યજેરન્
(પ્બ્ 17.2.2) અભિપૂર્વેણ વા એતે પાપ્મના ગૃહીતા યે નૃશંસા નિન્દિતાઃ સન્તો વ્રાત્યાં પ્રવસન્તિ યત્ ષટ્ષોડશાનિ સ્તોત્રાણિ ભવન્તિ તેન પાપ્માનો ઽધિ નિર્મુચ્યન્તે
(પ્બ્ 17.2.3) યદ્ એકવિંશો ઽગ્નિષ્ટોમો ભવતિ પ્રતિષ્ઠાયા એકવિંશો મધ્યત એવ યજ્ઞસ્ય પ્રતિતિષ્ઠતિ
(પ્બ્ 17.2.4) ઉક્થો ભવતિ પશવો વા ઉક્થાનિ પશવો નૃશંસમ્ અગ્ર્યં પરિણયન્તિ પશુભિર્ એવૈનાન્ અગ્ર્યં પરિણયતિ
(પ્બ્ 17.3.1) અથૈષ દ્વિષોડશો યે કનિષ્ઠાઃ સન્તો વ્રાત્યાં પ્રવસેયુસ્ ત એતેન યજેરન્
(પ્બ્ 17.3.2) હીના વા એતે અહીયન્તે યે કનિષ્ઠાઃ સન્તો વ્રાત્યાં પ્રવસન્તિ યત્ ત્રિવૃતઃ પવમાના ભવન્તિ મુખં વૈ ત્રિવૃત્ સ્તોમાનાં મુખત એવૈનાન્ યજ્ઞસ્ય પરિણયતિ
(પ્બ્ 17.3.3) યદ્ વૈ ષોડશે સ્તોત્રે ભવતસ્ તેન પાપ્મનો ઽધિ નિર્મુચ્યન્તે
(પ્બ્ 17.3.4) એકવિંશો ઽગ્નિષ્ટોમો ભવતિ પ્રતિષ્ઠા વા એકવિંશો ઽન્તત એવ યજ્ઞસ્ય પ્રતિતિષ્ઠતિ

(પ્બ્ 17.4.1) અથૈષ શમનીચામેઢ્રાણાં સ્તોમો યે જ્યેષ્ઠાઃ સન્તો વ્રાત્યાં પ્રવસેયુસ્ ત એતેન યજેરન્
(પ્બ્ 17.4.2) અગ્રાદ્ અગ્રં રોહન્ત્ય્ ઊર્ધ્વાઃ સ્તોમા યન્ત્ય્ અનપભ્રંશાય
(પ્બ્ 17.4.3) એતેન વૈ શમનીચામેઢ્રા અયજન્ત તેષાં કુષીતકઃ સામશ્રવસો ગૃહપતિર્ આસીત્ તાન્ લુશાકપિઃ ખાર્ગલિર્ અનુવ્યાહરદ્ અવાકીર્ષત કનીયાંસૌ સ્તોમાવ્ ઉપાગુર્ ઇતિ તસ્માત્ કૌષીતકાનાં ન કશ્ ચનાતીવ જિહીતે યજ્ઞાવ કીર્ણા હિ
(પ્બ્ 17.5.1) ઇન્દ્રો વૈ ત્રિશિરસં ત્વાષ્ટ્રમ્ અહંસ્ તમ્ અશ્લીલા વાગ્ અભ્યવદત્ સો ઽગ્નિમ્ ઉપાધાવત્ સ એતદ્ અગ્નિસ્તોત્રમ્ અપશ્યત્ તદ્ આત્મન્ય્ અધિવિધાય તેનૈનમ્ અયાજયત્ તેનાસ્યાશ્લીલાં વાચમ્ અપાહન્
(પ્બ્ 17.5.2) અપાશ્લીલાં વાચં હતે ય એવં વેદ
(પ્બ્ 17.5.3) યો ઽપૂત ઇવ સ્યાદ્ અગ્નિષ્ટુતા યજેતાગ્નિનૈવાસ્ય પાપ્માનમ્ અપહત્ય ત્રિવૃતા તેજો બ્રહ્મવર્ચસં દધાતિ
(પ્બ્ 17.5.4) તદ્ આહુર્ યત્ ત્રિવૃદ્ ભવત્ય્ એકસ્માદ્ એવાઙ્ગાત્ પાપ્માનમ્ અપહન્તિ મુખાદ્ એવેતિ
(પ્બ્ 17.5.5) જ્યોતિષ્ટોમ એવ કાર્યઃ
(પ્બ્ 17.5.6) યત્ ત્રિવૃદ્ ભવતિ યદ્ એવાસ્ય મુખતો ઽપૂતં તત્ તેનાપહન્તિ યત્ પઞ્ચદશો યદ્ એવાસ્યોરસ્તો બાહ્વોર્ અપૂતં તત્ તેનાપહન્તિ યત્ સપ્તદશો યદ્ એવાસ્ય મધ્યતો ઽપૂતં તત્ તેનાપહન્તિ યદ્ એકવિંશો યદ્ એવાસ્ય પદોર્ અષ્ઠીવતોર્ અપૂતં તત્ તેનાપહન્તિ
(પ્બ્ 17.5.7) વૈશ્વાનરં વા એષ પ્રવિશતીત્ય્ આહુર્ યો ઽગ્નિષ્ટુતા યજત ઇતિ વારવન્તીયમ્ અગ્નિષ્ટોમસામ કાર્યં તસ્ય યદ્ અપૂતં તદ્ અગ્નિઃ ક્ષાપયત્ય્ અથેતરઃ શુચિઃ પૂત ઉદેતિ
(પ્બ્ 17.6.1) ત્રિવૃદ્ અગ્નિષ્ટુદ્ અગ્નિષ્ટોમસ્ તસ્ય વાયવ્યાસ્વ્ અગ્નિષ્ટોમસામ
(પ્બ્ 17.6.2) બ્રહ્મવર્ચસકામો યજેત
(પ્બ્ 17.6.3) તેજો વૈ ત્રિવૃદ્ બ્રહ્મવર્ચસં યદ્ વાયવ્યાસ્વ્ અગ્નિષ્ટોમસામ ભવત્ય્ ઉપૈવૈનં તદ્ ધમતિ
(પ્બ્ 17.6.4) યથા હિરણ્યં નિષ્ટપેદ્ એવમ્ એનમ્ અગ્નિષ્ટુન્ નિષ્ટપતિ
(પ્બ્ 17.7.1) એતસ્યૈવ રેવતીષુ વારવન્તીયમ્ અગ્નિષ્ટોમસામ કૃત્વા પશુકામો યજેત
(પ્બ્ 17.7.2) જરત્કક્ષો વા એષ યો ઽપશુર્ યથા વૈ જરત્કક્ષે પશવો ન રમન્ત એવમ્ એતસ્મિન્ પશવો ન રમન્તે યો ઽપશુર્ યદા વૈ જરત્કક્ષમ્ અગ્નિર્ દહત્ય્ અથૈનમ્ અભિવર્ષત્ય્ અથાસ્મિન્ન્ ઓષધયો જાયન્તે ઽથ વૈ તસ્મિન્ પશવો રમન્તે
(પ્બ્ 17.7.3) રમન્તે ઽસ્મિન્ પશવો ય એવં વેદ
(પ્બ્ 17.7.4) યદ્ એવાસ્યાપશવ્યં તદ્ અગ્નિષ્ટુન્ નિર્દહતિ યદ્ અગ્નિષ્ટુન્ નિર્દહતિ તદ્ અદ્ભી રેવતીભિઃ શમયતિ
(પ્બ્ 17.8.1) જ્યોતિષ્ટોમેનાગ્નિષ્ટુતા યજ્ઞવિભ્રષ્ટો યજેત
(પ્બ્ 17.8.2) યસ્મિન્ વા યજ્ઞક્રતૌ વિભ્રંશેત
(પ્બ્ 17.8.3) અગ્નિર્ વા એતસ્ય હવ્યમ્ અત્તિ યો યજ્ઞે વિભ્રંશતે ન દેવતા હવ્યં ગમયત્ય્ અગ્નિમ્ એવૈકધર્ધ્નોતિ
(પ્બ્ 17.8.4) યદ્ વૈ સંશીર્યતે ઽથાન્યન્ નિષ્કુર્વન્તિ તેન તદ્ યાતિ યદા વાવ તન્ નિષ્કુર્વન્ત્ય્ અથ તદ્ યાતિ યેષ્વ્ એવ સ્તોમેષુ વિભ્રંશતે યસ્મિન્ યજ્ઞક્રતૌ તૈર્ એવ યજેત યેષ્વ્ એવ સ્તોમેષુ વિભ્રંશતે યસ્મિન્ યજ્ઞક્રતૌ તેષ્વ્ એવ પ્રતિતિષ્ઠતિ
(પ્બ્ 17.9.1) સપ્તદશેનાગ્નિષ્ટુતાન્નાદ્યકામો યજેત
(પ્બ્ 17.9.2) અન્નં વૈ સપ્તદશો ઽગ્નિર્ અન્નાદ્યસ્ય પ્રદાતાગ્નિર્ એવાસ્મા અન્નાદ્યં પ્રયચ્છતિ
(પ્બ્ 17.9.3) અન્નાદો ભવતિ ય એવં વેદ
(પ્બ્ 17.9.4) સર્વઃ સપ્તદશો ભવતિ પ્રજાપતિર્ વૈ સપ્તદશઃ પ્રજાપતિમ્ એવાપ્નોતિ
(પ્બ્ 17.10.1) ત્રિવૃદ્ અગ્નિષ્ટોમસ્ તસ્યાનિરુક્તં પ્રાતઃસવનમ્
(પ્બ્ 17.10.2) પ્રજાપતિઃ પ્રજા અસૃજત તા અસ્માત્ સૃષ્ટા અપાક્રામન્ સ એતદ્ અનિરુક્તં પ્રાતઃસવનમ્ અપશ્યત્ તેનાસાં મધ્યં વ્યવૈત્ તા એનમ્ ઉપાવર્તન્ત પર્ય્ એનમ્ આવિશન્
(પ્બ્ 17.10.3) ગ્રામકામો યજેત યદ્ એતદ્ અનિક્તં પ્રાતઃસવનં ભવતિ મધ્યમ્ એવાસાં વ્યવૈત્ય્ ઉપૈનમ્ આવર્તન્તે પર્ય્ એનં વિશન્તિ
(પ્બ્ 17.10.4) સ એષ પ્રજાપતેર્ અપૂર્વો નાસ્માત્ પૂર્વો ભવતિ ય એવં વેદ
(પ્બ્ 17.11.1) ત્રિવૃદ્ અગ્નિષ્ટોમઃ
(પ્બ્ 17.11.2) તસ્ય પ્રાતઃસવને સન્નેષુ નારાશંસેષ્વ્ એકાદશદક્ષિણા વ્યાદિશત્ય્ અશ્વદ્વાદશા મધ્યન્દિને તા ઉભયીર્ અપાકરોત્ય્ એકાદશ તૃતીયસવને તા વશાયામ્ અપાકરોતિ
(પ્બ્ 17.11.3) ત્રયસ્ત્રિંશદ્ એતા દક્ષિણા ભવન્તિ ત્રયસ્ત્રિંશદ્ દેવતા દેવતા એવાપ્નોત્ય્ અશ્વશ્ ચતુસ્ત્રિંશો દક્ષિણાનાં પ્રજાપતિશ્ ચતુસ્ત્રિંશો દેવતાનાં પ્રજાપતિમ્ એવાપ્નોતિ
(પ્બ્ 17.11.4) સ એષ બૃહસ્પતિસવો બૃહસ્પતિર્ અકામયત દેવાનાં પુરોધાં ગચ્છેયમ્ ઇતિ સ એતેનાયજત સ દેવાનાં પુરોધામ્ અગચ્છત્
(પ્બ્ 17.11.5) ગચ્છતિ પુરોધાં ય એવં વેદ
(પ્બ્ 17.11.6) સ એષ સ્થપતિસવો યં સ્થાપત્યાયાભિષિઞ્ચેરન્ સ એતેન યજેત
(પ્બ્ 17.11.7) ગચ્છતિ સ્થાપત્યં ય એવં વેદ
(પ્બ્ 17.11.8) કૃષ્ણાજિને ઽધ્ય્ અભિષિચ્યત એતદ્ વૈ પ્રત્યક્ષં બ્રહ્મવર્ચસં બ્રહ્મવર્ચસ એવાધ્ય્ અભિષિચ્યતે
(પ્બ્ 17.11.9) આજ્યેનાભિષિચ્યતે તેજ આજ્યં તેજ આત્મન્ ધત્તે
(પ્બ્ 17.12.1) ત્રિવૃદ્ અગ્નિષ્ટોમઃ સ સર્વસ્વારો યઃ કામયેતાનામયતામું લોકમ્ ઇયામ્ ઇતિ સ એતેન યજેત

(પ્બ્ 17.12.2) પ્રાણો વૈ ત્રિવૃત્ પ્રાણઃ સ્વરઃ પ્રાણાન્ એવાસ્ય બહિર્ ણિરાદધાતિ તાજક્ પ્રમીયતે
(પ્બ્ 17.12.3) ત્રિવૃદ્ વૈ સ્તોમાનાં ક્ષેપિષ્ઠો યત્ ત્રિવૃદ્ ભવત્ય્ આશીયઃ સંગચ્છાતા ઇત્ય્ અનન્તો વૈ સ્વરો ઽનન્તો ઽસૌ લોકો ઽનન્તમ્ એવૈનં સ્વર્ગં લોકં ગમયતિ
(પ્બ્ 17.12.4) અભિવત્યઃ પ્રવત્યો ભવન્ત્ય્ અસ્માદ્ એવૈનં લોકાત્ સ્વર્ગં લોકં ગમયન્તિ
(પ્બ્ 17.12.5) આર્ભવપવમાને સ્તૂયમાન ઔદુમ્બર્યા દક્ષિણા પ્રાવૃતો નિપદ્યતે તદ્ એવ સંગચ્છતે
(પ્બ્ 17.12.6) સ એષ શુનસ્કર્ણસ્તોમ એતેન વૈ શુનસ્કર્ણો બાષ્કિહો ઽયજત તસ્માચ્ છુનસ્કર્ણસ્તોમ ઇત્ય્ આખ્યાયતે
(પ્બ્ 17.13.1) ત્રિવૃદ્ અગ્નિષ્ટોમો વૈશ્વદેવસ્ય લોકઃ
(પ્બ્ 17.13.2) આગ્નેયી પ્રતિપદ્ વૈશ્વદેવઃ પશુર્ બાર્હસ્પત્યાનુબન્ધ્યા
(પ્બ્ 17.13.3) ન યૂપં મિન્વન્તિ નોત્તરવેદિં નિવપન્તિ
(પ્બ્ 17.13.4) પરિધૌ પશું નિયુઞ્જન્તિ
(પ્બ્ 17.13.5) પઞ્ચાશદ્ દક્ષિણા
(પ્બ્ 17.13.6) અહતં વસાનો ઽવભૃથાદ્ ઉદેતિ ચતુરો માસો ન માંસમ્ અશ્નાતિ ન સ્ત્રિયમ્ ઉપૈતિ
(પ્બ્ 17.13.7) તતશ્ ચતુર્ષુ માસેષુ વરુણપ્રઘાસાનાં લોકે દ્વિદિવઃ
(પ્બ્ 17.13.8) વારુણી પ્રતિપન્ મારુતઃ પશુઃ
(પ્બ્ 17.13.1) કવતી પ્રતિપદ્ વારુણઃ પશુઃ
(પ્બ્ 17.13.10) મૈત્રાવરુણ્ય્ અનૂબન્ધ્યા મિન્વન્તિ યૂપં ન્ય્ ઉત્તરવેદિં વપન્તિ યૂપે પશૂ નિયુઞ્જન્તિ
(પ્બ્ 17.13.11) શતં દક્ષિણા અહતં વસાનો ઽવભૃથાદ્ ઉદેતિ ચતુરો માસો ન માંસમ્ અશ્નાતિ ન સ્ત્રિયમ્ ઉપૈતિ
(પ્બ્ 17.13.12) તતશ્ ચતુર્ષુ માસેષુ સાકમેધાનાં લોકે ત્રિરાત્રઃ
(પ્બ્ 17.13.13) અનીકવતી પ્રતિપદ્ આગ્નેયઃ પશુર્ મારુતી પ્રતિપદ્ ઐન્દ્રાગ્નઃ પશુર્ વૈશ્વકર્મણી પ્રતિપદ્ એકાદશિની પશવઃ સૌર્યાનૂબન્ધ્યા મિન્વન્તિ યૂપં ન્ય્ ઉત્તરવેદિં વપન્તિ યૂપે પશૂન્ નિયુઞ્જન્તિ પઞ્ચાશચ્છતં દક્ષિણા
(પ્બ્ 17.13.14) અહતં વસાનો ઽવભૃથાદ્ ઉદેતિ ચતુરો માસો ન માંસમ્ અશ્નાતિ ન સ્ત્રિયમ્ ઉપૈતિ
(પ્બ્ 17.13.15) તતશ્ ચતુર્ષુ માસેષુ શુનાસીર્યસ્ય લોકે જ્યોતિષ્ટોમો ઽગ્નિષ્ટોમઃ
(પ્બ્ 17.13.16) ઉપવતી પ્રતિપદ્ વાયવ્યઃ પશુર્ આશ્વિન્ય્ અનૂબન્ધ્યા મિન્વન્તિ યૂપં ન્ય્ ઉત્તરવેદિં વપન્તિ યૂપે પશું નિયુઞ્જન્તિ દ્વાદશં શતં દક્ષિણા
(પ્બ્ 17.13.17) અગ્નિઃ સંવત્સરઃ સૂર્યઃ પરિવત્સરશ્ ચન્દ્રમા ઇદાવત્સરો વાયુર્ અનુવત્સરો ઽગ્નિં સંવત્સરં વૈશ્વદેવેનાપ્નોતિ સૂર્યં પરિવત્સરં વરુણપ્રઘાસૈશ્ ચન્દ્રમસમ્ ઇદાવત્સરં સાકમેધૈર્ વાયુમ્ અનુવત્સરં શુનાસીર્યેણ
(પ્બ્ 17.13.18) હવિર્યજ્ઞૈર્ વૈ દેવા ઇમં લોકમ્ અભ્યજયન્ન્ અન્તરિક્ષં પશુમદ્ભિઃ સોમૈર્ અમુમ્ ઇમાન્ એવ લોકાન્ આપ્નોત્ય્ એષુ લોકેષુ પ્રતિતિષ્ઠતિ ય એવં વેદ
(પ્બ્ 17.14.1) યદાગ્નિહોત્રં જુહોત્ય્ અથ દશ ગૃહમેધિન આપ્નોત્ય્ એકયા રાત્ર્યા, યદા દશ સંવત્સરાન્ અગ્નિહોત્રં જુહોત્ય્ અથ દર્શપૂર્ણમાસયાજિનમ્ આપ્નોતિ, યદા દશ સંવત્સરાન્ દર્શપૂર્ણમાસાભ્યાં યજતે ઽથાગ્નિષ્ટોમયાજિનમ્ આપ્નોતિ, યદા દશભિર્ અગ્નિષ્ટોમૈર્ યજતે ઽથ સહસ્રયાજિનમ્ આપ્નોતિ, યદા દશભિઃ સહસ્રૈર્ યજતે ઽથાયુતયાજિનમ્ આપ્નોતિ, યદા દશભિર્ અયુતૈર્ યજતે ઽથ પ્રયુતયાજિનમ્ આપ્નોતિ, યદા દશભિઃ પ્રયુતૈર્ યજતે ઽથ નિયુતયાજિનમ્ આપ્નોતિ, યદા દશભિર્ નિયુતૈર્ યજતે ઽથાર્બુદયાજિનમ્ આપ્નોતિ, યદા દશભિર્ અર્બુદૈર્ યજતે ઽથ ન્યર્બુદયાજિનમ્ આપ્નોતિ, યદા દશભિર્ ન્યર્બુદૈર્ યજતે ઽથ નિખર્વકયાજિનમ્ આપ્નોતિ, યદા દશભિર્ નિખર્વકૈર્ યજતે ઽથ બદ્વયાજિનમ્ આપ્નોતિ, યદા દશભિર્ બદ્વૈર્ યજતે ઽથાક્ષિતયાજિનમ્ આપ્નોતિ યદા દશભિર્ અક્ષિતૈર્ યજતે ઽથ ગૌર્ ભવતિ, યદા ગૌર્ ભવત્ય્ અથાગ્નિર્ ભવતિ યદાગ્નિર્ ભવત્ય્ અથ સંવત્સરસ્ય ગૃહપતિમ્ આપ્નોતિ
(પ્બ્ 17.14.2) યદા સંવત્સરસ્ય ગૃહપતિર્ ભવત્ય્ અથ વૈશ્વદેવસ્ય માત્રામ્ આપ્નોત્ય્ અતો વા ઇતરે પરસ્તરાં પરસ્તરામ્ એવ સર્વે
(પ્બ્ 17.14.3) એતાન્ એવ લોકાન્ આપ્નોત્ય્ એતાન્ લોકાન્ જયતિ ય એવં વેદ
(પ્બ્ 18.1.1) સપ્તદશો ઽગ્નિષ્ટોમઃ
(પ્બ્ 18.1.2) દેવાશ્ ચ વા અસુરાશ્ ચ પ્રજાપતેર્ દ્વયાઃ પુત્રા આસંસ્ તે ઽસુરા ભૂયાંસો બલીયાંસ આસન્ કનીયાંસો દેવાસ્ તે દેવાઃ પ્રજાપતિમ્ ઉપાધાવન્ સ એતમ્ ઉપહવ્યમ્ અપશ્યત્
(પ્બ્ 18.1.3) સ ઐક્ષત યન્ નિરુક્તમ્ આહરિષ્યામ્ય્ અસુરા મે યજ્ઞં હનિષ્યન્તીતિ સો ઽનિરુક્તમ્ આહરત્
(પ્બ્ 18.1.4) સ ઉત્તમે સ્તોત્રે ઽઽદેવો વો દ્રવિણોદાઽઽ ઇતિ દેવાન્ અભિપર્યાવર્તત
(પ્બ્ 18.1.5) તતો દેવા અભવન્ પરાસુરાઃ
(પ્બ્ 18.1.6) ભવત્ય્ આત્મના પરાસ્ય ભ્રાતૃવ્યો ભવતિ ય એવં વેદ
(પ્બ્ 18.1.7) અથો ખલ્વ્ આહુઃ ઽઽયજ્ઞાયજ્ઞા વો અગ્નયઽઽ ઇત્ય્ એવ કાર્યમ્
(પ્બ્ 18.1.8) અગ્નિર્ વૈ સર્વા દેવતાસ્ તેન ન દેવતાનાં કાં ચનાન્તર્ એતિ
(પ્બ્ 18.1.9) ઇન્દ્રો યતીન્ સાલાવૃકેયેભ્યઃ પ્રાયચ્છત્ તમ્ અશ્લીલા વાગ્ અભ્યવદત્ સ પ્રજાપતિમ્ ઉપાધાવત્ તસ્મા એતમ્ ઉપહવ્યં પ્રાયચ્છત્ તં વિશ્વે દેવા ઉપાહ્વયન્ત તસ્માદ્ ઉપહવ્યઃ
(પ્બ્ 18.1.10) અભિશસ્યમાનં યાજયેત્
(પ્બ્ 18.1.11) દેવતા વા એતં પરિવ્રજન્તિ યમ્ અનૃતમ્ અભિશંસન્તિ દેવતા એવાસ્યાન્નમ્ આદયન્તિ
(પ્બ્ 18.1.12) તસ્ય પૂતસ્ય સ્વદિતસ્ય મનુષ્યા અન્નમ્ અદન્તિ
(પ્બ્ 18.1.13) ગ્રામકામો યજેત
(પ્બ્ 18.1.14) મારુતી ભવતિ મરુતૌ વૈ દેવાનાં વિશો વિશમ્ એવાસ્મા અનુનિયુનક્ત્ય્ અનપક્રામુકાસ્માદ્ વિડ્ ભવતિ

(પ્બ્ 18.1.15) પશુકામો યજેત પૌષી ભવતિ
(પ્બ્ 18.1.16) પશવો વૈ પૂષા પશૂન્ એવાવરુન્ધે
(પ્બ્ 18.1.17) વૈશ્વદેવી ભવતિ વિશ્વે હ્ય્ એનં દેવા ઉપાહ્વયન્ત
(પ્બ્ 18.1.18) બૃહત્સામા ભવતિ
(પ્બ્ 18.1.19) પ્રજાપતિર્ હ્ય્ એનમ્ ઇન્દ્રાય પ્રાયચ્છત્
(પ્બ્ 18.1.20) અશ્વઃ શ્યવો દક્ષિણા
(પ્બ્ 18.1.21) સ હ્ય્ અનિરુક્તઃ
(પ્બ્ 18.1.22) સ બ્રહ્મણે દેયઃ
(પ્બ્ 18.1.23) બ્રહ્મા વા ઋત્વિજામ્ અનિરુક્તઃ સ્વેનૈવૈનં તદ્ રૂપેણ સમર્ધયતિ
(પ્બ્ 18.1.24) યાવદ્ ધ વૈ કુમારે સદ્યો જાત એનો નાસ્મિંસ્ તાવચ્ ચ નૈનો ભવતિ ય એવં વેદ
(પ્બ્ 18.2.1) સપ્તદશો ઽગ્નિષ્ટોમઃ
(પ્બ્ 18.2.2) તસ્ય દ્વાદશ દીક્ષોપસદઃ
(પ્બ્ 18.2.3) સ્વર્ગકામો યજેત
(પ્બ્ 18.2.4) દ્વાદશ માસાઃ સંવત્સરઃ સંવત્સરઃ સ્વર્ગો લોકઃ સ્વર્ગમ્ એવૈતેન લોકમ્ આપ્નોતિ
(પ્બ્ 18.2.5) ઘૃતવ્રતો ભવતિ
(પ્બ્ 18.2.6) દેવવ્રતં વૈ ઘૃતં દેવવ્રતેનૈવ દેવતા અપ્યેતિ
(પ્બ્ 18.2.7) ઉત્તરેણોત્તરેણ કાણ્ડેનોપૈત્ય્ ઉત્તર ઉત્તર એષાં લોકાનાં જ્યાયાન્ સ્વર્ગસ્ય સમષ્ટ્યૈ
(પ્બ્ 18.2.8) બૃહત્સામ ભવતિ બૃહતા વૈ દેવાઃ સ્વર્ગં લોકમ્ આયન્ સ્વર્ગમ્ એવેતેન લોકમ્ આપ્નોતિ
(પ્બ્ 18.2.9) ઋતમ્ ઉક્ત્વા પ્રસર્પન્ત્ય્ ઋતેનૈવૈનં સ્વર્ગં લોકં ગમયન્તિ
(પ્બ્ 18.2.10) સોમચમસો દક્ષિણા દેવતયૈવ દેવતા અપ્યેતિ
(પ્બ્ 18.2.11) ઔદુમ્બરો ભવત્ય્ ઊર્ગ્ ઉદુમ્બર ઊર્જમ્ એવાવરુન્ધે
(પ્બ્ 18.2.12) સગોત્રાય બ્રહ્મણે દેયઃ સોમપીથસ્યાવિદોહાય
(પ્બ્ 18.2.13) સર્વઃ સપ્તદશો ભવતિ
(પ્બ્ 18.2.14) દ્વાદશ માસાઃ પઞ્ચર્તવઃ સ વૈ સંવત્સરઃ સંવત્સરઃ સ્વર્ગો લોકઃ સ્વર્ગમ્ એવૈતેન લોકમ્ આપ્નોતિ
(પ્બ્ 18.3.1) સપ્તદશો ઽગ્નિષ્ટોમઃ
(પ્બ્ 18.3.2) તસ્ય દીક્ષણીયાયામ્ ઇષ્ટૌ દ્વાદશમાનં હિરણ્યં દદાતિ ચતુર્વિંશતિમાનં પ્રાયણીયાયાં દ્વે ચતુર્વિંશતિમાને આતિથ્યાયાં ચત્વારિ ચતુર્વિંશતિમાનાનિ પ્રાતઃ પ્રથમાયામ્ ઉપસદ્ય્ અષ્ટૌ ચતુર્વિંશતિમાનાન્ય્ અપરાહ્ણે પ્રથમાયામ્ ઉપસદિ ષોડશચતુર્વિંશતિમાનાનિ પ્રાતર્ મધ્યમાયામ્ ઉપસદિ દ્વાત્રિંશતં ચતુર્વિંશતિમાનાન્ય્ અપરાહ્ણે મધ્યમાયામ્ ઉપસદિ ચતુઃષષ્ટિં ચતુર્વિંશતિમાનાનિ પ્રાતર્ ઉત્તમાયામ્ ઉપસદ્ય્ અષ્ટાવિંશતિશતં ચતુર્વિંશતિમાનાન્ય્ અપરાહ્ણ ઉત્તમાયામ્ ઉપસદિ દ્વે અષ્ટાવિંશતિશતમાને અગ્નીષોમીયસ્ય પશોર્ વપાયાં ચત્વાર્ય્ અષ્ટાવિંશતિશતમાનાનિ પ્રાતઃ પશોર્ વપાયામ્ અષ્ટાવ્ અષ્ટાવિંશતિશતમાનાનિ પ્રાતઃસવને સન્નેષુ નારાશંસેષુ ષોડશાષ્ટાવિંશતિશતમાનાનિ માધ્યન્દિને સવને ઽનડુચ્છતં ચ રુક્મો હોતુઃ સ્રગ્ ઉદ્ગાતુર્ દ્વાત્રિંશતમ્ અષ્ટાવિંશતિશતમાનાનિ તૃતીયસવને સન્નેષુ નારાશંસેષુ ચતુઃષષ્ટિમ્ અષ્ટાવિંશતિશતમાનાન્ય્ ઉદયનીયાયામ્ ઇષ્ટાવ્ અષ્ટાવિંશતિશતમ્ અષ્ટાવિંશતિશતમાનાનિ વશાયા વપાયામ્
(પ્બ્ 18.3.3) એષ વા અનડુહો લોકમ્ આપ્નોતિ ય એવં વેદ
(પ્બ્ 18.3.4) એષ વૈ જ્યોતિષ્મન્તં પુણ્યં લોકં જયતિ ય એવં વિદ્વાન્ એતેન યજતે
(પ્બ્ 18.4.1) સપ્તદશો ઽગ્નિષ્ટોમઃ
(પ્બ્ 18.4.2) તસ્ય પ્રાતઃસવનીયાન્ સોમાન્ પ્રતિદુહા શ્રીણાતિ શૃતેન મધ્યન્દિને દધ્ના તૃતીયસવને
(પ્બ્ 18.4.3) પશુકામો યજેત
(પ્બ્ 18.4.4) યત્ સર્વાણિ સવનાન્ય્ આશીર્વન્તિ ભવન્ત્ય્ અનુસવનમ્ એવૈનં પશુભિઃ સર્મર્ધયતિ પ્રજા ત્વ્ અસ્ય મીલિતેવ ભવતિ શુક્રિયે હિ સવને પયસા શ્રીણાતિ
(પ્બ્ 18.4.5) વૈશ્યં યાજયેત્
(પ્બ્ 18.4.6) એતદ્ વૈ વૈશ્યસ્ય સમૃદ્ધં યત્ પશવઃ પશુભિર્ એવૈનં સમર્ધયતિ
(પ્બ્ 18.4.7) તસ્ય કણ્વરથન્તરં પૃષ્ઠમ્
(પ્બ્ 18.4.8) સદોવિશીયં બ્રહ્મસામ
(પ્બ્ 18.4.9) પશવો વૈ કણ્વરથન્તરં પશવઃ સદોવિશીયમ્ આભિપૂર્વાન્ એવાસ્મિન્ પશૂન્ દધાતિ
(પ્બ્ 18.4.10) સર્વઃ સપ્તદશો ભવતિ
(પ્બ્ 18.4.11) દ્વાદશ માસાઃ પઞ્ચર્તવઃ સ વૈ સંવત્સરઃ સંવત્સરં પશવો ઽનુપ્રજાયન્તે તાન્ એવાપ્ત્વાવરુન્ધે
(પ્બ્ 18.5.1) સપ્તદશ ઉક્થ્યઃ

(પ્બ્ 18.5.2) ઇન્દ્રો વૃત્રમ્ અહન્ સ વિષ્વઙ્વીર્યેણ વ્યાર્ચ્છત્ તસ્મૈ દેવાઃ પ્રાયશ્ચિત્તિમ્ ઐચ્છંસ્ તં ન કિં ચનાધિનોત્ તં તીવ્રસોમ એવાધિનોત્
(પ્બ્ 18.5.3) સોમાતિપવિતં યાજયેત્
(પ્બ્ 18.5.4) છિદ્ર ઇવ વા એષ યં સોમો ઽતિપવતે યત્ તીવ્રસોમેન યજતે પિહિત્યા એવાચ્છિદ્રતાયૈ
(પ્બ્ 18.5.5) રાજાનમ્ અપરુદ્ધં યાજયેત્
(પ્બ્ 18.5.6) વિડ્ વા એતમ્ અતિપવતે યો રાજાપરુધ્યતે યત્ તીવ્રસોમેન યજતે પિહિત્યા એવાચ્છિદ્રતાયૈ
(પ્બ્ 18.5.7) ગ્રામકામો યજેત
(પ્બ્ 18.5.8) ગ્રામો વા એતમ્ અતિપવતે યો ઽલં ગ્રામાય સન્ ગ્રામં ન વિન્દતે યત્ તીવ્રસોમેન યજતે પિહિત્યા એવાચ્છિદ્રતાયૈ
(પ્બ્ 18.5.9) પ્રજાકામો યજેત પ્રજા વા એતમ્ અતિપવતે યો ઽલં પ્રજાયાઃ સન્ પ્રજાં ન વિન્દતે યત્ તીવ્રસોમેન યજતે પિહિત્યા એવાચ્છિદ્રતાયૈ
(પ્બ્ 18.5.10) પશુકામો યજેત પશવો વા એતમ્ અતિપવન્તે યો ઽલં પશુભ્યઃ સન્ પશૂન્ ન વિન્દતે યત્ તીવ્રસોમેન યજતે પિહિત્યા [થુસ્ બિ; ઽપિહિત્યા ક્સ્સ્] એવાચ્છિદ્રતાયૈ
(પ્બ્ 18.5.11) આમયાવિનં યાજયેત્ પ્રાણા વા એતમ્ અતિપવન્તે ય આમયાવી યત્ તીવ્રસોમેન યજતે પિહિત્યા એવાચ્છિદ્રતાયૈ
(પ્બ્ 18.5.12) શતમ્ આશિરં દુહન્તિ તીવ્રયન્ત્ય્ એવૈનમ્
(પ્બ્ 18.5.13) તત્ તા ઉ એવ દક્ષિણાઃ
(પ્બ્ 18.5.14) અભ્ય્ અભિસોમાન્ ઉન્નયન્તિ તીવ્ર એનં ધિનવદ્ ઇત્ય્ ઉભાવ્ અધ્વર્યૂ સર્વે ચમસાધ્વર્યવો ઽચ્છાવાકાય પ્રતિગૃણન્તિ તીવ્રયન્ત્ય્ એવૈનમ્
(પ્બ્ 18.5.15) તદ્ અભક્ષયન્ત ઋત્વિજશ્ ચમસાન્ અવજિઘ્રન્તિ તીવ્રયન્ત્ય્ એવૈનં તત્ તાન્ અચ્છાવાકસ્ય સ્તોત્રે ભક્ષયન્તિ તીવ્રયન્ત્ય્ એવૈનમ્
(પ્બ્ 18.5.16) તદ્ યત્ સવનાનિ વ્યવભક્ષયેયુર્ અપક્રામુકા યજમાનાચ્ છ્રીઃ સ્યાત્ સકૃત્સકૃત્ સવનાનામ્ અન્તતો ભક્ષયન્તિ સવનાનામ્ અસંભેદાય
(પ્બ્ 18.5.17) રથન્તરં સામ ભવતિ
(પ્બ્ 18.5.18) ઇયં વૈ રથન્તરમ્ અસ્યાં વા એષ ન પ્રતિતિષ્ઠતિ યો ન પ્રતિતિષ્ઠત્ય્ અસ્યામ્ એવૈનં પ્રતિષ્ઠાપયતિ
(પ્બ્ 18.5.19) શ્રાયન્તીયં બ્રહ્મસામ ભવત્ય્ એતદ્ એવાસ્મિઞ્ છ્રીણાતિ
(પ્બ્ 18.5.21) વાગ્ અનુષ્ટુપ્ વાચો રસો યજ્ઞાયજ્ઞીયં વાચ્ય્ એવાસ્ય રસં દધાતિ
(પ્બ્ 18.5.22) વિશોવિશીયમ્ અગ્નિષ્ટોમસામ ભવત્ય્ એતદ્ એવાસ્મિન્ સર્વં પ્રતિષ્ઠાપયતિ
(પ્બ્ 18.5.23) ઉદ્વંશીયમ્ ઉક્થાનામ્ અન્તતો ભવતિ સર્વેષાં વા એતત્ પૃષ્ઠાનાં રૂપં સર્વેષ્વ્ એવ રૂપેષુ પ્રતિતિષ્ઠતિ
(પ્બ્ 18.5.24) ઉક્થ્યો ભવતિ પશવો વા ઉક્થાનિ પશુષ્વ્ એવ પ્રતિતિષ્ઠતિ
(પ્બ્ 18.6.1) સપ્તદશ ઉક્થ્યઃ ષોડશિમાન્ સપ્તદશી
(પ્બ્ 18.6.2) યાવાન્ વૈ પ્રજાપતિર્ ઊર્ધ્વસ્ તાવાંસ્ તિર્યઙ્
(પ્બ્ 18.6.3) યાવન્ત ઇમે લોકા ઊર્ધ્વાસ્ તાવન્તસ્ તિર્યઞ્ચઃ
(પ્બ્ 18.6.4) વાજપેયયાજી વાવ પ્રજાપતિમ્ આપ્નોતિ
(પ્બ્ 18.6.5) યત્ સપ્તદશ સ્તોત્રાણિ તેનોર્ધ્વમ્ અપ્નોતિ યત્ સર્વઃ સપ્તદશસ્ તેન તિર્યઞ્ચમ્
(પ્બ્ 18.6.6) તસ્ય નાનાવીર્યાણિ સવનાનિ
(પ્બ્ 18.6.7) અનિરુક્તં પ્રાતઃસવનં વાજવન્ માધ્યન્દિનં સવનં ચિત્રવત્ તૃતીયસવનમ્
(પ્બ્ 18.6.8) યદ્ અનિરુક્તં પ્રાતઃસવનં ભવત્ય્ અનિરુક્તો વૈ પ્રજાપતિઃ પ્રજાપતિમ્ એવાપ્નોતિ યદ્ વાજવન્ માધ્યન્દિનં સવનં અન્નં વૈ વાજો ઽન્નાદ્યસ્યાવરુધ્યૈ યચ્ ચિત્રવત્ તૃતીયસવનં સ્વર્ગસ્ય લોકસ્ય સમષ્ટ્યૈ
(પ્બ્ 18.6.9) વિયોનિર્ વાજપેય ઇત્ય્ આહુઃ પ્રાજાપત્યઃ સન્ નિરુક્તસામેતિ યદ્ અનિરુક્તં પ્રાતઃસવનં તેન સયોનિઃ
(પ્બ્ 18.6.10) રથન્તરં સામ ભવત્ય્ આશીય ઉજ્ઝિત્યૈ
(પ્બ્ 18.6.11) ઇયં વૈ રથન્તરમ્ અસ્યામ્ એવાધ્ય્ અભિષિચ્યતે
(પ્બ્ 18.6.12) તસ્માદ્ વાજપેયયાજ્ય્ અપ્રત્યવરોહી
(પ્બ્ 18.6.13) અસ્યાં હિ સો ઽધ્ય્ અભિષિચ્યતે
(પ્બ્ 18.6.14) અભીવર્તો બ્રહ્મસામ ભવતિ બ્રહ્મણો વા એષ ઋષભ ઋષભતામ્ એવૈનં ગમયતિ
(પ્બ્ 18.6.15) યજ્ઞાયજ્ઞીયમ્ અનુષ્ટુભિ ભવતિ વાગ્ અનુષ્ટુપ્ વાચો રસો યજ્ઞાયજ્ઞીયં વાચ્ય્ એવાસ્ય રસં દધાતિ
(પ્બ્ 18.6.16) વારવન્તીયમ્ અગ્નિષ્ટોમસામ ભવતીન્દ્રિયસ્ય વીર્યસ્ય પરિગૃહીત્યૈ
(પ્બ્ 18.6.17) ઉદ્વંશીયમ્ ઉક્થાનામ્ અન્તતો ભવતિ સર્વેષાં વા એતત્ પૃષ્ઠાનાં રૂપં સર્વેષ્વ્ એવ રૂપેષુ પ્રતિતિષ્ઠતિ
(પ્બ્ 18.6.18) ગૌરીવિતં ષોડશિસામ ભવતિ

(પ્બ્ 18.6.19) અતિરિક્તં ગૌરીવિતમ્ અતિરિક્તઃ ષોડશ્ય્ અતિરિક્ત એવાતિરિક્તં દધાતિ
(પ્બ્ 18.6.20) તદ્ આહુર્ જામિ વા એતદ્ યજ્ઞે ક્રિયતે યદ્ ઉદ્વંશીયાદ્ ગૌરીવિતેન સ્તુવતે સ્વારાત્ સ્વારેણેતિ
(પ્બ્ 18.6.21) ન જામ્ય્ અસ્તિ સવનં સંતિષ્ઠતે
(પ્બ્ 18.6.22) ઉક્થં શસ્યતે વષટ્કારો ઽન્તરા તેનાજામિ
(પ્બ્ 18.6.23) અપચ્છિદ્ ઇવ વા એતદ્ યજ્ઞકાણ્ડં યત્ ષોડશી તેનાજામિ
(પ્બ્ 18.6.24) યજ્ઞારણ્યે સંતિષ્ઠત ઇત્ય્ આહુર્ અત્ય્ ઉક્થાન્ય્ એત્ય્ અતિ ષોડશિનં ન રાત્રિં પ્રાપ્નોતીતિ
(પ્બ્ 18.6.25) વિષ્ણોઃ શિપિવિષ્ટવતીષુ બૃહદ્ ઉત્તમં ભવતિ
(પ્બ્ 18.6.26) એષા વૈ પ્રજાપતેઃ પશુષ્ઠા તનૂર્ યચ્ છિપિવિષ્ટઃ પ્રાણો વૈ બૃહત્ પ્રાણ એવ પશુષુ પ્રતિતિષ્ઠતિ
(પ્બ્ 18.6.27) બૃહતા સ્તુવન્તિ બૃહદ્ અમું લોકમ્ આપ્તુમ્ અર્હતિ તમ્ એવાપ્નોતિ
(પ્બ્ 18.7.1) પ્રજાપતિર્ અકામયત વાજમ્ આપ્નુયાં સ્વર્ગં લોકમ્ ઇતિ સ એતં વાજપેયમ્ અપશ્યદ્ વાજપેયો વા એષ વાજમ્ એવૈતેન સ્વર્ગં લોકમ્ આપ્નોતિ
(પ્બ્ 18.7.2) શુક્રવત્યો જ્યોતિષ્મત્યઃ પ્રાતઃસવને ભવન્તિ તેજો બ્રહ્મવર્ચસં તાભિર્ અવરુન્ધે
(પ્બ્ 18.7.3) વાજવત્યો માધ્યન્દિને ભવન્તિ સ્વર્ગસ્ય લોકસ્ય સમષ્ટ્યૈ
(પ્બ્ 18.7.4) અન્નવત્યો ગણવત્યઃ પશુમત્યસ્ તૃતીયસવને ભવન્તિ ભૂમાનં તાભિર્ અવરુનધે
(પ્બ્ 18.7.5) સર્વઃ સપ્તદશો ભવતિ પ્રજાપતિર્ વૈ સપ્તદશઃ પ્રજાપતિમ્ એવાપ્નોતિ
(પ્બ્ 18.7.6) હિરણ્યસ્રજ ઋત્વિજો ભવન્તિ મહસ એવ તદ્ રૂપં ક્રિયતે
(પ્બ્ 18.7.7) એષ મે ઽમુષ્મિન્ લોકે પ્રકાશો ઽસદ્ ઇતિ
(પ્બ્ 18.7.8) જ્યોતિર્ વૈ હિરણ્યં જ્યોતિર્ એવાસ્મિન્ દધાતિ
(પ્બ્ 18.7.9) આજિં ધાવન્તિ યજમાનમ્ ઉજ્જાપયન્તિ સ્વર્ગમ્ એવૈનં તલ્ લોકમ્ ઉજ્જાપયન્તિ
(પ્બ્ 18.7.10) નાકં રોહતિ સ્વર્ગમ્ એવ તલ્ લોકં રોહતિ
(પ્બ્ 18.7.11) સરજસે રોહતિ મનુષ્યલોકાદ્ એવૈનમ્ અન્તર્ દધાતિ
(પ્બ્ 18.7.12) વાજિનાં સામ બ્રહ્મા રથચક્રે ઽભિગાયતિ વાજો વૈ સ્વર્ગો લોકઃ સ્વર્ગમ્ એવૈનં તલ્ લોકમ્ ઉજ્જાપયતિ
(પ્બ્ 18.7.13) વિષ્ણોઃ શિપિવિષ્ટવતીષુ બૃહદુત્તમં ભવતિ સ્વર્ગમ્ એવ તલ્ લોકં રૂઢ્વા બ્રધ્નસ્ય વિષ્ટપમ્ અભ્યતિક્રામતિ
(પ્બ્ 18.8.1) અગ્નિષ્ટોમં પ્રથમમ્ આહરતિ યજ્ઞમુખં વા અગ્નિષ્ટોમો યજ્ઞમુખમ્ એવારભ્ય સવમાક્રમતે
(પ્બ્ 18.8.2) અથૈષો ઽભિષેચનીયઃ
(પ્બ્ 18.8.3) તસ્ય દ્વાત્રિંશાઃ પવમાના દ્વાત્રિંશદક્ષરા ઽનુષ્ટુબ્ વાગ્ અનુષ્ટુબ્ યાવતી વાક્ તયૈવ સૂયતે
(પ્બ્ 18.8.4) સંશર ઇવ વા એષ છન્દસાં યદ્ વિષમા સ્તોમા અયથાપૂર્વમ્ ઇતિ
(પ્બ્ 18.8.5) યત્ સમાઃ પવમાનાસ્ તેનાસંશરસ્ તેન યથાપૂર્વમ્
(પ્બ્ 18.8.6) આત્મના વા અગ્નિષ્ટોમેનર્ધ્નોત્ય્ આત્મના પુણ્યો ભવત્ય્ અથ યદ્ ઉક્થાનિ પશવો વા ઉક્થાનિ વિડ્ ઉક્થાનિ યદ્ ઉક્થાનિ ભવન્ત્ય્ અનુસન્તત્યા એવ
(પ્બ્ 18.8.7) ઽઽવાયો શુક્રો અયામિતઽઽ ઇતિ વાયવ્યા પ્રતિપદ્ ભવતિ વાગ્ વૈ વાયુર્ વાચમ્ એવાસ્ય યજ્ઞમુખે યુનક્તિ તયાભિષિચ્યતે સર્વસ્યા એવ વાચઃ સૂયતે સર્વા એનં વાચો રાજેતિ વદન્તિ
(પ્બ્ 18.8.8) સંભાર્યા ભવન્તિ પૃષ્ઠાન્ય્ એવ તાભિર્ યુનક્તિ યન્ નાનાદેવત્યાસ્ તેન યુનક્તિ વીર્યં વૈ પૃષ્ઠાનિ વીર્ય એવાધ્ય્ અભિષિચ્યતે
(પ્બ્ 18.8.9) યન્તિ વા એતે યજ્ઞમુખાદ્ ઇત્ય્ આહુર્ યે સંભાર્યાઃ કુર્વત ઇતિ
(પ્બ્ 18.8.10) યત્ ઽઽપવસ્ય વાચો અગ્રિયઽઽ ઇતિ તેન યજ્ઞમુખાન્ ન યન્તિ
(પ્બ્ 18.8.11) ઽઽદવિદ્યુતત્યા રુચા-ઽઽ ઇતિ છન્દસાં રૂપં છન્દાંસ્ય્ એવાસ્ય યજ્ઞમુખે યુનક્તિ તૈર્ અભિષિચ્યતે
(પ્બ્ 18.8.12) ઽઽએતમ્ ઉ ત્યં દશ ક્ષિપઽઽ ઇત્ય્ આદિત્યા આદિત્યા વા ઇમાઃ પ્રજાસ્ તાસામ્ એવ મધ્યતઃ સૂયતે
(પ્બ્ 18.8.13) ઽઽપવસ્વેન્દો વૃષા સુતઽઽ વૃષણ્વત્યો ભવન્તિ ત્રિષ્ટુભો રૂપં વીર્યં વૈ ત્રિષ્ટુપ્ વીર્ય એવાધ્ય્ અભિષિચ્યતે
(પ્બ્ 18.8.14) ઽઽઉત્તે શુષ્માસ ઈરતઽઽ ઇત્ય્ ઉદ્વત્યો ભવન્ત્ય્ ઉદ્વદ્ વા અનુષ્ટુભો રૂપમ્ આનુષ્ટુભો રાજન્યસ્ તસ્માદ્ ઉદ્વત્યો ભવન્તિ
(પ્બ્ 18.8.15) ઽઽપવમાનસ્ય તે કવઽઽ ઇતિ પ્રાણાનાં કૢપ્ત્યૈ
(પ્બ્ 18.8.16) ઽઽઅધ ક્ષપા પરિષ્કૃતઽઽ ઇત્ય્ અનુષ્ટુપ્ પ્રથમાનુષ્ટુબ્ ઉત્તમા વાગ્ વા અનુષ્ટુબ્ વાચૈવ પ્રયન્તિ વાચમ્ અભ્યુદ્યન્તિ
(પ્બ્ 18.8.17) છિન્નમ્ ઇવ વા એતદ્ યદ્ એકર્ચા યદ્ એતાવાનુષ્ટુભૌ તૃચાવ્ અભિતો ભવતો બહવઃ પુરએતારો ભવન્તિ બહવઃ પશ્ચાપિનઃ
(પ્બ્ 18.8.18) સૌર્યાનુષ્ટુબ્ ઉત્તમા ભવતિ સ્વર્ગસ્ય લોકસ્ય સમષ્ટ્યૈ

(પ્બ્ 18.9.1) વરુણસ્ય વૈ સુષુવાણસ્ય ભર્ગો ઽપાક્રામત્ સ ત્રેધાપતદ્ ભૃગુસ્ તૃતીયમ્ અભવચ્ છ્રાયન્તીયં તૃતીયમ્ અપસ્ તૃતીયં પ્રાવિશત્
(પ્બ્ 18.9.2) યદ્ ભાર્ગવો હોતા ભવતિ તેનૈવ તદ્ ઇન્દ્રિયં વીર્યમ્ આપ્ત્વાવરુન્ધે યત્ શ્રાયન્તીયં બ્રહ્મસામ ભવતિ તેનૈવ તદ્ ઇન્દ્રિયં વીર્યમ્ આપ્ત્વારુન્ધે યત્ પુષ્કરસ્રજં પ્રતિમુઞ્ચતે તેનૈવ તદ્ ઇન્દ્રિયં વીર્યમ્ આપ્ત્વાવરુન્ધે
(પ્બ્ 18.9.3) દશમી ભવતિ
(પ્બ્ 18.9.4) દશ ચમસા દશ ચમસાધ્વર્યવો દશ દશ ચમસમ્ અભિયન્ત્ય્ આ દશમાત્ પુરુષાદ્ અન્વાખ્યાય પ્રસર્પન્તિ દશ સમૃદ્ધો હ્ય્ એષ યજ્ઞ એનં વાવ તે તદ્ યજ્ઞમ્ અન્વૈચ્છન્ ય એતેન યજત એતદ્ એવેન્દ્રિયં વીર્યમ્ આત્ત્વાસ્મિન્ દધાતિ
(પ્બ્ 18.9.5) સર્વઃ સપ્તદશો ભવતિ દ્વાદશ માસાઃ પઞ્ચર્તવઃ સ વૈ સંવત્સરઃ સંવત્સરાદ્ એવેન્દ્રિયં વીર્યમ્ આપ્ત્વાવરુન્ધે
(પ્બ્ 18.9.6) ઇન્દ્રો વૃત્રમ્ અહંસ્ તસ્યેયં ચિત્રાણ્ય્ ઉપૈદ્ રૂપાણ્ય્ અસૌ નક્ષત્રાણામ્ અવકાશેન પુણ્ડરીકં જાયતે યત્ પુષ્કરસ્રજં પ્રતિમુઞ્ચતે વૃત્રસ્યૈવ તદ્ રૂપં ક્ષત્રં પ્રતિમુઞ્ચતે
(પ્બ્ 18.9.7) દ્વાદશ પુષ્કરા ભવન્તિ દ્વાદશ માસાઃ સંવત્સરઃ સંવત્સરે ઽન્તર્ ભૂતં ચ ભવ્યં ચ ભૂતેન ચૈવૈનં ભવ્યેન ચ સમર્ધયતિ
(પ્બ્ 18.9.8) સ્રગ્ ઉદ્ગાતુસ્ સૌર્ય ઉદ્ગાતા ન વૈ તસ્મૈ વ્યૌચ્છદ્ અથો વ્ય્ એવાસ્મૈ વાસયતિ
(પ્બ્ 18.9.9) રુક્મો હોતુર્ આગ્નેયો હોતાથો અમુમ્ એવાસ્મા આદિત્યમ્ ઉન્નયતિ
(પ્બ્ 18.9.10) પ્રાકાશાવ્ અધ્વર્યોર્ યાવ્ ઇવ હ્ય્ અધ્વર્યૂ અથો ચક્ષુષી એવાસ્મિન્ દધાતિ
(પ્બ્ 18.9.11) અશ્વઃ પ્રસ્તોતુઃ પ્રાજાપત્યો ઽશ્વઃ પ્રાજાપત્યઃ પ્રસ્તોતાથો પ્રેવ હ્ય્ અશ્વઃ પ્રોથતિ પ્રેવ પ્રસ્તોતા સ્તૌતિ
(પ્બ્ 18.9.12) ધેનુઃ પ્રતિહર્તુઃ પય એવાસ્મિન્ દધાતિ
(પ્બ્ 18.9.13) વશા મૈત્રાવરુણસ્ય વશં મા નયાદ્ ઇતિ
(પ્બ્ 18.9.14) ઋષભો બ્રાહ્મણાચ્છંસિનો વીર્યં વા ઋષભો વીર્યમ્ એવાસ્મિન્ દધાતિ
(પ્બ્ 18.9.15) વાસઃ પોતુઃ પવિત્રત્વાય
(પ્બ્ 18.9.16) વરાસી નેષ્ટુર્ અનુલમ્બેવ હ્ય્ એષા હોત્રા
(પ્બ્ 18.9.17) સ્થૂરિ યવાચિતમ્ અચ્છાવાકસ્ય સ્થૂરિર્ ઇવ હ્ય્ એષા હોત્રાથો નિર્વરુણત્વાયૈવ યવા ન વૈ તર્હિ યદ્ અસ્યાં દક્ષિણા અભ્ય્ અભવન્ન્ અથો અસ્ય ત એવ તેનાભીષ્ટાઃ પ્રીતા ભવન્તિ
(પ્બ્ 18.9.18) અનડ્વાન્ અગ્નીધો યુક્ત્યૈ
(પ્બ્ 18.9.19) અજઃ સુબ્રહ્મણ્યાયૈ
(પ્બ્ 18.9.20) વત્સતર્ય્ ઉન્નેતુઃ સાણ્ડસ્ ત્રિવત્સો ગ્રાવસ્તુતો મિથુનત્વાય
(પ્બ્ 18.9.21) દ્વાદશ પષ્ઠૌહ્યો ગર્ભિણ્યો બ્રહ્મણો દ્વાદશ માસાઃ સંવત્સરઃ સંવત્સર એવ પ્રતિતિષ્ઠત્ય્ અથ યદ્ ગર્ભિણ્યો વાગ્ વૈ ધેનુર્ મન્ત્રો ગર્ભો વાચ્ય્ એવાસ્ય મન્ત્રં દધાત્ય્ આમન્ત્રણીયો ભવત્ય્ અથ યદ્ ધેનુભવ્યા દ્વાદશ પયાંસિ તાન્ય્ એવાસ્મિન્ દધાતિ તસ્માદ્ આહુઃ પયસ્વી રાજા પુણ્ય ઇતિ
(પ્બ્ 18.10.1) યો વૈ સવાદ્ એતિ નૈનં સવ ઉપનમત્ય્ અથ યઃ સામભ્ય એતિ પાપીયાન્ સુષુવાણો ભવતિ
(પ્બ્ 18.10.2) સંભાર્યા ભવન્તિ પૃષ્ઠાન્ય્ એવ તાભિર્ યુનક્તિ
(પ્બ્ 18.10.3) એતાનિ વાવ સામાનિ યત્ પૃષ્ઠાનિ
(પ્બ્ 18.10.4) યત્ સંભાર્યા ભવન્તિ તદ્ એવ સામભ્યો નૈતિ
(પ્બ્ 18.10.5) યાનિ દેવરાજ્ઞાં સામાનિ તૈર્ અમુષ્મિન્ લોક ઋધ્નોતિ યાનિ મનુષ્યરાજ્ઞાં તૈર્ અસ્મિન્ન્ ઉભયોર્ અનયોર્ લોકયોર્ ઋધ્નોતિ દેવલોકે ચ મનુષ્યલોકે ચ
(પ્બ્ 18.10.6) સામત્રિષ્ટુભ્ય્ અધ્ય્ અભિષિચ્યતે વીર્યં વૈ સામ ત્રિષ્ટુપ્ વીર્ય એવાધ્ય્ અભિષિચ્યતે
(પ્બ્ 18.10.7) એકાદશ રાજસામાનિ ભવન્ત્ય્ એકાદશાક્ષરા ત્રિષ્ટુબ્ ઓજો વીર્યં ત્રિષ્ટુબ્ ઓજસ્ય્ એવ વીર્યે ઽધ્ય્ અભિષિચ્યતે
(પ્બ્ 18.10.8) યત્ ત્રિવૃતમ્ અભિષેચનીયે કુર્યુર્ બ્રહ્મ ક્ષત્રાયાપિદધ્યુર્ યત્ ત્રિવૃતમ્ ઉદ્ધરન્તિ બ્રહ્મ તત્ ક્ષત્રાદ્ ઉદ્ધરન્તિ તસ્માદ્ ભરતાં પ્રતિદણ્ડા બ્રહ્મણા ન હિ તે ત્રિવૃતમ્ અભિષેચનીયે કુર્વન્તિ
(પ્બ્ 18.10.9) એકવિંશો ઽભિષેચનીયસ્યોત્તમઃ સપ્તદશો દશપેય એકવિંશઃ કેશવપનીયસ્ય પ્રથમઃ ક્ષત્રં વા એકવિંશો વિટ્ સપ્તદશઃ ક્ષત્રેણૈવાસ્મૈ વિશમ્ ઉભયતઃ પરિગૃહ્ણાત્ય્ અનપક્રામુકાસ્માદ્ વિટ્ ભવતિ
(પ્બ્ 18.10.10) યદ્ વૈ રાજસૂયેનાભિષિચ્યતે તત્ સ્વર્ગં લોકમ્ આરોહતિ સ યદ્ ઇમં લોકં નોપાવરોહેદ્ અતિ જનં વા ગચ્છેદ્ ઉદ્ વા માદ્યેદ્ યદ્ એષો ઽર્વાચીનસ્તોમઃ કેશવપનીયો ભવત્ય્ અસ્ય લોકસ્યાનુદ્ધાનાય યથા શાખાયાઃ શાખામ્ આલમ્ભમ્ ઉપાવરોહેદ્ એવમ્ એતેનેમં લોકમ્ ઉપાવરોહતિ પ્રતિષ્ઠાયૈ
(પ્બ્ 18.11.1) ઇન્દ્રો વૃત્રમ્ અહન્ સ વિષ્યઙ્વીર્યેણ વ્યભ્રંશત સ એતચ્ છ્રાયન્તીયમ્ અપશ્યત્ તેનાત્માનં સમશ્રીણાદ્ ઇન્દ્રિયેણ વા એષ વીર્યેણ વ્યૃધ્યતે યો રાજસૂયેનાભિષિચ્યતે વૃત્રં હિ હન્તિ યચ્ છ્રાયન્તીયં બ્રહ્મસામ ભવતિ પુનર્ એવાત્માનં સંશ્રીણાતિ
(પ્બ્ 18.11.2) યજ્ઞાયજ્ઞીયમ્ અનુષ્ટુભિ ભવતિ વાચા વા એષ વ્યૃધ્યતે યો રાજસૂયેનાભિષિચ્યતે વૃત્રં હિ હન્તિ વાગ્ અનુષ્ટુબ્ વાચો રસો યજ્ઞાયજ્ઞીયં વાચ્ય્ એવાસ્ય રસં દધાતિ
(પ્બ્ 18.11.3) વારવન્તીયમ્ અગ્નિષ્ટોમસામ ભવતીન્દ્રિયેણ વા એષ વીર્યેણ વ્યૃધ્યતે યો રાજસૂયેનાભિષિચ્યતે વૃત્રં હિ હન્તિ યદ્ વારવન્તીયમ્ અગ્નિષ્ટોમસામ ભવતીન્દ્રિયસ્ય વીર્યસ્ય પરિગૃહીત્યૈ
(પ્બ્ 18.11.4) અશ્રયન્ વાવ શ્રાયન્તીયેનાવારયન્ત વારવન્તીયેનેન્દ્રિયસ્ય વા એષા વીર્યસ્ય પરિગૃહીતિઃ
(પ્બ્ 18.11.5) અપ્રતિષ્ઠિતો વા એષ યો રાજસૂયેનાભિષિચ્યતે યદા વા એતેન દ્વિરાત્રેણ યજતે ઽથૈવ પ્રતિષ્ઠા
(પ્બ્ 18.11.6) યાવન્તિ સંવત્સરસ્યાહોરાત્રાણિ તાવત્ય એતાઃ સ્તોત્રીયાઃ સંવત્સર એવ પ્રતિતિષ્ઠતિ
(પ્બ્ 18.11.7) અગ્નિષ્ટોમઃ પૂર્વમ્ અહર્ અતિરાત્ર ઉત્તરં નાનૈવાહોરાત્રયોઃ પ્રતિતિષ્ઠતિ
(પ્બ્ 18.11.8) અમાવાસ્યાયાં પૂર્વમ્ અહર્ ઉદ્રિષ્ટ [એમ્. ચલન્દ્: ઉદ્દૃષ્ટ] ઉત્તરં નાનૈવાર્ધમાસયોઃ પ્રતિતિષ્ઠતિ પૌર્ણમાસ્યાં પૂર્વમ્ અહર્ વ્યષ્ટકાયામ્ ઉત્તરં નાનૈવ માસોઃ પ્રતિતિષ્ઠતિ તદ્ આહુર્ ય એવ સમાનપક્ષે પુણ્યાહની સ્યાતાં તયોર્ એવ કાર્યં સમૃધ્યૈ
(પ્બ્ 18.11.9) અપશવ્યો દ્વિરાત્ર ઇત્ય્ આહુર્ દ્વે હ્ય્ એતે છન્દસી ગાયત્રં ચ ત્રૈષ્ટુભં ચ જગતીમ્ અન્તર્યન્તીતિ ન તેન જગતી કૃતા યત્ તૃતીયસવને ક્રિયતે

(પ્બ્ 18.11.10) યદા વા એષાહીનસ્યાહર્ ભજતે સાહ્વસ્ય વા સવનમ્ અથૈવ જગતી કૃતા ત્રૈશોકમ્ ઉત્તરસ્યાહ્નો બ્રહ્મસામ ભવતિ વૈખાનસમ્ અચ્છાવાકસામ યચ્ છુક્રિયે સવને ક્રિયેતે તેનૈવ જગતી કૃતા તેન પશવ્યઃ
(પ્બ્ 18.11.11) વ્યુષ્ટિર્ વા એષ દ્વિરાત્રો વ્ય્ એવાસ્મૈ વાસયતિ
(પ્બ્ 19.1.1) અથૈષ રાટ્
(પ્બ્ 19.1.2) યો રાજ્ય આશંસમાનો રાજ્યં ન પ્રાપ્નુયાત્ સ એતેન યજેત રાજૈવૈનં રાજાનં કરોતિ તં તુ વૈરાજેતિ વદેયુર્ યં રાજા રાજાનં કુર્યાદ્ રાજૈવૈનં રાજાનં કરોતિ
(પ્બ્ 19.1.3) છન્દો ઽન્યે યજ્ઞાઃ સંપદ્યન્તે સ્તોમમ્ એષ વીર્યં વૈ સ્તોમો વીર્ય એવાધ્ય્ અભિષિચ્યતે
(પ્બ્ 19.1.4) અષ્ટાવ્ એકવિંશાઃ સંસ્તુતો ભવત્ય્ અષ્ટૌ વૈ વીરા રાષ્ટ્રં સમુદ્યચ્છન્તિ રાજભ્રાતા ચ રાજપુત્રશ્ ચ પુરોહિતશ્ ચ મહિષી ચ સૂતશ્ ચ ગ્રામણી ચ ક્ષત્તા ચ સંગ્રહીતા ચૈતે વૈ વીરા રાષ્ટ્રં સમુદ્યચ્છન્ત્ય્ એતેષ્વ્ એવાધ્ય્ અભિષિચ્યતે
(પ્બ્ 19.1.5) ક્ષત્રં વા એકવિંશઃ પ્રતિષ્ઠા ક્ષત્રસ્યેવાસ્ય પ્રકાશો ભવતિ પ્રતિતિષ્ઠતિ ય એવં વેદ
(પ્બ્ 19.2.1) અથૈષ વિરાડ્ અન્નાદ્યકામો યજેત
(પ્બ્ 19.2.2) પરોક્ષમ્ અન્યે યજ્ઞા વિરાજં સંપદ્યન્તે પ્રત્યક્ષમ્ એષ વિરાજં સંપન્નઃ
(પ્બ્ 19.2.3) પ્રત્યક્ષમ્ એતેનાન્નાદ્યમ્ અવરુન્ધે ઽન્નાદો ભવતિ ય એવં વેદ
(પ્બ્ 19.2.4) સર્વો દશદશી ભવતિ દશાક્ષરા વિરાડ્ વૈરાજમ્ અન્નમ્ અન્નાદ્યસ્યાવરુધ્યૈ
(પ્બ્ 19.2.5) તા ઉ પઞ્ચ પઞ્ચ ભવન્તિ પાઙ્ક્તો યજ્ઞઃ પાઙ્ક્તા પશવો યજ્ઞ એવ પશુષુ પ્રતિતિષ્ઠતિ
(પ્બ્ 19.2.6) એતેનૈવ પ્રતિષ્ઠાકામો યજેત દશભિર્ વા ઇદં પુરુષઃ પ્રતિષ્ઠિતો ઽસ્યામ્ એવ પ્રતિતિષ્ઠતિ
(પ્બ્ 19.3.1) અથૈષ ઔપશદઃ
(પ્બ્ 19.3.2) ગન્ધર્વાપ્સરસાં સ્તોમઃ પ્રજાકામો યજેત ગન્ધર્વાપ્સરસો વૈ મનુષ્યસ્ય પ્રજાયા વાપ્રજસ્તાયા વેશતે તેષામ્ અત્ર સોમપીથસ્ તાન્ સ્વેન ભાગધેયેન પ્રીણાતિ તે ઽસ્મૈ તૃપ્તાઃ પ્રીતાઃ પ્રજાં પ્રયચ્છન્તિ
(પ્બ્ 19.3.3) એકૈકા સ્તોત્રીયોપજાયતે પ્રજામ્ એવાસ્મા ઉપજનયતિ
(પ્બ્ 19.3.4) કકુભં પ્રાચીમ્ ઉદૂહતિ પુરુષો વૈ કકુબ્ ગર્ભ એવ સ મધ્યતો ધીયતે
(પ્બ્ 19.3.5) અથ યદ્ એષા દ્વિપદા કકુભો લોકે ક્રિયતે ગર્ભ એવ તદ્ ધિ તં પ્રજનયતિ
(પ્બ્ 19.3.6) ચ્યાવનં ભવતિ પ્રજાતિર્ વૈ ચ્યાવનમ્
(પ્બ્ 19.3.7) પ્રજાયતે બહુર્ ભવતિ ય એવં વેદ
(પ્બ્ 19.3.8) વસિષ્ઠસ્ય જનિત્રે ભવતો વસિષ્ઠો વા એતે પુત્રહતઃ સામની અપશ્યત્ સ પ્રજયા પશુભિઃ પ્રાજાયત યદ્ એતે સામની ભવતઃ પ્રજાત્યૈ
(પ્બ્ 19.3.9) દ્વે સંસ્તુતાનાં વિરાજમ્ અતિરિચ્યેતે દ્વે સ્ત્રિયા ઊને પ્રજનનાય પ્રજનનમ્ એવ તત્ ક્રિયતે પ્રજાત્યૈ
(પ્બ્ 19.4.1) અથૈષ પુનઃસ્તોમઃ
(પ્બ્ 19.4.2) યો બહુ પ્રતિગૃહ્ય ગરગીર્ ઇવ મન્યેત સ એતેન યજેત
(પ્બ્ 19.4.3) યૈકાદશી યદ્ એવ પૂર્વવયસે બહુ પ્રતિગૃહ્ણાતિ યદ્ ગરં ગિરતિ યદ્ અનન્નમ્ અત્તિ પ્રાતઃસવનાય તન્ નિહરતિ
(પ્બ્ 19.4.4) અથ યા દ્વાદશી યદ્ એવોત્તરવયસે બહુ પ્રતિગૃહ્ણતિ યદ્ ગરં ગિરતિ યદ્ અનન્નમ્ અત્તિ તૃતીયસવનાય તન્ નિહરતિ
(પ્બ્ 19.4.5) વૈરાજો વૈ પુરુષઃ સ મધ્યતો ઽશુદ્ધો મધ્યત એવૈનં પાપ્મનો મુઞ્ચતિ
(પ્બ્ 19.4.6) શુદ્ધાશુદ્ધીયે ભવતઃ
(પ્બ્ 19.4.7) ઇન્દ્રો યતીન્ સાલાવૃકેયેભ્યઃ પ્રાયચ્છત્ તમ્ અશ્લીલા વાગ્ અભ્યવદત્ સો ઽશુદ્ધો ઽમન્યત સ એતે શુદ્ધાશુદ્ધીયે અપશ્યત્ તાભ્યામ્ અશુધ્યત્
(પ્બ્ 19.4.8) યદ્ એવ બહુ પ્રતિગૃહ્ણાતિ યદ્ ગરં ગિરતિ યદ્ અનન્નમ્ અત્તિ યદ્ અશુદ્ધો મન્યતે તદ્ એતાભ્યાં શુધ્યતિ
(પ્બ્ 19.4.9) ગૌષૂક્તં ચાશ્વસૂક્તં ચ ભવતઃ
(પ્બ્ 19.4.10) ગૌષૂક્તિશ્ ચાશ્વસૂક્તિશ્ ચ બહુ પ્રતિગૃહ્ય ગરગિરાવ્ અમન્યેતાં તાવ્ એતે સામની અપશ્યતાં તાભ્યાં ગરં નિરઘ્નાતામ્
(પ્બ્ 19.4.11) યદ્ એવ બહુ પ્રતિગૃહ્ણાતિ યદ્ ગરં ગિરતિ યદ્ અનન્નમ્ અત્તિ તદ્ એતાભ્યાં નિર્હતે
(પ્બ્ 19.4.12) પઞ્ચદશ સ્તોત્રાણિ ભવન્ત્ય્ ઓજો વીર્યં પઞ્ચદશઃ પાપ્મન એવૈનં મુક્ત્વૌજસા વીર્યેણ સમર્ધયતિ
(પ્બ્ 19.5.1) અથૈષ ચતુષ્ટોમઃ
(પ્બ્ 19.5.2) પશુકામો યજેત
(પ્બ્ 19.5.3) યચ્ ચતસૃભિર્ બહિષ્પવમાનં ભવતિ ચતુષ્પાદાઃ પશવઃ પશૂન્ એવાવરુન્ધે
(પ્બ્ 19.5.4) યદ્ અષ્ટાભિર્ આજ્યાન્ય્ અષ્ટાશફાઃ પશવઃ શફશસ્ તત્ પશૂન્ આપ્નોતિ
(પ્બ્ 19.5.5) યત્ દ્વાદશો માધ્યન્દિનઃ પવમાનો દ્વાદશ માસાઃ સંવત્સરઃ સંવત્સરં પશવો ઽનુ પ્રજાયન્તે તાન્ એવાવરુન્ધે
(પ્બ્ 19.5.6) યત્ ષોડશાનિ પૃષ્ઠાનિ ષોડશ કલાઃ પશવઃ કલાશસ્ તત્ પશૂન્ આપ્નોતિ

(પ્બ્ 19.5.7) યદ્ વિંશ આર્ભવઃ પાઙ્ક્તત્વમ્ એષાં તદ્ આપ્નોતિ
(પ્બ્ 19.5.8) યચ્ ચતુર્વિંશો ઽગ્નિષ્ટોમશ્ ચતુર્વિંશત્યક્ષરા ગાયત્રી તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે
(પ્બ્ 19.5.9) પ્રાણો ગાયત્રી પ્રજનનં પ્રાણાદ્ એવ ગાયત્ર્યાઃ પ્રજાયતે
(પ્બ્ 19.5.10) એકં સામ બહૂનિ છન્દાંસિ તસ્માદ્ એકો બહૂન્ પોષાન્ પુષ્યતિ
(પ્બ્ 19.5.11) આત્મા વા અગ્નિષ્ટોમઃ પશવશ્ છન્દાંસ્ય્ આત્મન્ય્ એવ તત્ પશૂન્ પ્રતિષ્ઠાપયતિ નોક્થો નાગ્નિષ્ટોમો ન હિ ગ્રામ્યાઃ પશવો નારણ્યાઃ
(પ્બ્ 19.6.1) અથ યસ્ય ચત્વારિ સ્તોત્રાણિ ચતસૃભિશ્ ચત્વાર્ય્ અષ્ટાભિશ્ ચત્વારિ દ્વાદશભિશ્ ચત્વારિ ષોડશભિઃ સ ગાં નાતિવદતિ
(પ્બ્ 19.6.2) ષોડશકલાઃ પશવઃ કલાશસ્ તત્ પશૂન્ [ક્સ્સ્ & બિ: પ્રશૂન્] આપ્નોતિ
(પ્બ્ 19.6.3) ઉક્થ્યઃ ષોડશિમાન્ ભવતિ પશવો વા ઉક્થાનિ વજ્રઃ ષોડશી વજ્રેણૈવાસ્મૈ પશૂન્ પરિગૃહ્ણાત્ય્ અનપક્રામુકા અસ્માત્ પશવો ભવન્તિ નોક્થો નાતિરાત્રો ન હિ ગ્રામ્યાઃ પશવો નારણ્યાઃ
(પ્બ્ 19.7.1) અસુરાણાં વૈ બલસ્ તમસા પ્રાવૃતો ઽશ્માપિધાનશ્ ચાસીત્ તસ્મિન્ ગવ્યં વસ્વ્ અન્તર્ આસીત્ તં દેવા નાશક્નુવન્ ભેત્તું તે બૃહસ્પતિમ્ અબ્રુવન્ન્ ઇમાન્ ન ઉત્સૃજેતિ સ ઉદ્ભિદૈવ બલં વ્યચ્યાવયદ્ બલભિદાભિનત્ તાન્ ઉત્સેધેનૈવોદસૃજન્ નિષેધેન પર્યગૃહ્ણાત્
(પ્બ્ 19.7.2) પશુકામો યજેત
(પ્બ્ 19.7.3) યદ્ ઉદ્ભિદા યજેત બલમ્ એવસ્મૈ વિચ્યાવયતિ યદ્ બલભિદા બલમ્ એવાસ્મૈ ભિનત્તિ
(પ્બ્ 19.7.4) ઉત્સેધનિષેધૌ બ્રહ્મસામની ભવત ઉત્સેધેનૈવાસ્મૈ પશૂન્ ઉત્સિધ્ય નિષેધેન પરિગૃહ્ણાતિ
(પ્બ્ 19.7.5) ઽઽયજ્ઞ ઇન્દ્રમ્ અવર્ધયદ્ઽઽ ઇતિ બ્રહ્મણ આજ્યં રૂપેણ સમૃદ્ધમ્
(પ્બ્ 19.7.6) સપ્તિસપ્તદશૌ ભવતો યત્ સપ્તભિઃ સ્તુવન્તિ સપ્ત ગ્રામ્યાઃ પશવઃ પશૂન્ એવાવરૂન્ધે સપ્તપદા શક્વરી પશવઃ શક્વરી પશૂન્ એવાવરૂન્ધે ઽથ યત્ સપ્તદશભિઃ પ્રજાપતિર્ વૈ સપ્તદશઃ પ્રજાપતિમ્ એવાપ્નોતિ
(પ્બ્ 19.7.7) ગાયત્રીં સંપદ્યતે તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે પ્રાણો ગાયત્રી પ્રજનનં પ્રાણાદ્ એવ ગાયત્ર્યાઃ પ્રજાયતે
(પ્બ્ 19.8.1) અથૈષો ઽપચિતિર્ અપચિતિકામો યજેતાપચિત્યૈવાસ્મા અપચિતિં વિન્દતિ
(પ્બ્ 19.8.2) તસ્ય ચતુર્વિંશૌ પવમાનૌ ચતુર્વિંશત્યક્ષરા ગાયત્રી તેજો બ્રહ્મવર્ચસં ગાયત્રી તેજસૈવાસ્મૈ બ્રહ્મવર્ચસેનાપચિતિં વિન્દતિ
(પ્બ્ 19.8.3) ઉભે બૃહદ્રથન્તરે ભવત ઉભાભ્યામ્ એવાસ્મૈ બૃહદ્રથન્તરાભ્યામ્ અપચિતિં વિન્દતિ
(પ્બ્ 19.8.4) ભર્ગયશસી ભવતો ભર્ગેણૈવાસ્મૈ ભર્ગો દધાતિ યશસા યશઃ
(પ્બ્ 19.8.5) ઉભયે સ્તોમા યુગ્મન્તશ્ ચાયુજશ્ ચોભયૈર્ એવાસ્મૈ સ્તોમૈર્ અપચિતિં વિન્દતિ
(પ્બ્ 19.8.6) તદ્ આહુર્ વિલોમાન સ્તોમા ઈશ્વરા યજમાનં વિક્ષેતોર્ વિ હ્ય્ અતિયન્તીતિ
(પ્બ્ 19.8.7) એકવિંશો ઽગ્નિષ્ટોમો ભવતિ પ્રતિષ્ઠા વા એકવિંશો ઽન્તત એવ યજ્ઞસ્ય પ્રતિતિષ્ઠતિ
(પ્બ્ 19.9.1) અથૈષ સર્વસ્તોમો ઽપચિતિર્ અપચિતિકામો યજેત સર્વૈર્ એવાસ્મૈ સ્તોમૈર્ અપચિતિં વિન્દતિ
(પ્બ્ 19.9.2) વિરાજં સંપદ્યત એષ વા અપચિતો યો ઽન્નાદો ઽન્નં વિરાડ્ અન્નાદ્યમ્ એવાસ્મિન્ દધાતિ
(પ્બ્ 19.9.3) ઉભે બૃહદ્રથન્તરે ભવતો ભર્ગયશસી ભવત ઉભયે સ્તોમાશ્ છન્દોમાશ્ ચ પૃષ્ઠ્યાશ્ ચોભયૈર્ એવાસ્મૈ સ્તોમૈર્ અપચિતિં વિન્દતિ
(પ્બ્ 19.9.4) તસ્ય છન્દોમાઃ પૃષ્ઠાનિ પશવો વૈ છન્દોમા અન્નં પૃષ્ઠાન્ય્ અભિપૂર્વમ્ એવાસ્મિન્ન્ અન્નાદ્યં પશૂન્ દધાતિ યચ્ છન્દોમવાંસ્ તેન દ્વાદશાહયાજિનમ્ આપ્નોતિ
(પ્બ્ 19.9.5) તદ્ આહુર્ નાનાલોકાઃ સ્તોમાશ્ છન્દોમાશ્ ચ પૃષ્ઠ્યાશ્ ચ યદ્ એકસ્મિન્ યજ્ઞક્રતૌ સમવરુધ્યન્ત ઈશ્વરો [ચોર્ર્. ચલન્દ્; બિ & ક્સ્સ્ ઈશ્વરા] યજમાનો ઽપ્રતિષ્ઠાતોર્ ઇતિ
(પ્બ્ 19.9.6) એકવિંશો ઽગ્નિષ્ટોમો ભવતિ પ્રતિષ્ઠા વા એકવિંશઃ પ્રતિષ્ઠામ્ એવ તદ્ અભ્યાયન્તિ
(પ્બ્ 19.10.1) પક્ષી વા એષ સ્તોમઃ
(પ્બ્ 19.10.2) પક્ષ્ય્ એષ નિધીયતે
(પ્બ્ 19.10.3) ન વા અપક્ષઃ પક્ષિણમ્ આપ્નોત્ય્ અથ યદ્ એષ પક્ષ્ય્ અપક્ષિણિ નિધીયતે તસ્માત્ પક્ષિણઃ પક્ષૈઃ પતન્તિ
(પ્બ્ 19.10.4) પક્ષી જ્યોતિષ્માન્ પુણ્યાન્ લોકાન્ સંચરતિ ય એવં વેદ
(પ્બ્ 19.10.5) ત્રિવૃતાવ્ અભિતો ભવતસ્ તેજો બ્રહ્મવર્ચસં ત્રિવૃત્ તેજ એવ બ્રહ્મવર્ચસમ્ અવરુન્ધે
(પ્બ્ 19.10.6) અથ પઞ્ચદશૌ વીર્યં વૈ પઞ્ચદશો વીર્યમ્ એવાવરુન્ધે
(પ્બ્ 19.10.7) અથ સપ્તદશૌ પશવો વૈ સપ્તદશઃ પશૂન્ એવાવરુન્ધે
(પ્બ્ 19.10.8) અથૈકવિંશૌ પ્રતિષ્ઠા વા એકવિંશો મધ્યત એવ યજ્ઞસ્ય પ્રતિતિષ્ઠતિ
(પ્બ્ 19.10.9) અથ ત્રિણવાવ્ ઇમે વૈ લોકાસ્ ત્રિણવ એષ્વ્ એવ લોકેષુ પ્રતિતિષ્ઠતિ
(પ્બ્ 19.10.10) અથ ત્રયસ્ત્રિંશો વર્ષ્મ વૈ ત્રયસ્ત્રિંશઃ
(પ્બ્ 19.10.11) વર્ષ્મ સ્વાનાં ભવતિ ય એવં વેદ
(પ્બ્ 19.10.12) એષ વાવ બ્રધ્નસ્ય વિષ્ટપો યદ્ એતૌ ત્રયસ્ત્રિંશૌ મધ્યતઃ સંધીયેતે તેન બ્રધ્નસ્ય વિષ્ટપમ્ આરોહતિ

(પ્બ્ 19.10.13) મધ્યતો વા અગ્નિર્ વરિષ્ઠસ્ તસ્માદ્ એતે સ્તોમા મધ્યતો વરિષ્ઠાઃ ક્રિયન્તે
(પ્બ્ 19.10.14) ત્રિવૃતા પ્રૈતિ ત્રિવૃતોદેતિ પ્રાણો વૈ ત્રિવૃત્ પ્રાણેનૈવ પ્રૈતિ પ્રાણમ્ અભ્યુદેતિ
(પ્બ્ 19.11.1) અથૈષ જ્યોતિઃ
(પ્બ્ 19.11.2) તસ્ય ત્રિવૃદ્ બહિષ્પવમાનં પઞ્ચદશાન્ય્ આજ્યાનિ ચતુર્વિંશો માધ્યન્દિનઃ પવમાનઃ સપ્તદશાનિ પૃષ્ઠાનિ
(પ્બ્ 19.11.3) પ્રાણો વૈ ત્રિવૃદ્ આત્મા પઞ્ચદશઃ
(પ્બ્ 19.11.4) મુખં ગાયત્ર્ય્ અન્નં વૈ સપ્તદશો મુખત એવ તદ્ અન્નં ધત્તે
(પ્બ્ 19.11.5) અન્નમ્ અત્ત્ય્ અન્નાદો ભવતિ ય એવં વેદ
(પ્બ્ 19.11.6) માધ્યન્દિનેન વૈ પવમાનેન દેવાઃ સ્વર્ગં લોકમ્ આયન્ યદ્ એષ ચતુર્વિંશો માધ્યન્દિનઃ પવમાનો ભવતિ સ્વર્ગસ્ય લોકસ્યાક્રાન્ત્યૈ ચતુર્વિંશત્યક્ષરા ગાયત્રી તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે પ્રાણો ગાયત્રી પ્રજનનં પ્રાણાદ્ એવ ગાયત્ર્યાઃ પ્રજાયતે
(પ્બ્ 19.11.7) ઉભયે સ્તોમા યુગ્મન્તશ્ ચાયુજશ્ ચ તન્ મિથુનં તસ્માન્ મિથુનાત્ પ્રજાયતે
(પ્બ્ 19.11.8) પક્ષિ વા એતચ્ છન્દઃ પક્ષી જ્યોતિષ્માન્ પુણ્યાન્ લોકાન્ સંચરતિ ય એવં વેદ
(પ્બ્ 19.11.9) મધ્યતો વા અગ્નિર્ વરિષ્ઠસ્ તસ્માદ્ એતે સ્તોમા મધ્યતો વરિષ્ઠાઃ ક્રિયન્તે
(પ્બ્ 19.11.10) એકા સંસ્તુતાનાં વિરાજમ્ અતિરિચ્યત એકાકિનમ્ એવૈનમ્ અન્નાદ્યસ્યાધ્યક્ષં કરોતિ
(પ્બ્ 19.11.11) જ્યોતિર્ વા એષો ઽગ્નિષ્ટોમો જ્યોતિષ્મન્તં પુણ્યં લોકં જયતિ ય એવં વિદ્વાન્ એતેન યજતે
(પ્બ્ 19.12.1) અથૈષ ઋષભઃ
(પ્બ્ 19.12.2) ઋષભો વા એષ સ્તોમાનામ્ ઋષભતાં ગચ્છતિ ય એવં વેદ
(પ્બ્ 19.12.3) રાજન્યં યાજયેદ્ ઋષભો વૈ પશૂનામ્ અધિપતી રાજન્યો મનુષ્યાણામ્
(પ્બ્ 19.12.4) યો વા અસ્તિ સો ઽધિપતિઃ
(પ્બ્ 19.12.5) અધિપતિઃ સમાનાનાં ભવતિ ય એવં વેદ
(પ્બ્ 19.12.6) તસ્ય સદોવિશીયં માધ્યન્દિને પવમાને ભવતિ વિશમ્ એવાસ્મૈ સવનાભ્યાં પરિગૃહ્ણાત્ય્ અનપક્રામુકાસ્માદ્ વિડ્ ભવતિ
(પ્બ્ 19.12.7) સમન્તં ભવતિ સમન્તામ્ એવાસ્મૈ વિશં કરોત્ય્ અનપક્રામુકાસ્માદ્ વિડ્ ભવતિ
(પ્બ્ 19.12.8) ઉભે બૃહદ્રથન્તરે ભવત ઇયં વૈ રથન્તરં દ્યૌર્ બૃહદેવાસ્માલ્ લોકાદ્ ગાયત્ર્ય્ એવામુષ્માદ્ ઉભયોર્ અનયોર્ લોકયોઃ પ્રતિતિષ્ઠતિ
(પ્બ્ 19.12.9) અનુષ્ટુભિ બૃહદ્ ભવત્ય્ અન્તો વા અનુષ્ટુપ્ છન્દસામ્ અન્તો બૃહત્ સામ્નામ્ અન્તો રાજન્યો મનુષ્યાણામ્ અન્ત એવ તદ્ અન્તં પ્રતિષ્ઠાપયતિ તસ્માદ્ યો રાજન્યાનાં હીયતે ન સ પુનરગ્રં પર્યેતિ
(પ્બ્ 19.13.1) યો વૈ વાજપેયઃ સ રાજસૂયો યો રાજસૂયઃ સ વરૂણસવો ઽથૈષ ગોસવઃ સ્વારાજ્યો વા એષ યજ્ઞઃ
(પ્બ્ 19.13.2) સ્વારાજ્યં ગચ્છતિ ય એવં વેદ
(પ્બ્ 19.13.3) પ્રજાપતિર્ હિ સ્વારાજ્યં પરમેષ્ઠી સ્વારાજ્યમ્
(પ્બ્ 19.13.4) પરમેષ્ઠિતાં ગચ્છતિ ય એવં વેદ
(પ્બ્ 19.13.5) ઉભે બૃહદ્રથન્તરે ભવતસ્ તદ્ ધિ સ્વારાજ્યં સ્વારાજ્યં ગચ્છતિ ય એવં વેદ
(પ્બ્ 19.13.6) અયુતં દક્ષિણાસ્ તદ્ ધિ સ્વારાજ્યં સ્વારાજ્યં ગચ્છતિ ય એવં વેદ
(પ્બ્ 19.13.7) પ્રતિદુહાભિષિચ્યતે તદ્ ધિ સ્વારાજ્યં સ્વારાજ્યં ગચ્છતિ ય એવં વેદ
(પ્બ્ 19.13.8) બૃહતઃ સ્તોત્ર પ્રત્યભિષિચ્યતે તદ્ ધિ સ્વારાજ્યં સ્વારાજ્યં ગચ્છતિ ય એવં વેદ
(પ્બ્ 19.13.9) અનુદ્ધતે દક્ષિણત આહવનીયસ્યાભિષિચ્યતે ઽસ્યામ્ એવાનન્તર્હિતે ઽધ્ય્ અભિષિચ્યતે
(પ્બ્ 19.13.10) સર્વઃ ષટ્ત્રિંશસ્તેન ગોસવઃ
(પ્બ્ 19.14.1) અથૈષ મરુત્સ્તોમ એતેન વૈ મરુતો ઽપરિમિતાં પુષ્ટિમ્ અપુષ્યન્ન્ અપરિમિતાં પુષ્ટિં પુષ્યતિ ય એવં વેદ
(પ્બ્ 19.14.2) યદ્ ગણશઃ સ્તોમાસ્ તેન મરુત્સ્તોમો ગણશો હિ મરુતઃ
(પ્બ્ 19.14.3) એતેનૈવ ત્રીન્ યાજયેત્
(પ્બ્ 19.14.4) યત્ ત્રીણિ ત્રિવૃન્તિ સ્તોત્રાણિ ભવન્તિ નાના બ્રહ્મવર્ચસે પ્રતિતિષ્ઠન્તિ
(પ્બ્ 19.14.5) યત્ ત્રીણિ પઞ્ચદશાનિ નાના વીર્યે
(પ્બ્ 19.14.6) યત્ ત્રીણિ સપ્તદશાનિ નાના પશુષુ
(પ્બ્ 19.14.7) યત્ ત્રીણ્ય્ એકવિંશાનિ નાના પ્રતિતિષ્ઠન્તિ
(પ્બ્ 19.14.8) પ્રતિતિષ્ઠતિ ય એવં વેદ

(પ્બ્ 19.15.1) અથૈષ ઇન્દ્રાગ્ન્યોઃ કુલાયઃ પ્રજાકામો વા પશુકામો વા યજેત પ્રજા વૈ કુલાયં પશવઃ કુલાયં ગૃહાઃ કુલાયં કુલાયમ્ એવ ભવતિ
(પ્બ્ 19.15.2) એતેનૈવ દ્વૌ યાજયેત્
(પ્બ્ 19.15.3) યત્ ષટ્ ત્રિવૃન્તિ સ્તોત્રાણિ ભવન્તિ નાના બ્રહ્મવર્ચસે પ્રતિતિષ્ઠતો યત્ દ્વે પઞ્ચદશે નાના વીર્યે યત્ દ્વે સપ્તદશે નાના પશુષુ યત્ દ્વે એકવિંશે નાના પ્રતિતિષ્ઠતઃ પ્રતિતિષ્ઠતિ ય એવં વેદ
(પ્બ્ 19.16.1) અથૈષ પઞ્ચદશ ઇન્દ્રસ્તોમ ઉક્થ્યઃ
(પ્બ્ 19.16.2) એતેન વા ઇન્દ્રો ઽત્ય્ અન્યા દેવતા અભવદ્ અત્ય્ અન્યાઃ પ્રજા ભવતિ ય એવં વેદ
(પ્બ્ 19.16.3) રાજન્યં યાજયેત્
(પ્બ્ 19.16.4) સર્વઃ પઞ્ચદશો ભવત્ય્ ઓજો વીર્યં પઞ્ચદશ ઓજસૈવૈનં વીર્યેણ સમર્ધયતિ
(પ્બ્ 19.16.5) ઐન્દ્રીષુ ભવન્તીન્દ્રિયેણૈવૈનં વીર્યેણ સમર્ધયતિ
(પ્બ્ 19.16.6) ઉક્થ્યો ભવતિ પશવો વા ઉક્થાનિ વિડ્ ઉક્થાનિ વિશમ્ એવાસ્મૈ પશૂન્ અનુનિયુનક્ત્ય્ અનપક્રામુકાસ્માદ્ વિડ્ ભવતિ
(પ્બ્ 19.16.7) પઞ્ચદશ સ્તોત્રાણિ પઞ્ચદશાનિ ભવન્ત્ય્ ઓજો વીર્યં પઞ્ચદશો ઽભિપૂર્વમ્ એવાસ્મિન્ન્ ઓજો વીર્યં દધાતિ
(પ્બ્ 19.17.1) અથૈષ ઇન્દ્રાગ્ન્યોઃ સ્તોમ એતેન વા ઇન્દ્રાગ્ની અત્ય્ અન્યા દેવતા અભવતામ્ અત્ય્ અન્યાઃ પ્રજા ભવતિ ય એવં વેદ
(પ્બ્ 19.17.2) ત્રિવૃત્ પઞ્ચદશો ભવતિ
(પ્બ્ 19.17.3) બ્રહ્મ વૈ ત્રિવૃત્ ક્ષત્રં પઞ્ચદશો બ્રહ્મણ ઇવ ચાસ્ય ક્ષત્રસ્યેવ ચ પ્રકાશો ભવતિ ય એવં વેદ
(પ્બ્ 19.17.4) રાજા ચ પુરોહિતશ્ ચ યજેયાતામ્
(પ્બ્ 19.17.5) ગાયત્રીં ચ જગતીં ચ સંપદ્યતે
(પ્બ્ 19.17.6) તેજો બ્રહ્મવર્ચસં ગાયત્ર્યા બ્રાહ્મણો ઽવરુન્ધે વિશં રાજા જગત્યા પ્રવિશતિ
(પ્બ્ 19.17.7) પુરોધાકામો યજેત
(પ્બ્ 19.17.8) બૃહસ્પતિર્ અકામયત દેવાનાં પુરોધાં ગચ્છેયમ્ ઇતિ સ એતેનાયજત સ દેવાનાં પુરોધામ્ અગચ્છદ્ ગચ્છતિ પુરોધાં ય એવં વેદ
(પ્બ્ 19.18.1) અથૈષ વિઘનઃ
(પ્બ્ 19.18.2) ઇન્દ્રો ઽકામયત પાપ્માનં ભ્રાતૃવ્યં વિહન્યામ્ ઇતિ સ એતં વિઘનમ્ અપશ્યત્ તેન પાપ્માનં ભ્રાતૃવ્યં વ્યહન્ વિ પાપ્માનં ભ્રાતૃવ્યં હતે ય એવં વેદ
(પ્બ્ 19.18.3) યત્ ત્રિવૃદ્ ભવતિ પ્રાણાંસ્ તેનાવરુન્ધે યત્ દ્વાદશઃ સંવત્સરં તેન યત્ પઞ્ચદશો વીર્યં તેન યત્ સપ્તદશો ઽન્નાદ્યં તેન યદ્ એકવિંશઃ પ્રતિષ્ઠા તેન યન્ નવદશઃ પ્રજનનં તેન યચ્ ચતુર્વિંશો બ્રહ્મવર્ચસં તેન યત્ ત્રિણવો વજ્રં ભ્રાતૃવ્યાય પ્રહરતિ
(પ્બ્ 19.18.4) પશુકામો યજેત બૃહતીં સંપદ્યતે પશવો વૈ બૃહતી પશૂન્ એવાવરુન્ધે
(પ્બ્ 19.18.5) ષડ્ એતા બૃહત્યો ભવન્તિ ષડ્ ઋતવઃ સંવત્સરઃ સંવત્સરં પશવો ઽનુ પ્રજાયન્તે તાન્ એવાપ્ત્વાવરુન્ધે
(પ્બ્ 19.19.1) ઇન્દ્રમ્ અદેવ્યો માયા અયચન્ત સ પ્રજાપતિમ્ ઉપાધાવવત્ તસ્મા એતં વિઘનં પ્રાયચ્છત્ તેન સર્વા મૃધો વ્યહત યદ્ વ્યહત તદ્ વિઘનસ્ય વિઘનત્વમ્
(પ્બ્ 19.19.2) સર્વા મૃધો વિહતે ય એવં વિદ્વાન્ વિઘનેન યજતે યમ્ એવં વિદ્વાન્ વિઘનેન યાજયતિ
(પ્બ્ 19.19.3) પશુકામો યજેત પશવો વૈ બૃહતી પશુષ્વ્ એવ પ્રતિતિષ્ઠતિ
(પ્બ્ 20.1.1) ત્રિવૃદ્ બહિષ્પવમાનં પઞ્ચદશાન્ય્ આજ્યાનિ પઞ્ચદશો માધ્યન્દિનઃ પવમાનઃ સપ્તદશાનિ પૃષ્ઠાનિ સપ્તદશ આર્ભવ એકવિંશો ઽગ્નિષ્ટોમઃ સોક્થ્યઃ પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.1.2) જ્યોતિષ્ટોમેનાતિરાત્રેણર્દ્ધિકામો યજેતાભિક્રમો વા એષ સ્તોમાનામ્ અભિક્રાન્ત્યા અભિક્રાન્તેન હિ યજ્ઞસ્યર્ધ્નોતિ
(પ્બ્ 20.1.3) એષો ઽગ્નિષ્ટોમ એષ ઉક્થ્ય એષો ઽતિરાત્રો ઽગ્નિષ્ટોમેન વૈ દેવા ઇમં લોકમ્ અભ્યજયન્ન્ ઉક્થ્યૈર્ અન્તરિક્ષં રાત્ર્યામું લોકમ્ અજયન્ન્ અહોરાત્રાભ્યામ્ અભ્યવર્તન્ત
(પ્બ્ 20.1.4) પરાચ્યો વા અન્યા વ્યુચ્છન્તિ પ્રતીચ્યો ઽન્યા એષા વાવ પ્રતીચી વ્યુચ્છતિ યાશ્વિનેન વ્યુચ્છતિ પ્રતીચીર્ એવાસ્મા ઉષસો વિવાસયતિ
(પ્બ્ 20.1.5) દ્વે સંસ્તુતાનાં વિરાજમ્ અતિરિચ્યેતે એષા વૈ સ્તનવતી વિરાટ્ યં કામં કામયતે તમ્ એતાં દુગ્ધે
(પ્બ્ 20.1.6) ત્રિવૃતા પ્રૈતિ ત્રિવૃતોદેતિ પ્રાણો વૈ ત્રિવૃત્ પ્રાણેનૈવ પ્રૈતિ પ્રાણમ્ અભ્યુદેતિ
(પ્બ્ 20.2.1) ત્રિવૃદ્ બહિષ્પવમાનં પઞ્ચદશાન્ય્ આજ્યાનિ સપ્તદશો માધ્યન્દિનઃ પવમાન એકવિંશાનિ પૃષ્ઠાનિ ત્રિણવ આર્ભવસ્ ત્રયસ્ત્રિંશો ઽગ્નિષ્ટોમઃ પ્રત્યવરોહીણ્ય્ ઉક્થાનિ ત્રિણવં પ્રથમં દ્વે એકવિંશે સષોડશિકે પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.2.2) સર્વસ્તોમેનાતિરાત્રેણ બુભૂષન્ યજેત સર્વસ્યાપ્ત્યૈ સર્વસ્ય જિત્યૈ સર્વમ્ એવૈતેનાપ્નોતિ સર્વં જયતિ
(પ્બ્ 20.2.3) યત્ ત્રિવૃદ્ બહિષ્પવમાનં ભવતિ તત્ ત્રિવૃતં સ્તોમમ્ આપ્નોતિ ગાયત્રીં છન્દો યત્ પઞ્ચદશાન્ય્ આજ્યાનિ તત્ પઞ્ચદશં સ્તોમમ્ આપ્નોતિ ત્રિષ્ટુભં છન્દો યત્ સપ્તદશો માધ્યન્દિનઃ પવમાનસ્ તત્ સપ્તદશં સ્તોમમ્ આપ્નોતિ જગતીં છન્દો યદ્ એકવિંશાનિ પૃષ્ટાનિ તદ્ એકવિંશં સ્તોમમ્ આપ્નોત્ય્ અનુષ્ટુભં છન્દો યત્ ત્રિણવ આર્ભવસ્ તત્ ત્રિણવં સ્તોમમ્ આપ્નોતિ પઙ્ક્તિં છન્દો યત્ ત્રયસ્ત્રિંશો ઽગ્નિષ્ટોમસ્ તત્ ત્રયસ્ત્રિંશં સ્તોમમ્ આપ્નોતિ વિરાજં છન્દો યદ્ ઉષ્ણિક્કકુભૌ ક્રિયેતે તદ્ ઉષ્ણિક્કકુભાવ્ આપ્નોતિ યદ્ આશ્વિનં શસ્યતે તત્ સર્વમ્ એવૈતેનાપ્નોતિ સર્વં જયતિ
(પ્બ્ 20.2.4) પ્રાઞ્ચં વૈ ત્રયસ્ત્રિંશો યજ્ઞં પ્રભુજતિ તમ્ અધ્વર્યુર્ એકાદશિન્યા પુરસ્તાત્ પ્રત્યુદ્યચ્છત્ય્ એકાદશ રશના એકાદશ પશવ એકાદશ યૂપા ભવન્તિ તત્ ત્રયસ્ત્રિંશે ત્રયસ્ત્રિંશં પ્રતિષ્ઠાપયતિ
(પ્બ્ 20.2.5) તયા સમુદ્યતયા રાત્ર્યા યં યં કામં કામયતે તં તમ્ અભ્યશ્નુતે યં યં કામં કામયતે તં તમ્ અભ્યશ્નુતે ય એવં વેદ
(પ્બ્ 20.3.1) ત્રિવૃદ્ બહિષ્પવમાનં પઞ્ચદશાન્ય્ આજ્યાનિ સપ્તદશો માધ્યન્દિનઃ પવમાન એકવિંશં હોતુઃ પૃષ્ઠં છન્દોમા ઇતરાણિ ત્રિણવ આર્ભવસ્ ત્રયસ્ત્રિંશો ઽગ્નિષ્ટોમઃ પ્રત્યવરોહીણ્ય્ ઉક્થાનિ ત્રિણવં પ્રથમમ્ અથૈકવિંશમ્ અથ સપ્તદશમ્ એકવિંશઃ ષોડશી પઞ્ચદશી રાત્રિસ્ ત્રિવૃત્ સન્ધિસ્ ત્રિવૃત્ પ્રથમમ્ અતિરિક્તસ્તોત્રમ્ અથ પઞ્ચદશમ્ અથ સપ્તદશમ્ અથૈકવિંશમ્
(પ્બ્ 20.3.2) પ્રજાપતિઃ પશૂન્ અસૃજત તે ઽસ્માત્ સૃષ્ટા અપાક્રામંસ્ તાન્ અગ્નિષ્ટોમેન નાપ્નોત્ તાન્ ઉક્થૈર્ નાપ્નોત્ તાન્ ષોડશિના નાપ્નોત્ તાન્ રાત્ર્યા નાપ્નોત્ તાન્ સન્ધિના નાપ્નોત્ તાન્ આશ્વિનેન નાપ્નોત્ તાન્ અગ્નિમ્ અબ્રવીદ્ ઇમાન્ મ ઈપ્સેતિ તાન્ અગ્નિસ્ ત્રિવૃતા સ્તોમેન જરાબોધીયેન સામ્ના નાપ્નોત્ તાન્ ઇન્દ્રમ્ અબ્રવીદ્ ઇમાન્ મ ઈપ્સેતિ તાન્ ઇન્દ્રઃ પઞ્ચદશેન સ્તોમેન સત્ત્રાસાહીયેન સામ્ના નાપ્નોત્ તાન્ વિશ્વાન્ દેવાન્ અબ્રવીદ્ ઇમાન્ મ ઇપ્સતેતિ તાન્ વિશ્વે દેવાઃ સપ્તદશેન સ્તોમેન માર્ગીંયવેણ સામ્ના નાપ્નુવંસ્ તાન્ વિષ્ણુમ્ અબ્રવીદ્ ઇમાન્ મ ઈપ્સેતિ તાન્ વિષ્ણુર્ એકવિંશેન સ્તોમેનાપ્નોદ્ વારવન્તીયેનાવારયતેદં વિષ્ણુર્ વિચક્રમ ઇતિ વ્યક્રમત
(પ્બ્ 20.3.3) યસ્માત્ પ્ર પ્રેવ પશવો ભ્રંશેરન્ સ એતેન યજેત

(પ્બ્ 20.3.4) એતેન વૈ દેવા જૈત્વાનિ જિત્વા યં યં કામમ્ અકામયન્ત તં તમ્ આપ્નુવન્ યં કામં કામયતે તમ્ એતેનાપ્નોતિ
(પ્બ્ 20.3.5) તદ્ અપ્તોર્યામ્નો ઽપ્તોર્યામત્વમ્
(પ્બ્ 20.4.1) ત્રિવૃદ્ બહિષ્પવમાનં પઞ્ચદશં હોતુર્ આજ્યં નવસપ્તદશાનિ સ્તોત્રાણ્ય્ એકવિંશો ઽગ્નિષ્ટોમઃ સોક્થઃ પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.4.2) નવસપ્તદશેનાતિરાત્રેણ પ્રજાકામો યજેત નવ વૈ પ્રાણાઃ પ્રજાપતિઃ સપ્તદશઃ પ્રાણેભ્ય એવ તદ્ અધિ પ્રજાપતેઃ પ્રજાઃ પ્રજાયન્તે
(પ્બ્ 20.4.3) કકુભં પ્રાચીમ્ ઉદૂહતિ પુરુષો વૈ કકુપ્ ગર્ભો વા એષ મધ્યતો ધીયતે
(પ્બ્ 20.4.4) તસ્યાં સાકમશ્વમ્
(પ્બ્ 20.4.5) પ્રજાપતિઃ પ્રજા અસૃજત તા ન પ્રાજાયન્ત સ એતત્ સામાપશ્યત્ તા અશ્વો ભૂત્વાભ્યજિઘ્રત્ તાઃ પ્રાજાયન્ત પ્રજનનં વા એતત્ સામ
(પ્બ્ 20.4.6) પ્રજાયતે બહુર્ ભવતિ ય એવં વેદ
(પ્બ્ 20.4.7) દ્વિપદાં કકુભો લોકે કરોતિ ગર્ભમ્ એવ તદ્ધિતં મધ્યતઃ પ્રજનયતિ
(પ્બ્ 20.4.8) અતિરાત્રો ભવત્ય્ અહોરાત્રે વા અનુ પ્રજાઃ પ્રજાયન્તે ઽહોરાત્રે એવાનુ પ્રજયા પશુભિઃ પ્રજાયતે
(પ્બ્ 20.5.1) ત્રિવૃત્ બહિષ્પવમાનં પઞ્ચદશાન્ય્ આજ્યાનિ પઞ્ચદશો માધ્યન્દિનઃ પવમાનઃ સપ્તદશાનિ પૃષ્ઠાનિ સપ્તદશ આર્ભવ એકવિંશો ઽગ્નિષ્ટોમઃ સપ્તદશાન્ય્ ઉક્થાનિ પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.5.2) વિષુવતાતિરાત્રેણ જ્યેષ્ઠં જ્યૈષ્ઠિનેયં યાજયેદ્ વિષુવાન્ વા એષ સ્તોમાનાં વિષુવાન્ એવ ભવતિ યદ્ એક એકવિંશો ભવત્ય્ એકવિંશો વા ઇતો ઽસાવ્ આદિત્ય દ્વાદશ માસાઃ પઞ્ચર્તવસ્ ત્રય ઇમે લોકા
(પ્બ્ 20.5.3) અસાવ્ આદિત્ય એકવિંશ આદિત્યસ્યૈવૈનં માત્રાં ગમયતિ
(પ્બ્ 20.5.4) એષ વા ઉદેતિ ન વા એનમ્ અન્યત્ જ્યોતિષાં જ્યોતિઃ પ્રત્યુદેતિ
(પ્બ્ 20.5.5) નૈનમ્ અન્યઃ સ્વેષુ પ્રત્યુદેતિ ય એવં વેદ
(પ્બ્ 20.6.1) પઞ્ચદશં બહિષ્પવમાનં ત્રિવૃન્ત્ય્ આજ્યાનિ સપ્તદશં માધ્યન્દિનં સવનમ્ એકવિંશં તૃતીયસવનં સોક્થં પઞ્ચદશી રાત્રિસ્ ત્રિવૃત્ સન્ધિર્ ગોષ્ટોમેનાતિરાત્રેણ ભ્રાતૃવ્યવાન્ યજેત ગવા વૈ દેવા અસુરાન્ એભ્યો લોકેભ્યો ઽનુદન્ત રાત્ર્યાનપજય્યમ્ અજયન્ન્ એભ્યો લોકેભ્યો ભ્રાતૃવ્યં પ્રણુદ્ય રાત્ર્યાનપજય્યં જયતિ
(પ્બ્ 20.7.1) ત્રિવૃત્ બહિષ્પવમાનં પઞ્ચદશાન્ય્ આજ્યાનિ સપ્તદશં માધ્યન્દિનં સવનમ્ એકવિંશં તૃતીયસવનં સોક્થં પઞ્ચદશી રાત્રિસ્ ત્રિવૃત્ સન્ધિર્ આયુષ્ટોમેનાતિરાત્રેણ સ્વર્ગકામો યજેતોર્ધ્વાઃ સ્તોમા યન્ત્ય્ અનપભ્રંશાય યદ્ અતિરાત્રો ભવત્ય્ અહોરાત્રાભ્યામ્ એવ સ્વર્ગં લોકમ્ એતિ
(પ્બ્ 20.8.1) ત્રિવૃત્ બહિષ્પવમાનં પઞ્ચદશં હોતુર્ આજ્યં સપ્તદશં મૈત્રાવરુણસ્ય પઞ્ચદશં બ્રાહ્મણાચ્છંસિનઃ સપ્તદશમ્ અચ્છાવાકસ્યૈકવિંશો માધ્યન્દિનઃ પવમાનઃ સપ્તદશં હોતુઃ પૃષ્ઠમ્ એકવિંશં મૈત્રાવરુણસ્ય ત્રિણવં બ્રાહ્મણાચ્છંસિન એકવિંશમ્ અચ્છાવકસ્ય ત્રિણવ આર્ભવસ્ ત્રયસ્ત્રિંશો ઽગ્નિષ્ટોમઃ પ્રત્યવરોહીણ્ય્ ઉક્થાનિ ત્રિણવં પ્રથમં દ્વે એકવિંશે સષોડશિકે પઞ્ચદશી રાત્રિસ્ ત્રિવૃત્ સન્ધિર્ અભિજિતાતિરાત્રેણ ભ્રાતૃવ્યવાન્ યજેતાભિજિતા વૈ દેવા અસુરાન્ ઇમાન્ લોકાન્ અભ્યજયત્ રાત્ર્યાનપજય્યમ્ અજયન્ન્ અભિજિતૈવ ભ્રાતૃવ્યમ્ ઇમાન્ લોકાન્ અભિજિત્ય રાત્ર્યાનપજય્યં જયતિ
(પ્બ્ 20.9.1) ત્રિવૃત્ બહિષ્પવમાનં પઞ્ચદશં હોતુર્ આજ્યં સપ્તદશં મૈત્રાવરુણસ્યૈકવિંશં બ્રાહ્મણાચ્છંસિનઃ પઞ્ચદશમ્ અચ્છાવાકસ્ય સપ્તદશો માધ્યન્દિનઃ પવમાન એકવિંશં હોતુઃ પૃષ્ઠં ત્રિણવં મૈત્રાવરુણસ્ય
(પ્બ્ 20.9.1) સપ્તદશં બ્રાહ્મણાચ્છંસિન એકવિંશમ્ અચ્છાવાકસ્ય ત્રિણવ આર્ભવસ્ ત્રયસ્ત્રિંશો ઽગ્નિષ્ટોમઃ પ્રત્યવરોહીણ્ય્ ઉક્થાનિ ત્રિણવં પ્રથમં દ્વે એકવિંશે સષોડશિકે પઞ્ચદશી રાત્રિઃ ત્રિવૃત્ સન્ધિર્ વિશ્વજિતાતિરાત્રેણ પશુકામો યજેત
(પ્બ્ 20.9.2) રેતો હિ નાભાનેદિષ્ઠીયં પશવો વાલખિલ્યા યન્ નાભાનેદિષ્ઠીયં પૂર્વં શસ્યત ઉત્તરા વાલખિલ્યા રેતસસ્ તત્ પશવઃ પ્રજાયન્તે રૂપાણિ વિકરોતિ યદ્ વાર્ષાકપમ્ ઋતુષુ પ્રતિતિષ્ઠતિ યદ્ એવયામરુત્
(પ્બ્ 20.10.1) ત્રિવૃત્ આતિરાત્રેણ બ્રહ્મવર્ચસકામો યજેત તેજો વૈ ત્રિવૃત્ બ્રહ્મવર્ચસં તેજ એવ બ્રહ્મવર્ચસમ્ અવરુન્ધે તેજસિ બ્રહ્મવર્ચસે પ્રતિતિષ્ઠતિ પઞ્ચદશેનાતિરાત્રેણ વીર્યકામો યજેતૌજો વીર્યં પઞ્ચદશ ઓજ એવ વીર્યમ્ અવરુન્ધ ઓજસિ વીર્યે પ્રતિતિષ્ઠતિ સપ્તદશેનાતિરાચ્રેણાન્નાદ્યકામો યજેતાન્નં વૈ સપ્તદશો ઽન્નાદ્યમ્ એવાવરુન્ધ એકવિંશેનાતિરાત્રેણ પ્રતિષ્ઠાકામો યજેત પ્રતિષ્ઠા વા એકવિંશો યદ્ અતિરાત્રો ભવત્ય્ અહોરાત્રયોર્ એવ પ્રતિતિષ્ઠતિ
(પ્બ્ 20.11.1) જ્યોતિષ્ટોમો ઽગ્નિષ્ટોમઃ પૂર્વમ્ અહઃ સર્વસ્તોમો ઽતિરાત્ર ઉત્તરમ્
(પ્બ્ 20.11.2) તસ્ય ચતુર્વિંશં બહિષ્પવમાનં પઞદશાન્ય્ આજ્યાનિ સપ્તદશો માધ્યન્દિનઃ પવમાન એકવિંશાનિ પૃષ્ઠાનિ ત્રિણવ આર્ભવસ્ ત્રયસ્ત્રિંશો ઽગ્નિષ્ટોમઃ પ્રત્યવરોહીણ્ય્ ઉક્થાનિ ત્રિણવં પ્રથમમ્ અથૈકવિંશમ્ અથ સપ્તદશમ્ એકવિંશઃ ષોડશી પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.11.3) અઙ્ગિરસઃ સ્વર્ગં લોકમ્ આયંસ્ તેષાં હવિષ્માંશ્ ચ હવિષ્કૃચ્ ચાઙ્ગિરસાવ્ અહીયેતા તાવ્ આગચ્છેતાં યતો ઽઙ્ગિરસઃ સ્વર્ગં લોકમ્ આયંસ્ તાવ્ અતપ્યેતાં તાવ્ એતે સામની અપશ્યતાં તાભ્યાં દ્વિરાત્રમ્ અતન્વાતાં તેન સ્વર્ગં લોકમ્ ઐતામ્
(પ્બ્ 20.11.4) યઃ પૌણ્યો હીન ઇવ સ્યાત્ સ એતેન યજેતાપ્નોતિ પૂર્વેષાં પ્રહામ્ આપ્નુતાં હિ તાવ્ અઙ્ગિરસઃ
(પ્બ્ 20.11.5) પ્રજાકામો યજેત દ્વિતીયં હ્ય્ એતદ્ યત્ પ્રજાઃ
(પ્બ્ 20.11.6) સ્વર્ગકામો યજેત દ્વિતીયાદ્ ધિ લોકાત્ પરો લોકો ઽભિપ્રક્રમ્યો દુરાધો દ્વિરાત્ર ઇત્ય્ આહુર્ યદ્ અગ્નિષ્ટોમઃ પૂર્વમ્ અહર્ ભવત્ય્ ઉક્થ્યમ્ અન્તર્યન્તિ યદ્ય્ ઉક્થ્યો ઽગ્નિષ્ટોમમ્
(પ્બ્ 20.11.7) યજ્ જ્યોતિર્ ઉક્થ્યઃ પૂર્વમ્ અહર્ ભવતિ નાગ્નિષ્ટોમમ્ અન્તર્યન્તિ નોક્થાનિ
(પ્બ્ 20.11.8) તદ્ આહુર્ એષા વાવ યજ્ઞસ્ય માત્રા યદ્ અગ્નિષ્ટોમો યદ્ અગ્નિષ્ટોમઃ પૂર્વમ્ અહર્ ભવતિ યજ્ઞસ્ય માત્રાં નાતિક્રામત્ય્ અથોત્તરસ્યાહ્ન ઉક્થેભ્યો ઽધિ રાત્રિમ્ ઉપયન્તિ તેનોક્થાન્ય્ અનન્તરિતાનિ
(પ્બ્ 20.11.9) ચતુર્વિંશં બહિષ્પવમાનં ભવત્ય્ ઉત્તરસ્યાહ્નશ્ ચતુર્વિંશત્ય્ અક્ષરા ગાયત્રી પ્રજનનં ગાયત્રી પ્રજાત્યૈ
(પ્બ્ 20.11.10) ઉભયે સ્તોમા યુગ્મન્તશ્ ચાયુજશ્ ચ તન્ મિથુનં તસ્માન્ મિથુનાત્ પ્રજાયતે
(પ્બ્ 20.11.11) સર્વસ્તોમો ઽતિરાત્રો ભવતિ સર્વસ્યાપ્ત્યૈ સર્વસ્ય જિત્યૈ સર્વમ્ એવૈતેનાપ્નોતિ સર્વં જયતિ
(પ્બ્ 20.12.1) અથ યસ્ય જ્યોતિર્ ઉક્થ્યઃ પૂર્વમ્ અહર્ ભવત્ય્ આયુર્ અતિરાત્ર ઉત્તરમ્
(પ્બ્ 20.12.2) તિસ્રઃ પૂર્વસ્યાહ્નો વિરાજમ્ અતિરિચ્યન્તે દ્વાભ્યામ્ ઉત્તરમ્ અહર્ વિરાજ ઊનમ્ ઊનાતિરિક્તં વા અનુપ્રજાઃ પ્રજાયન્તે
(પ્બ્ 20.12.3) પ્ર પ્રજયા પ્ર પશુભિર્ જાયતે ય એવં વેદ
(પ્બ્ 20.12.4) એકા સંસ્તુતાનાં વિરાજમ્ અતિરિચ્યતે એકાકિનમ્ એવૈનમ્ અન્નાદ્યસ્યાધ્યક્ષં કરોતિ
(પ્બ્ 20.12.5) એતેન વૈ ચિત્રરથં કાપેયા અયાજયંસ્ તમ્ એકાકિનમ્ અન્નાદ્યસ્યાધ્યક્ષમ્ અકુર્વંસ્ તસ્માચ્ ચૈત્રરથીનામ્ એકઃ ક્ષત્રપતિર્ જાયતે ઽનુલમ્બ ઇવ દ્વિતીયઃ
(પ્બ્ 20.13.1) અથ યસ્ય ત્રિવૃત્ પઞ્ચદશો ઽગ્નિષ્ટોમઃ પૂર્વમ્ અહર્ ભવત્ય્ આયુર્ અતિરાત્ર ઉત્તરમ્

(પ્બ્ 20.13.2) મિથુનાભ્યાં સ્તોમાભ્યામ્ ઉત્તરમ્ અહઃ પ્રજનયન્તિ તત્ પ્રજાતં શ્વ આરભન્તે ચક્રે વા એતે સાકંવૃતી યત્ ત્રિવૃત્ પઞ્ચદશૌ સ્તોમૌ યં કામં કામયતે તમ્ એતેનાભ્યશ્નુતે યત્ર યત્ર હિ ચક્રીવતા કામયતે તત્ તદ્ અભ્યશ્નુતે

(પ્બ્ 20.13.3) અથ યદ્ આયુર્ અતિરાત્રો ભવતિ પ્રતિષ્ઠિત્યૈ
(પ્બ્ 20.13.4) એતેન વૈ કપિવનો ભૌવાયન ઇષ્ટ્વારૂક્ષતામ્ અગચ્છત્
(પ્બ્ 20.13.5) અરૂક્ષો ભવતિ ય એવં વિદ્વાન્ એતેન યજતે
(પ્બ્ 20.14.1) ત્રિવૃત્ પ્રાતઃસવનં પઞ્ચદશં માધ્યન્દિનં સવનં સપ્તદશં તૃતીયસવનં પઞ્ચદશં પ્રાતઃસવનં સપ્તદશં માધ્યન્દિનં સવનમ્ એકવિંશં તૃતીયસવનં સોક્થમ્ એકવિંશં પ્રાતઃસવનં ત્રિણવં માધ્યન્દિનં સવનં ત્રયસ્ત્રિંશ આર્ભવશ્ ચતુસ્ત્રિંશો ઽગ્નિષ્ટોમ એકવિંશાન્ય્ ઉક્થાનિ સષોડશિકાનિ ષોડશં પ્રથમં રાત્રિષામ પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 20.14.2) પ્રજાપતિર્ વા ઇદમ્ એક આસીત્ તસ્ય વાગ્ એવ સ્વમ્ આસીદ્ વાગ્ દ્વિતીયા સ ઐક્ષતેમામ્ એવ વાચં વિસૃજા ઇયં વા ઇદં સર્વં વિભવન્ત્ય્ એષ્યતીતિ સ વાચં વ્યસૃજત સેદં સર્વં વિભવન્ત્ય્ ઐત્ સોર્ધ્વોદાતનોદ્ યથાપાં ધારા સન્તતૈવં તસ્યા એતિ તૃતીયમ્ અચ્છિનત્ તદ્ ભૂમિર્ અભવદ્ અભૂદ્ ઇવ વા ઇદમ્ ઇતિ તદ્ ભૂમેર્ ભૂમિત્વં કેતિ તૃતીયમ્ અચ્છિનત્ તદ્ અન્તરિક્ષમ્ અભવદ્ અન્તર્ એવ વા ઇદમ્ ઇતિ તદ્ અન્તરિક્ષસ્યાન્તરિક્ષત્વં હો ઇતિ તૃતીયમ્ ઊર્ધ્વમ્ ઉદાસ્યત્ તત્ દ્યૌર્ અભવદ્ અદ્યુતદ્ ઇવ વા ઇતિ તદ્ દિવો દિવત્વમ્
(પ્બ્ 20.14.3) એષા વાવ પ્રત્યક્ષં વાગ્ યજ્ જિહ્વાગ્રેણૈતદ્ વાચો વદતિ યદ્ એતિ મધ્યેનૈતદ્ વાચો વદતિ યત્ કેતિ સર્વયૈતદ્ વાચો રસો ઽધ્યૂર્ધ્વ ઉદ્વદ્ અતિ યદ્ધો ઇતિ
(પ્બ્ 20.14.4) યદ્ એતાનિ રૂપાણ્ય્ અન્વહં વ્યજ્યન્તે મુખત એવ તદ્ વાચં વિસૃજન્તે મુખતો યજ્ઞિયં કર્મ
(પ્બ્ 20.14.5) પ્રજાપતિર્ વા ઇદમ્ એકાક્ષરાં વાચં સતીં ત્રેધા વ્યકરોત્ ત ઇમે લોકા અભવન્ રૂક્ષા અનુપજીવનાઃ સ ઐક્ષત કથમ્ ઇમે લોકા લોમ ગૃહ્ણીયુઃ કથમ્ ઉપજીવનીયાઃ સ્યુર્ ઇતિ સ એતં ત્રિરાત્રમ્ અપશ્યત્ તમ્ આહરત્ તેનેમાન્ લોકાન્ અન્વાતનોત્ તતો વા ઇમે લોકા લોમાગૃહ્ણંસ્ તત ઉપજીવનીયા અભવંસ્ ત્રિરાત્રસ્ય વા ઇદં પુષ્ટં ત્રિરાત્રસ્યોદરણં યદ્ ઇદમ્ એષુ લોકેષ્વ્ અધિ
(પ્બ્ 20.14.6) ગચ્છતિ પશૂનાં ભૂમાનં દ્વિપદાં ચતુષ્પદાં ય એવં વેદ
(પ્બ્ 20.14.7) પ્રજાપતિર્ યદ્ વાચં વ્યસૃજત સાક્ષરદ્ એવેતિ પ્રથમં ક્ષેતિ દ્વિતીયં રેતિ તૃતીયં યેન યેન વૈ રૂપેણ પ્રજાપતિર્ વાચં વ્યસૃજત તેન તેન રૂપેણાજ્યાનિ ચારભ્યન્તે ઽહાનિ ચાપ્યન્તે
(પ્બ્ 20.13.8) તદ્ આહુર્ બ્રહ્મવાદિનો ઽક્ષરેસ્થો વૈ ત્રિરાત્ર ઇત્ય્ એકાક્ષરા વૈ વાક્ ત્ર્યક્ષરમ્ અક્ષરં ત્ર્યક્ષરઃ પુરુષઃ સ વા એનં વેદેત્ય્ આહુર્ ય એનં પુરુષસમ્મિતં વેદેતિ
(પ્બ્ 20.15.1) એતેન વૈ દેવા એષુ લોકેષ્વ્ આર્ધ્નુવન્ન્ એતેન સ્વર્ગં લોકમાયન્
(પ્બ્ 20.15.2) વાગ્ વૈ ત્રિરાત્રો વાચો રૂપેણાજ્યાનિ ચાહાનિ ચ વિભજ્યન્ત એકાક્ષરા વૈ વાક્ ત્ર્યક્ષરમ્ અક્ષરમ્ અક્ષરસ્ય રૂપેણ વિભજ્યન્તે ત્રયો ગન્ધર્વાસ્ તેષામ્ એષા ભક્તિર્ અગ્નેઃ પૃથિવી વાયોર્ અન્તરિક્ષમ્ અસાવ્ આદિત્યસ્ય દ્યૌસ્ ત્રયો ઘર્માસ ઉષસં સચન્તે
(પ્બ્ 20.15.3) અગ્નિર્ ઉષસં સચતે વાયુર્ ઉષસં સચતે ઽસાવ્ આદિત્ય ઉષસં સચતે
(પ્બ્ 20.15.4) ત્રીણિ મિથુનાનિ તાન્ય્ એષઃ
(પ્બ્ 20.15.5) મિથુનં દ્વે સમ્ભવતો મિથુનાદ્ યત્ પ્રજાયતે તત્ તૃતીયમ્
(પ્બ્ 20.15.6) ઇન્દ્રો વૃત્રાય વજ્રમ્ ઉદયચ્છત્ સો ઽબ્રવીન્ મા મે પ્રહર્ષીર્ અસ્તિ વા ઇદં મયિ વીર્યં તત્ તે પ્રદાસ્યામીતિ તદ્ અસ્મૈ પ્રાયચ્છત્ તદ્ વિષ્ણુઃ પ્રત્યગૃહ્ણાત્ સ દ્વિતીયં સ તૃતીયમ્ ઉદયચ્છત્ સ એવાબ્રવીન્ મા મે પ્રહાર્ષીર્ અસ્તિ વા ઇદં મયિ વીર્યં તત્ તે પ્રદાસ્યામીતિ તદ્ અસ્મૈ પ્રાયચ્છત્ તદ્ વિષ્ણુઃ પ્રત્યગૃહ્ણાદ્ એતદ્ વાચ તદ્ અભ્યનૂચ્યતે
(પ્બ્ 20.15.7) ઉભૌ જિગ્યથુર્ ન પરાજયેથે ન પરાજિગ્યે કતરશ્ ચ નૈનોઃ ઇન્દ્રશ્ ચ વિષ્ણો યદ્ અપસ્પૃધેથાં ત્રેધા સહસ્રં વિતદ્ (?) ઐરયેથામ્ ઇતિ
(પ્બ્ 20.15.8) એતદ્ વા આભ્યાં તત્ સહસ્રં પ્રાયચ્છત્
(પ્બ્ 20.15.9) તસ્યૈષા ભક્તિર્ ય આર્ષેયો વિદ્વાંસ્ તસ્મૈ પ્રથમે ઽહનિ દેયં યથા વા ઇયં એવં સ પ્રતિષ્ઠિતેયં પ્રતિષ્ઠિતઃ સઃ
(પ્બ્ 20.15.10) યો ઽનાર્ષેયો વિદ્વાંસ્ તસ્મૈ દ્વિતીયે ઽહનિ દેયં યથા વા અન્તરિક્ષમ્ એવં સો ઽન્તરિક્ષમ્ ઇત્ય્ અન્તરિક્ષં વિદુર્ વેદં તસ્ય વિદુઃ
(પ્બ્ 20.15.11) ય આર્ષેયો વિદ્વાંસ્ તસ્મૈ તૃતીયે ઽહનિ દેયં યથા વૈ દ્યૌર્ એવં સ દ્યૌર્ ઇતિ દિવં વિદુર્ બન્ધુ તસ્ય વિદુઃ
(પ્બ્ 20.15.12) શતાન્ય્ અન્વહં દીયન્તે એષા વાવ યજ્ઞસ્ય માત્રા યચ્ છતં સૈવ સાવિચ્છિન્ના દીયતે દશતો ઽન્વહં દીયન્તે દશાક્ષરા વિરાડ્ વૈરાજો યજ્ઞઃ સૈવ સા વિચ્છિન્ના દીયતે
(પ્બ્ 20.15.13) ત્રયસ્ત્રિંશચ્ ચ ત્રીણિ ચ શતાનિ પ્રથમે ઽહનિ દેયાસ્ તથા દ્વિતીયે તથા તૃતીયે
(પ્બ્ 20.15.14) અથૈષા દ્વિદેવત્યા ત્રિરૂપા બ્રહ્મણો દ્વે તૃતીયે તૃતીયમ્ અગ્નીધઃ
(પ્બ્ 20.15.15) કામ્યાસિ પ્રિયાસિ હવ્યાસીડે રન્તે સરસ્વતિ મહિ વિશ્રુત એતાનિ તે ઽઘ્ન્યે નામાનિ દેવેષુ નઃ સુકૃતો બ્રૂતાત્
(પ્બ્ 20.16.1) ઇદં વાવ પ્રથમેનાહ્ના વ્યકરોદ્ યદ્ ઇદમ્ અસ્યામ્ અધ્યાયત્ ત મૂલમ્ ઇદં દ્વિતીયેન યદ્ ઇદં પ્રાણાદ્ એજત્ય્ અદસ્ તૃતીયેન યદ્ વર્ષતિ યન્ નક્ષત્રાણિ યદ્ અમું લોકં ભેજે
(પ્બ્ 20.16.2) તદ્ આહુર્ બ્રહ્મવાદિનો મહાવ્રતં વા એતદ્ યદ્ એષ ત્રિરાત્ર ઇતિ તસ્યૈ તદ્ એવ મુખં યદ્ એતેષામ્ અહ્વાં બહિષ્પવમાનં યે અભિતો ઽહની તૌ પક્ષૌ યન્ મધ્યમમ્ અહઃ સ આત્માગ્નિષ્ટોમસામાનિ પુચ્છમ્
(પ્બ્ 20.16.3) યદ્ એવાસાવ્ ઉદેતિ તન્ મુખં યે અભિતો ઽહની તૌ પક્ષૌ યન્ મધ્યમમ્ અહઃ સ આત્માગ્નિઃ પુચ્છમ્
(પ્બ્ 20.16.4) યદ્ એવાસાવ્ ઉદેતિ તન્ મુખં યે અભિતો ઽહની તૌ પક્ષૌ યન્ મધ્યમમ્ અહઃ સ આત્મા યદ્ અસ્તમ્ એતિ તત્ પુચ્છમ્
(પ્બ્ 20.16.5) એતાવાન્ વાવ ત્રિરાત્રો ગાયત્રઃ પ્રાણસ્ ત્રૈષ્ટુભં ચક્ષુર્ જાગતં શ્રોત્રં સર્વમ્ આયુર્ એતિ ય એવં વેદ
(પ્બ્ 20.16.6) તદ્ આહુર્ બ્રહ્મવાદિનઃ કિયાંસ્ ત્રિરાત્ર ઇતીયાન્ ઇતિ બ્રૂયાદ્ ઇયદ્ધયેતદ્ અભ્ય્ અથો ઇયાન્ ઇતિ બ્રૂયાદ્ ઇયદ્ધયેવૈતદ્ અભિપરા3ઙ્ અર્વા3ઙ્ ઇત્ય્ આહુઃ પરાઙ્ ઇતિ બ્રૂયાત્ પરાઙ્ હિ વદતિ પરાઙ્ પશ્યતિ પરાઙ્ પ્રાણિત્ય્ એકા3 દ્વા3 ઉ ત્રયા3 ઇત્ય્ આહુર્ એક ઇતિ બ્રૂયાત્ સમાનો હ્ય્ એષ યત્ પ્રાણો ઽપાનો વ્યાનસ્ તદ્ યથા વા અદો મણૌ સૂત્રમ્ ઓતમ્ એવમ્ એષુ લોકેષુ ત્રિરાત્ર ઓતઃ શોભતે ઽસ્ય મુખં ય એવં વેદ
(પ્બ્ 20.16.7) યદ્ વૈ ત્રિરાત્રસ્ય સલોમ તદ્ અસ્ય વિલોમ યદ્ અસ્ય વિલોમ તદ્ અસ્ય સલોમ તદ્ યદ્ એતત્ પરં સદ્ અહર્ અવરં ક્રિયતે યજમાનાયૈવ તત્ પશૂન્ પરિગૃહ્ણાતિ પ્રજનનાય ન હ્ય્ અમુષ્મિન્ લોકે પશવઃ પ્રજાયન્તે
(પ્બ્ 20.16.8) એતે વાવ છન્દસાં વીર્યવત્તમે યદ્ ગાયત્રી ચ ત્રિષ્ટુપ્ ચ યદ્ એતે અભિતો ભવતો મધ્યે જગતી વીર્યવતીભ્યામ્ એવ તચ્ છન્દોભ્યાં પશૂન્ પરિગૃહ્ણાતિ પ્રજનનાય ન હ્ય્ અમુષ્મિન્ લોકે પશવઃ પ્રજાયન્તે
(પ્બ્ 20.16.9) અસૌ વાવ ત્રિરાત્રો યથોદેત્ય્ એવં પ્રથમમ્ અહર્ યથા મધ્યન્દિન એવં દ્વિતીયં યથાસ્તમ્ એત્ય્ એવં તૃતીયં ગચ્છત્ય્ અમુષ્યસાયુજ્યં ગચ્છતિ સાવેશ્યં ય એવં વેદ

(પ્બ્ 21.1.1) ઇન્દ્રો મરુતઃ સહસ્રમ્ અજિનાત્ સ્વાં વિશં સોમાય રાજ્ઞે પ્રોચ્ય તસ્માદ્ રાજ્ઞે પ્રોચ્ય વિંશ જિનન્તિ તૌ યમો ઽશૃણોન્ મરુતો હ સહસ્રમ્ અજ્યાશિષ્ટામ્ ઇતિ સ આગચ્છત્ સો ઽબ્રવીદ્ ઉપ માસ્મિન્ સહસ્રે હ્વયેથામ્ ઇતિ તમ્ ઉપાહ્વયેતાં સ યમો ઽપશ્યદ્ એકાઙ્ગાં સહસ્રે ઽપિ સહસ્રસ્ય પયો બિભ્રતીં સો ઽબ્રવીદ્ ઇયમ્ એવ મમાસ્તુ સહસ્રં યુવાં વિકલ્પયેથામ્ ઇતિ તાવ્ અબ્રૂતાં યથા વાવ ત્વમ્ એતાં પશ્યસ્ય્ એવમ્ આવમ્ એતાં પશ્યાવ ઇતિ
(પ્બ્ 21.1.2) તયા વા ઇદં સહસ્રં વિકલ્પયામહા ઇત્ય્ અબ્રુવંસ્ તામ્ ઉદકે પ્રાવેશયંસ્ તે ઽબ્રવન્ ન શાનાહરામહૈ યસ્મૈ ન ઇયં પ્રથમાયાદેષ્યતિ ઇતિ તે ઽંશાન્ આહરન્ત સોમસ્ય પ્રથમ ઐદ્ અથેન્દ્રસ્યાથ યમસ્ય
(પ્બ્ 21.1.3) તે ઽબ્રુવન્ સોમાય રાજ્ઞ ઉદેહિ તૃતીયેન ચાત્મનસ્ તૃતીયેન ચ સહસ્રસ્ય પયસ ઇતિ સા બભ્રુઃ પિઙ્ગાક્ષ્ય્ એકવર્ષોદૈત્ તૃતીયેન ચાત્મનસ્ તૃતીયેન ચ સહસ્રસ્ય પયસઃ સા યા સોમક્રયણી સૈવ સા
(પ્બ્ 21.1.4) તૃતીયેન ચાસ્ય તસ્યા આત્મનસ્ તૃતીયેન ચ સહસ્રસ્ય પયસઃ સોમઃ ક્રીતો ભવતિ ય એવં વિદ્વાન્ સોમં ક્રીણાતિ યસ્મા એવં વિદુષે સોમં ક્રીણન્તિ
(પ્બ્ 21.1.5) તે ઽબ્રુવન્ન્ ઇન્દ્રાયોદેહિ તૃતીયેન ચાત્મનસ્ તૃતીયેન ચ સહસ્રસ્ય પયસ ઇતિ સા શબલી પષ્ઠૌહ્ય્ ઉદૈત્ તૃતીયેન ચાત્મનસ્ તૃતીયેન ચ સહસ્રસ્ય પયસઃ સા %યેન્દ્રિયૈષ્યા સૈવ સા

(પ્બ્ 21.1.6) તૃતીયેન ચાસ્ય તસ્યા આત્મનસ્ તૃતીયેન ચ સહસ્રસ્ય પયસ ઇન્દ્રિયૈષ્યા દત્તા ભવતિ ય એવં વિદ્વાન્ ઇન્દ્રિયૈષ્યાં દદાતિ યસ્મા એવં વિદુષ ઇન્દ્રિયૈષ્યાં દદાતિ
(પ્બ્ 21.1.7) તે ઽબ્રુવન્ યમાયોદેહિ તૃતીયેન ચાત્મનસ્ તૃતીયેન ચ સહસ્રસ્ય પયસ ઇતિ સા જરતી કુષ્ઠાશૃઙ્ગ્યદ્ ઐદ્ ધૂમ્રા વા દિત્યૌહીર્મતો હ્રસીયસી તૃતીયેન ચાત્મનઃ તૃતીયેન ચ સહસ્રસ્ય પયસઃ સા યાનુસ્તરણી સૈવ સા
(પ્બ્ 21.1.8) તૃતીયેન ચાસ્ય તસ્યા આત્મનસ્ તૃતીયેન ચ સહસ્રસ્ય પયસો ઽનુસ્તરણી કૃતા ભવતિ ય એવં વિદ્વાન્ અનુસ્તરણીં કરોતિ યસ્મા એવં વિદુષે ઽનુસ્તરણીં કુર્વન્તિ નાચકૃવાન્ મન્યતે
(પ્બ્ 21.1.9) તદ્ આહુર્ બ્રહ્મવાદિનો ન વા અમુષ્મિન્ લોકે સહસ્રયાડ્ અલોકો ઽસ્તીતિ તદ્ યાવદ્ ઇતઃ સહસ્રસ્ય ગૌર્ ગવિ પ્રતિષ્ઠિતા તાવદ્ અસ્માલ્ લોકાદ્ અસૌ લોકઃ સરસ્રયાજી વા ઇમાન્ લોકાન્ વ્યાપ્નોત્ય્ અથો યાવત્ સહસ્રં યોજનાન્ય્ અથો સહસ્રમ્ આશ્વીનાન્ યથો યાવત્ સહસ્રમ્ અહ્નયાનિ તદ્ ગવા ગવા સ્પૃણોતિ સમાક્રમણાય વા એતા દીયન્તે
(પ્બ્ 21.1.10) સહસ્રં યદ્ અસૃજત તસ્ય તાર્પ્યં યોનિર્ આસીદ્ યત્ તાર્પ્યં પ્રત્યસ્ય નયતિ સયોનિત્વાય
(પ્બ્ 21.2.1) પ્રજાપતિઃ પ્રજા અસૃજત તા અસ્માત્ સૃષ્ટાઃ પરાચ્ય આયન્ નત્સ્યતિ ન ઇતિ બિભ્યત્યઃ સો ઽબ્રવીદ્ ઉપ મા વર્તધ્વં તથા વૈ વો ઽત્સ્યામિ યથાદ્યમાના ભૂયસ્યઃ પ્રજનિષ્યથ ઇતિ તાભ્યો વૈનં ઋતં બ્રૂહીત્ય્ અબ્રુવંસ્ તાભ્ય ઋતનિધનેનર્તમ્ અબ્રવીદ્ ઈનિધનેનાવયત્ ત્રિણિધનેન પ્રાજનયદ્ એતૈર્ હ વા ઇદં સામભિર્ મૃત્યુઃ પ્રજા અત્તિ ચ પ્રજનયતિ
(પ્બ્ 21.2.2) અદ્યમાનસ્ય ભૂયો ભવતિ ય એવં વેદ
(પ્બ્ 21.2.3) જ્યેષ્ઠસામાનિ વા એતાનિ શ્રેષ્ઠસામાનિ પ્રજાપતિસામાનિ
(પ્બ્ 21.2.4) ગચ્છતિ જ્યૈષ્ઠયં શ્રૈષ્ઠયં ય એવં વેદ
(પ્બ્ 21.2.5) એતૈર્ વૈ સામભિઃ પ્રજાપતિર્ ઇમાન્ લોકાન્ સર્વાન્ કામાન્ દુગ્ધે યદ્ આચ્યા દુગ્ધે તદ્ આચ્યા દોહાનામ્ આચ્યા દોહત્વમ્
(પ્બ્ 21.2.6) સર્વાન્ ઇમાન્ લોકાન્ કામાન્ દુગ્ધે ય એવં વિદ્વાન્ એતૈસ્ સામભિઃ સ્તુતે
(પ્બ્ 21.2.7) ઇમે વૈ લોકા એતાનિ સામાન્ય્ અયમ્ એવર્તનિધનમ્ અન્તરિક્ષમ્ ઈનિધનં દ્યૌસ્ ત્રિણિધનમ્
(પ્બ્ 21.2.8) યથા ક્ષેત્રજ્ઞઃ ક્ષેત્રાણ્ય્ અનુસઞ્ચરત્ય્ એવમ્ ઇમાન્ લોકાન્ અનુસઞ્ચરતિ ય એવં વેદ
(પ્બ્ 21.2.9) અગ્નેર્ વા એતાનિ વૈશ્વાનરસ્ય સામાનિ યત્ર વા એતૈર્ અશાન્તૈઃ સ્તુવન્તિ તત્ પ્રજા દેવો ઘાતુકો ભવત્ય્ અગ્નિમ્ ઉપનિધાય સ્તુવતે સ્વાયા એવ તદ્ દેવતાયાઃ સામ્યેક્ષાય નમસ્કૃત્યોદ્ગાયતિ શાન્તૈસ્ સ્તુવન્તિ
(પ્બ્ 21.3.1) વાગ્ વૈ શબલી તસ્યાસ્ ત્રિરાત્રો વત્સસ્ ત્રિરાત્રો વા એતાં પ્રદાપયતિ
(પ્બ્ 21.3.2) તદ્ ય એવં વેદ તસ્મા એષા પ્રત્તા દુગ્ધે
(પ્બ્ 21.3.3) યો ઽલમ્ અન્નાદ્યાય સન્ન્ અથાન્નં નાદ્યાત્
(પ્બ્ 21.3.4) બરાસીં પરિધાય તપ્તં પિબન્ દ્વાદશ રાત્રીર્ અધઃ શયીત
(પ્બ્ 21.3.5) યા દ્વાદશી સ્યાત્ તસ્યા ઉપવ્યુષં શબલીહોમં હુત્વા પુરા વાગ્ભ્યઃ સમ્પ્રવદિતોર્ યત્ર ગ્રામ્યસ્ય પશોર્ નાશૃણુયાત્ તદ્ અરણ્યં પરેત્ય દર્ભસ્તમ્બમ્ આલભ્ય શબલિ શબલીતિ ત્રિર્ આહ્વયેદ્ યદ્ અન્યચ્ છુનશ્ ચ ગર્દભાચ્ ચ પ્રતિવાશ્યતે સા સમૃદ્ધા
(પ્બ્ 21.3.6) યદિ ન પ્રતિવાશ્યેત સંવત્સરે પુનર્ આહ્વયેત
(પ્બ્ 21.3.7) શબલિ સમુદ્રો ઽસિ વિશ્વવ્યચા બ્રહ્મ દેવાનાં પ્રથમજા ઋતસ્યાન્નમ્ અસિ શુક્રમ્ અસિ તેજો ઽસ્ય્ અમૃતમ્ અસિ તાં ત્વા વિદ્મ શબલિ દીદ્યાનાં તસ્યાસ્તે પૃથિવી પાદો ઽન્તરિક્ષં પાદો દ્યૌઃ પાદઃ સમુદ્રઃ પાદ એષાસિ શબલિ તાં ત્વા વિદ્મ સા ન ઇષમ્ ઊર્જં ધુક્ષ્વ વસોર્ધારાં શબલિ પ્રજાનાં શચિષ્ઠા વ્રતમ્ અનુગેષં સ્વાહા
(પ્બ્ 21.4.1) ચતુષ્ટોમો ઽગ્નિષ્ટોમ એકવિંશ ઉક્થ્યઃ સર્વસ્તોમો ઽતિરાત્રઃ
(પ્બ્ 21.4.2) પ્રજાપતેર્ વા અક્ષ્ય્ અશ્વત્ તત્ પરાપતત્ તદ્ અશ્વો ઽભવત્ તદ્ અશ્વસ્યાશ્વત્વં તદ્ દેવા અશ્વમેધેન પ્રત્યદધુર્ એષ વાવ પ્રજાપતિં સર્વં કરોતિ યો ઽશ્વમેધેન યજતે
(પ્બ્ 21.4.3) એષ વાવ સશરીરઃ સમ્ભવત્ય્ અમુષ્મૈ લોકાયયો ઽશ્વમેધી
(પ્બ્ 21.4.4) સરઘા વા અશ્વસ્ય સક્થ્ય્ આવૃહત્ તદ્ દેવાશ્ ચતુષ્ટોમેન પ્રત્યદધુર્ યચ્ ચતુષ્ટોમો ભવત્ય્ અશ્વસ્ય સર્વત્વાય
(પ્બ્ 21.4.5) યત્ તિસ્રો ઽનુષ્ટુભશ્ ચતસ્રો ગાયત્રીઃ કરોતિ તસ્માત્ ત્રિભિસ્ તિષ્ઠન્ પ્રતિતિષ્ઠતિ સર્વાન્ પલાયમાનઃ પ્રતિદધાતિ
(પ્બ્ 21.4.6) અન્તો વા અશ્વઃ પશૂનામ્ અન્તો ઽનુષ્ટુપ્ છન્દસામ્ અન્તો વિષ્ણુર્ દેવતાનામ્ અન્તશ્ ચતુષ્ટોમસ્ સ્તોમાનામ્ અન્તસ્ ત્રિરાત્રો યજ્ઞાનાં યદ્ વૈપ્લવ્યો ઽનુષ્ટુભઃ પ્રતિપદો ભવન્તિ ચતુષ્ટોમ સ્તોમસ્ ત્રિરાત્રો યજ્ઞો ઽન્ત એવ તદન્તં પ્રતિષ્ઠાપયતિ
(પ્બ્ 21.4.7) એકવિંશમ્ અહર્ ભવતિ યસ્મિન્ન્ અશ્વ આલભ્યત એકવિંશો વા ઇતો ઽસાવ્ આદિત્યો દ્વાદશ માસાઃ પઞ્ચર્તવસ્ ત્રય ઇમે લોકા અસાવ્ આદિત્ય એકવિંશ આદિત્યસ્યૈવૈનં માત્રાં ગમયતિ
(પ્બ્ 21.4.8) તસ્ય મહાનામ્ન્યઃ પૃષ્ઠં ભવન્તિ
(પ્બ્ 21.4.9) અન્યદ્-અન્યદ્ વા એતાશ્ છન્દો ઽન્યોન્ય એતે પશવ આલભ્યન્ત એતા વા એતં સમાપ્નુવન્તિ યન્ મહાનામ્ન્યઃ પૃષ્ઠં ભવન્ત્ય્ અશ્વસ્ય સર્વત્વાય
(પ્બ્ 21.4.10) પાર્થુરશ્મં બ્રહ્મસામ ભવતિ
(પ્બ્ 21.4.11) ઈશ્વરો વા એષો ઽયતો ઽધૃતઃ પરાં પરાવતમ્ એતો રશ્મિના વા અશ્વો ધૃતો યત્ પાર્થુરશ્મં બ્રહ્મસામ ભવત્ય્ અશ્વસ્યૈવ યત્યૈ
(પ્બ્ 21.4.12) સર્વસ્તોમો ઽતિરાત્રો ભવતિ સર્વસ્યાપ્ત્યૈ સર્વસ્ય જિત્યૈ સર્વમ્ એવૈતેનાપ્નોતિ સર્વં જયતિ
(પ્બ્ 21.4.13) એકયૂપો વૈકાદશિની વાન્યેષાં યજ્ઞાનાં ભવત્ય્ એકવિંશિન્ય્ અશ્વમેધસ્ય ખાદિરો વા બૈલ્વો વા પાર્ણો વા ઽન્યેષાં યજ્ઞાનાં ભવતિ નૈચુદાર એકવિંશત્યરત્નિર્ અશ્વમેધસ્ય નાન્યેષાં પશૂનાં તેજન્યા અવદ્યન્ત્ય્ અવદ્યન્ત્ય્ અશ્વમેધસ્ય દક્ષિણતો ઽન્યેષાં પશૂનામ્ અવદ્યન્ત્ય્ ઉત્તરતો ઽશ્વમેધસ્ય પ્લક્ષશાખાસ્વ્ અન્યેષાં પશૂનામ્ અવદ્યન્તિ વેતસશાખાસ્વ્ અશ્વમેધસ્ય યૂપે ગ્રામ્યાન્ પશૂન્ નિયુઞ્જન્ત્ય્ આરોકેષ્વ્ આરણ્યાન્ ધારયન્ત્ય્ આ ગ્રામ્યાન્ પશૂન્ લભન્તે પ્રારણ્યાન્ સૃજન્તિ
(પ્બ્ 21.5.1) ત્રયસ્ ત્રિવૃતો ઽતિરાત્રાઃ સર્વે ષોડશિમન્તઃ
(પ્બ્ 21.5.2) યો રાજ્ય આશંસેત સ એતેન યજેત
(પ્બ્ 21.5.3) રાજા વા એષ સ્તોમાનાં રાજ્યમ્ એવાસ્મિન્ દધાતિ
(પ્બ્ 21.5.4) યદાક્ષારાણિ પ્રથમમ્ અહર્ ભજન્ત એકાક્ષરા વૈ વાગ્ વાચો ઽનતિવાદાય
(પ્બ્ 21.5.5) અથ યત્ દ્વ્યક્ષરણિધનમ્ આજ્યદોહં ભવત્ય્ ઉત્તરયોર્ અહોર્ અભિસન્તત્યા અન્વહમ્ આજ્યદોહાનિ ભવન્ત્ય્ અન્વહમ્ એવૈનં પશુભિઃ સમર્ધયન્તિ
(પ્બ્ 21.5.6) સર્વે ષોડશિમન્તો ભવન્તીન્દ્રિયં વીર્યં ષોડશીન્દ્રિયેણૈવૈનાન્ વીર્યેણ સમર્ધયતિ

(પ્બ્ 21.6.1) ચતુર્વિંશાઃ પવમાનાસ્ ત્રિવૃન્ત્ય્ આજ્યાનિ પઞ્ચદશાનિ પૃષ્ઠાનિ સપ્તદશો ઽગ્નિષ્ટોમશ્ ચતુશ્ચત્વારિંશાઃ પવમાનાઃ પઞ્ચદશાન્ય્ આજ્યાનિ સપ્તદશાનિ પૃષ્ઠાન્ય્ એકવિંશો ઽગ્નિષ્ટોમઃ સોક્થો ઽષ્ટાચત્વારિંશાઃ પવમાના એકવિંશાન્ય્ આજ્યાનિ ત્રિણવાનિ પૃષ્ઠાનિ ત્રયસ્ત્રિંશો ઽગ્નિષ્ટોમ એકવિંશાન્ય્ ઉક્થાનિ સષોડશિકાનિ પઞ્ચદશી રાત્રિસ્ ત્રિવૃત્ સન્ધિશ્ છન્દોમપવમાનઃ
(પ્બ્ 21.6.2) પશુકામો યજેત્
(પ્બ્ 21.6.3) પશવો વૈ છન્દોમા યચ્ છન્દોમાઃ પવમાના ભવન્તિ પશૂનેવાવરૂન્ધે
(પ્બ્ 21.6.4) ઉભયે સ્તોમા યુગ્મન્તશ્ ચાયુજશ્ ચ તત્ મિથુનં તસ્માન્ મિથુનાત્ પ્રજાયતે
(પ્બ્ 21.7.1) ત્રિવૃત્ પ્રાતસ્સવનં પઞ્ચદશં માધ્યન્દિનં સવનં સપ્તદશં તૃતીયસવનં ચતુર્વિંશં પ્રાતસ્સવનં ચતુશ્ચત્વારિંશં માધ્યન્દિનં સવનમ્ અષ્ટાચત્વારિંશં તૃતીયસવનં સોક્થમ્ એકવિંશં પ્રાતસ્સવનન્ ત્રિણવં માધ્યન્દિનં સવનં ત્રયસ્ત્રિંશં તૃતીયસવનં સોક્થમ્ એકવિંશઃ ષોડશી પઞ્ચદશી રાત્રિસ્ ત્રિવૃત્ સન્ધિર્ અન્તર્વસુઃ
(પ્બ્ 21.7.2) ઇમે લોકાસ્ ત્રિરાત્રઃ
(પ્બ્ 21.7.3) અસ્તીવ વા અયં લોકો ઽસ્તીવાસૌ છિદ્રમ્ ઇવાન્તરિક્ષમ્
(પ્બ્ 21.7.4) અસ્તીવ ત્રિરાત્રસ્ય પ્રથમમ્ અહર્ અસ્તીવોત્તમં છિદ્રમ્ ઇવ મધ્યતઃ
(પ્બ્ 21.7.5) પશવો વૈ છન્દોમા યચ્ છન્દોમા મધ્યતો ભવન્ત્ય્ અપિહિત્યા એવાચ્છિદ્રતાયૈ
(પ્બ્ 21.8.1) ત્રિવૃત્ પ્રાતસ્સવનં પઞ્ચદશં માધ્યન્દિનં સવનં સપ્તદશં તૃતીયસવનં એકવિંશં પ્રાતસ્સવનં ત્રિણવં માધ્યન્દિનં સવનં ત્રયસ્ત્રિંશં તૃતીયસવનં સોક્થં ચતુર્વિંશં પ્રાતસ્સવનં ચતુશ્ચત્વારિંશં માધ્યન્દિનં સવનમ્ અષ્ટાચત્વારિંશં તૃતીયસવનં સોક્થમ્ એકવિંશઃ ષોડશી પઞ્ચદશી રાત્રિસ્ ત્રિવૃત્ સન્ધિઃ પરાકઃ
(પ્બ્ 21.8.2) પરાકેણ વૈ દેવાઃ સ્વર્ગં લોકમાયન્ સ્વર્ગકામો યજેત પરાઙ્ એવૈતેન સ્વર્ગં લોકમ્ આક્રમતે
(પ્બ્ 21.8.3) યદ્ વા એતસ્યાકં તદ્ અસ્ય પરાક્ તત્ પરાકસ્ય પરાકત્વમ્
(પ્બ્ 21.8.4) ન વૈ તત્ર જગ્મુષે કિઞ્ચનાઽકમ્
(પ્બ્ 21.8.5) નાસ્મા અકં ભવતિ ય એવં વેદ
(પ્બ્ 21.8.6) પ્રજાયાસ્ ત્વ્ અકૢપ્તઃ પરાઙ્ હ્ય્ એવૈતેન સ્વર્ગં લોકમ્ આક્રમતે તદ્ યદ્ એકવિંશઃ ષોડશી ભવતિ પઞ્ચદશી રાત્રિસ્ ત્રિવૃત્ સન્ધિસ્ તેનાસ્મિન્ લોકે પ્રતિતિષ્ઠતિ
(પ્બ્ 21.9.1) ચતુર્વિંશાઃ પવમાનાસ્ ત્રિવૃન્ત્ય્ આજ્યાનિ પઞ્ચદશાનિ પૃષ્ઠાનિ સપ્તદશો ઽગ્નિષ્ટોમશ્ ચતુર્વિંશાઃ પવમાનાઃ પઞ્ચદશાન્ય્ આજ્યાનિ સપ્તદશાનિ પૃષ્ઠાન્ય્ એકવિંશો ઽગ્નિષ્ટોમઃ સોક્થશ્ ચતુર્વિંશાઃ પવમાનાઃ સપ્તદશાન્ય્ આજ્યાન્ય્ એકવિંશનિ પૃષ્ઠાનિ ત્રિણવો ઽગ્નિષ્ટોમઃ સોક્થશ્ ચતુર્વિંશાઃ પવમાના એકવિંશાન્ય્ આજ્યાનિ ત્રિણવાનિ પૃષ્ઠાનિ ત્રયસ્ત્રિંશો ઽગ્નિષ્ટોમ એકવિંશાન્ય્ ઉક્થાનિ સષોડશિકાનિ પઞ્ચદશી રાત્રિસ્ ત્રિવૃત્ સન્ધિ
(પ્બ્ 21.9.2) અત્રિર્ અકામયત ચત્વારો મે વીરા આજાયેરન્ન્ ઇતિ સ એતમ્ અપશ્યત્ તસ્ય ચત્વારો વીરા આજાયન્તાસ્ય ચત્વારો વીરા જાયન્તે ય એવં વેદ
(પ્બ્ 21.9.3) એકં સ્તોમમ્ ઉત્સૃજ્યૈકમ્ અભ્યારભતે વીરજનનં વૈ સ્તોમો વીરમ્ એવાસ્મૈ તત્ પ્રજનયતિ
(પ્બ્ 21.9.4) ચતુર્વિંશાઃ પવમાના ભવન્તિ ચતુર્વિંશત્યક્ષરા ગાયત્રી પ્રજનનં ગાયત્રી પ્રજાત્યૈ
(પ્બ્ 21.9.5) ઉભયે સ્તોમા યુગ્મન્તશ્ ચાયુજશ્ ચ તન્ મિથુનં તસ્માન્ મિથુનાત્ પ્રજાયતે
(પ્બ્ 21.9.6) અગ્નિષ્ટોમઃ પ્રથમમ્ અહર્ ઊક્થો દ્વિતીયં ષોડશી તૃતીયમ્ અતિરાત્રશ્ ચતુર્થં નાનાવીર્યતાયૈ
(પ્બ્ 21.9.7) નાનાવીર્યાણ્ય્ અહાનિ કરોતિ
(પ્બ્ 21.9.8) ગાયત્રં વૈ પ્રથમમ્ અહસ્ ત્રૈષ્ટુભં દ્વિતીયં જાગતં તૃતીયમ્ આનુષ્ટુભં ચતુર્થમ્
(પ્બ્ 21.9.9) તદ્ આહુર્ યત્ તૃતીયે ઽહનિ ષોડશિનં ગૃહ્ણીયુસ્ તૃતીયેનાહ્નાનુષ્ટુભમ્ આપ્નુયુર્ અચ્છન્દશ્ ચતુર્થમ્ અહઃ સ્યાદ્ આનુષ્ટુભો વૈ ષોડશીતિ
(પ્બ્ 21.9.10) ચતુર્થે ઽહનિ ષોડશી ગ્રહીતવ્યઃ સ્વ આયતને ષોડશી ગૃહ્યતે
(પ્બ્ 21.9.11) છન્દોભિર્ અહાનિ નાનાવીર્યાણિ કરોતિ
(પ્બ્ 21.9.12) નૌધસં પ્રથમસ્યાહ્નો બ્રહ્મસામ શ્યૈતં દ્વિતીયસ્ય શ્રાયન્તીયં તૃતીયસ્ય ત્રૈશોકં ચતુર્થસ્ય
(પ્બ્ 21.9.13) તદ્ આહુર્ અપભ્રંશ ઇવ વા એષ યત્ જ્યાયસઃ છન્દસો ઽધિ કનીયશ્ છન્દ ઉપૈતીતિ
(પ્બ્ 21.9.14) તદ્યદેષા ચતુર્થેઽહન્યતિજગતી ક્રિયતેઽનપભ્રંશાય
(પ્બ્ 21.9.15) કાલેયં પ્રથમસ્યાહો ઽચ્છાવાકસામ માધુચ્છન્દસં દ્વિતીયસ્ય રૌરવં તૃતીયસ્ય સમન્તં ચતુર્થસ્ય નાનાવીર્યતાયૈ નાનાવીર્યાણ્ય્ અહાનિ કરોતિ
(પ્બ્ 21.9.16) ઽઽઅભિત્વા વૃષભા સુતઽઽ ઇતિ તૃતીયસ્યાહ્નો રથન્તરં ઽઽકસ્તમ્ ઇન્દ્ર ત્વા વસવઽઽ ઇતિ વામદેવ્યં ઽઽયજ્ઞા યથા અપૂર્વઽઽ ઇતિ ચતુર્થસ્યાહ્નો બૃહત્ ઽઽએદ્ ઉ મધોર્ મદિન્તરમ્ઽઽ ઇતિ વામદેવ્યં છન્દસાં નાનાવીર્યતાયૈ નાનાવીર્યાણ્ય્ અહાનિ કારોતિ
(પ્બ્ 21.10.1) ત્રિવૃત્ પઞ્ચદશો ઽગ્નિષ્ટોમઃ પ્રથમમ્ અહઃ
(પ્બ્ 21.10.2) અથોત્તરસ્યાહ્નોશ્ ચતુર્વિંશં વહિષ્પવમાનં પઞ્ચદશાનિ ત્રીણ્ય્ આજ્યાનિ સપ્તદશમ્ અચ્છાવાકસ્યૈકવિંશો માધ્યન્દિનઃ પવમાનઃ સપ્તદશે દ્વે પૃષ્ઠે એકવિંશં તૃતીયસવનંં સોક્થમ્
(પ્બ્ 21.10.3) તૃતીયસ્યાહ્ન એકવિંશં બહિષ્પવમાનં ત્રીણિ ચાજ્યાનિ પઞ્ચદશમ્ અચ્છાવાકસ્ય ચતુર્વિંશો માધ્યન્દિનઃ પવમાન એકવિંશાનિ પૃષ્ઠાનિ ત્રિણવં તૃતીયસવનં દ્વે ચોક્થે એકવિંશમ્ અચ્છાવાકસ્ય
(પ્બ્ 21.10.4) ચતુર્થસ્યાહ્નશ્ ચતુર્વિશાઃ પવમાનાઃ પઞ્ચદશં હોતુર્ આજ્યં સપ્તદશાનિ ત્રીણ્ય્ એકવિંશાનિ પૃષ્ઠાનિ ત્રયસ્ત્રિંશો ઽગ્નિષ્ટોમ એકવિંશાન્ય્ ઉક્થાનિ સષોડશિકાનિ પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 21.10.5) જમદગ્નિઃ પુષ્ટિકામ એતમ્ આહરત્ સ ઇમાન્ પોષાન્ અપુષ્યત્
(પ્બ્ 21.10.6) યદ્ ઇદમ્ આહુર્ નવા ઊર્વૌ પલિતૌ સઞ્જાનાતે ઇતિ
(પ્બ્ 21.10.7) તત્ સર્વાન્ એવૈતેન પોષાન્ પુષ્યતિ
(પ્બ્ 21.10.8) જગતી છન્દોભિઃ સમ્પદ્યતે
(પ્બ્ 21.10.9) જગતી વૈ છન્દસાં પરમં પોષં પુષ્ટા પરમમ્ એવૈતે પોષં પુષ્યતિ

(પ્બ્ 21.10.10) પુરોડાશિન્ય ઉપસદો ભવન્તિ પશવો વૈ પુરોડાશાઃ પશુષ્વેવ પ્રતિતિષ્ઠન્તિ
(પ્બ્ 21.10.11) અગ્ને વેર્ હોત્ર વેર્ અધ્વરમ્ આપિતરં વૈશ્વાનરમ્ અવસે ઽકર્ ઇન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.12) દેવાવ્ અશ્વિનૌ મધુકશયાદ્યેમં યજ્ઞં યજમાનાય મિમિક્ષતમ્ ઇન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.13) દેવ વિષ્ણ ઉર્વ્ અદ્યાસ્મિન્ યજ્ઞે યજમાનાયાધિ વિક્રમસ્વેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.14) દેવ સોમ રેતોધા અદ્યાસ્મિન્ યજ્ઞે યજમાનાયૈધીન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.15) દેવ સવિતઃ સુસાવિત્રમ્ અદ્યાસ્મિન્ યજ્ઞે યજમાનાસુવસ્વેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.16) દેવ ધાતઃ સુધાતાદ્યાસ્મિન્ યજ્ઞે યજમાનાયૈધીન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.17) દેવા ગ્રાવાણો મધુમતીમ્ અદ્યાસ્મિન્ યજ્ઞે યજમાનાય વાચં વદતેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.18) દેવ્ય્ અનુમતે ઽન્વદ્યેમં યજ્ઞં યજમાનાય મન્યસ્વેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.19) દેવ્ય્ અદિતે સ્વાદિત્યામ્ અદ્યાસ્મિન્ યજ્ઞે યજમાનાયાસુવસ્વેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.20) દેવ્ય આપો નન્નમ્યધ્વમ્ અદ્યાસ્મિન્ યજ્ઞે યજમાનાયેન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.21) સદસ્સદઃ પ્રજાવાન્ ઋભુર્ જુષાણ ઇન્દ્રાય દેવેભ્યો જુહુતા હવિસ્ સ્વાહા
(પ્બ્ 21.10.22) દેવ ત્વષ્ટઃ સુરેતોધા અદ્યાસ્મિન્ યજ્ઞે યજમાનાયૈધીન્દ્રાય દેવેભ્યો જુહુતા હવિઃ સ્વાહા
(પ્બ્ 21.10.23) આગ્નેય એકકપાલ આશ્વિનો દ્વિકપાલો વૈષ્ણવસ્ ત્રિકપાલઃ સૌમ્યશ્ ચતુષ્કપાલઃ સાવિત્રઃ પઞ્ચકપાલો ધાત્રઃ ષટ્કપાલો મારૂતઃ સપ્તકપાલો બાર્હસ્પત્યો ઽષ્ટાકપાલો મૈત્રો નવકપાલો વારૂણો દશકપાલ ઐન્દ્ર એકાદશકપાલો વૈશ્વદેવો દ્વાદશકપાલઃ
(પ્બ્ 21.11.1) ત્રિવૃત પ્રાતસ્સવનં પઞ્ચદશં માધ્યન્દિનં સવનં સપ્તદશં તૃતીયસવનં પઞ્ચદશં પ્રાતસ્સવનં સપ્તદશં માધ્યન્દિનં સવનમ્ એકવિંશં તૃતીયસવનં સોક્થં સપ્તદશં પ્રાતસ્સવનમ્ એકવિંશં માધ્યન્દિનં સવનં ત્રિણવં તૃતીયસવનં સોક્થમ્ એકવિંશં પ્રાતસ્સવનં ત્રિણવં માધ્યન્દિનં સવનં ત્રયસ્ત્રિંશં તૃતીયસવનં પ્રત્યવરોહીણ્ય્ ઉક્થાનિ ત્રિણવં પ્રથમં દ્વે એકવિંશે સષોડશિકે પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 21.11.2) વસિષ્ઠઃ પુત્રહતો હીન ઇવામન્યત સ એતમ્ અપશ્યત્ સો ઽગ્રં પર્યૈદ્ યો હીન ઇવ મન્યેત સ એતેન યજેત
(પ્બ્ 21.11.3) યત્ સ્તોમાત્ સ્તોમમ્ અભિસંક્રામત્ય્ અગ્રાદ્ એવાગ્રં રોહતિ વસિષ્ઠસ્ય જનિત્રે ભવતઃ પ્રજાત્યૈ
(પ્બ્ 21.11.4) પ્રત્યવરોહીણ્ય્ ઉત્તમસ્યાહ્ન ઉક્થાનિ ભવન્તિ પ્રતિષ્ઠિત્યૈ
(પ્બ્ 21.12.1) ત્રિવૃદ્ અગ્નિષ્ટોમઃ પઞ્ચદશ ઉક્થઃ સપ્તદશ ઉક્થ એકવિંશો ઽતિરાત્રો વિશ્વામિત્રસ્ય સઞ્જયઃ
(પ્બ્ 21.12.2) જહ્નુવૃચીવન્તો રાષ્ટ્ર આહિંસન્ત સ વિશ્વામિત્રો જાહ્નવો રાજૈતમ્ અપશ્યત્ સ રાષ્ટ્રમ્ અભવદ્ અરાષ્ટ્રમ્ ઇતરે
(પ્બ્ 21.12.3) ભ્રાતૃવ્યવાન્ યજેત
(પ્બ્ 21.12.4) ભવત્ય્ આત્મના પરાસ્ય ભ્રાતૃવ્યો ભવતિ ય એવં વેદ
(પ્બ્ 21.12.5) જ્યોતિર્ વા એષ વિહૃતઃ
(પ્બ્ 21.12.6) જ્યોતિઃ પ્રજાનાં ભવતિ ય એવં વેદ
(પ્બ્ 21.12.7) ચતુષ્ટોમો વા એષ ચતુષ્પાદાઃ પશવઃ પશુષ્વ્ એવ પ્રતિતિષ્ઠતિ
(પ્બ્ 21.12.8) એકવિંશં સ્તોમા નાતિયન્તિ પ્રતિષ્ઠા વા એકવિંશો ઽન્તત એવ યજ્ઞસ્ય પ્રતિતિષ્ઠતિ
(પ્બ્ 21.13.1) દ્વે ત્રિવૃતી સવને પઞ્ચદશમ્ એકં દ્વે પઞ્ચદશે સવને સપ્તદશમ્ એકં દ્વે સપ્તદશે સવને એકવિંશમ્ એકં દ્વે એકવિંશે સવને ત્રિણવમ્ એકં દ્વે ત્રિણવે સવને ત્રયસ્ત્રિંશમ્ એકં પ્રત્યવરોહીણ્ય્ ઉક્થાનિ ત્રિણવં પ્રથમં દ્વે એકવિંશે સષોડશિકે પઞ્ચદશી રાત્રિસ્ ત્રિવૃત્ સન્ધિઃ
(પ્બ્ 21.13.2) દેવાશ્ ચ વા અસુરાશ્ ચાસ્પર્ધન્ત તે ન વ્યજયન્ત તે ઽબ્રુવન્ વાચો મિથુનેન વિજયામહૈ યતરે નો વાચો મિથુનં ન પ્રતિવિન્દાંસ્ તે પરા ભવાન્ ઇતિ તે દેવા એક ઇત્ય્ અબ્રુવન્ન્ એકેત્ય્ અસુરા વાચો મિથુનં પ્રત્યવિન્દન્ દ્વાવ્ ઇતિ દેવા અબ્રુવન્ દ્વે ઇત્ય્ અસુરા વાચો મિથુનં પ્રત્યવિન્દનંસ્ ત્રય ઇતિ દેવા અબ્રુવંસ્ તિસ્ર ઇત્ય્ અસુરા વાચો મિથુનં પ્રત્યવિન્દંશ્ ચત્વાર ઇતિ દેવા અબ્રુવંશ્ ચતસ્ત્ર ઇત્ય્ અસુરા વાચો મિથુનં પ્રત્યવિન્દન્ પઞ્ચેતિ દેવા અબ્રુવન્ નાસુરા અવિન્દંસ્ તતો દેવા અભવન્ પરાસુરાઃ
(પ્બ્ 21.13.3) ભવત્ય્ આત્મના પરાસ્ય ભ્રાતૃવ્યો ભવતિ ય એવં વેદ
(પ્બ્ 21.13.4) સંવત્સરં વા એષાં તદ્ વીર્યમ્ અન્નાદ્યમ્ અવૃઞ્જત
(પ્બ્ 21.13.5) સંવત્સરં વીર્યમ્ અન્નાદ્યં ભ્રાતૃવ્યસ્ય વૃઙ્ક્તે ય એવં વેદ
(પ્બ્ 21.13.6) પઞ્ચરાત્રો વા એષ પાઙ્ક્તઃ પુરૂષઃ પાઙ્ક્તાઃ પશવસ્ તેન પુરૂષં ચ પશૂંશ્ ચાપ્નોતિ
(પ્બ્ 21.13.7) આસ્થરિર્ વા એષ સન્તતો યજ્ઞો દ્વૌ દ્વૌ હિ સ્તોમાવ્ અહર્ વહતો યં કામં કામયતે તમ્ એતેનાભ્યશ્નુતે
(પ્બ્ 21.13.8) યત્ર યત્ર હ્ય્ અસ્થૂરિણા કામયતે તત્ તદ્ અભ્યશ્નુતે
(પ્બ્ 21.13.9) અભ્યાસઙ્ગ્યઃ પઞ્ચાહો ભવતિ સન્તત્યૈ
(પ્બ્ 21.13.10) પ્રત્યવરોહીણ્ય્ ઉત્તમસ્યાહ્ન ઉક્થાનિ ભવન્તિ પ્રતિષ્ઠિત્યૈ
(પ્બ્ 21.14.1) ત્રિવૃદ્ અગ્નિષ્ટોમઃ પઞ્ચદશ ઉક્થઃ સપ્તદશ ઉક્થઃ પઞ્ચદશ ઉક્થઃ સપ્તદશો ઽતિરાત્રઃ પઞ્ચશારદીયો મરુતાં સ્તોમઃ
(પ્બ્ 21.14.2) યઃ કામયેત બહુ સ્યામ્ ઇતિ સ એતેન યજેત
(પ્બ્ 21.14.3) મરૂતો વૈ દેવાનાં ભૂયિષ્ઠા બહુર્ એવ ભવતિ
(પ્બ્ 21.14.4) સપ્તદશં સ્તોમા નાતિયન્તિ પ્રજાપતિર્ વૈ સપ્તદશઃ પ્રજાપતિમ્ એવાપ્નોતિ

(પ્બ્ 21.14.5) અગસ્ત્યો વૈ મરૂદ્ભ્ય ઉક્ષ્ણઃ પ્રૌક્ષત્ તાન્ ઇન્દ્રાયાબધ્નાત્ તે વજ્રમ્ આદાયાભ્યપતન્ સ એતત્ કયાશુભીયમ્ અપશ્યત્ તેનાશમયત્
(પ્બ્ 21.14.6) યત્ કયાશુભીયં શસ્યતે શાન્ત્યા એવ
(પ્બ્ 21.14.7) સપ્તદશ પૃશ્નીન્ ઉક્ષ્ણઃ પઞ્ચવર્ષાન્ સપ્તદશ પૃશ્નીસ્ ત્રિવત્સા અપ્રવીતાસ્ તાન્ પર્યગ્નિકૃતાન્ પ્રોક્ષિતાનેતરા લભન્તે પ્રેતરાન્ સૃજન્તિ
(પ્બ્ 21.14.8) તતઃ સંવત્સરે નવનીતપૃશ્નીર્ અરૂણા આનયન્તિ તાંશ્ ચૈવોક્ષ્ણસ્ તાન્ પર્યગ્નિકૃતાન્ પ્રોક્ષિતાન્ એતરા લભન્તે પ્રેતરાન્ સૃજન્તિ તતઃ સંવત્સરે રાજીવા આનયન્તિ તાંશ્ ચૈવોક્ષ્ણસ્ તાન્ પર્યગ્નિકૃતાન્ પ્રોક્ષિતાન્ એતરા લભન્તે પ્રેતરાન્ સૃજન્તિ તતઃ સંવત્સરે પિશઙ્ગીર્ આનયન્તિ તાંશ્ ચૈવોક્ષ્ણસ્ તાન્ પર્યગ્નિકૃતાન્ પ્રોક્ષિતાન્ એતરા લભન્તે પ્રેતરાન્ સૃજન્તિ તતઃ સંવત્સરે સારઙ્ગીર્ આનયન્તિ તાંશ્ ચૈવોક્ષ્ણસ્ તાન્ પર્યગ્નિકૃતાન્ પોક્ષિતાન્ એતરા લભન્તે પ્રેતરાન્ સૃજન્તિ
(પ્બ્ 21.14.9) તતઃ સંવત્સરે સોમા ભવન્તિ
(પ્બ્ 21.14.10) ત્રીંસ્ ત્રીન્ અન્વહમ્ આલભન્તે પઞ્ચોત્તમે ઽહનિ
(પ્બ્ 21.14.11) અજો ઽગ્નીષોમીયઃ
(પ્બ્ 21.14.12) ઐન્દ્રા મારૂતો ઉક્ષાણો મારૂત્યો વત્સતર્યઃ
(પ્બ્ 21.14.13) યદિ રૂદ્રો ઽભિમન્યોતાગ્નયે રૂદ્રવતે પુરોડાશમ્ અષ્ટાકપાલં નિરૂપ્યાથાન્યમ્ આલભેત
(પ્બ્ 21.14.14) યદિ સંશીર્યૈત ભૌમમ્ એકકપાલં નિરૂપ્યાથાન્યમ્ આલભેત
(પ્બ્ 21.14.15) યદ્ય્ અવસીદેર્ નૈરૃતં ચરું નિરૂપ્યાથાન્યમ્ આલભેત યદ્ય્ અપ્સુ મ્રિયેતાપોનપ્ત્રીયં ચરું નિરૂપ્યાથાન્યમ્ આલભેત યદ્ય્ અન્ધસ્યાત્ સૌર્યં ચરું નિરૂપ્યાથાન્યમ્ આલભેત
(પ્બ્ 21.14.16) યદિ શ્લવણો વા કુટો વા સ્યાદ્ બાર્હસ્પત્યં ચરું નિપ્યાથાન્યમ્ આલભેત
(પ્બ્ 21.14.17) યદિ પલાયેત વાયવ્યં ચરું નિરૂપ્યાથાન્યમ્ આલભેત
(પ્બ્ 21.14.18) યદિ પ્રાસહાજયેયુર્ ઇન્દ્રાય પ્રસહ્વન એકાદશકપાલં નિરૂપ્યાથાન્યમ્ આલભેત
(પ્બ્ 21.14.19) યદ્ય્ અન્યેન મૃત્યુના મ્રિયેત પ્રાજાપત્યં દ્વાદશકપાલં નિરૂપ્યાથાન્યમ્ આલભેત
(પ્બ્ 21.14.20) એતેન વા એકયાવા ગાન્દમો વેતસ્વતીષ્ટ્વા સર્વામ્ ઋદ્ધિમ્ આર્ધ્નોત્
(પ્બ્ 21.14.21) સર્વામ્ ઋદ્ધિમ્ ઋધ્નોતિ ય એવં વેદ
(પ્બ્ 21.15.1) જ્યોતિષ્ટોમો ઽગ્નિષ્ટોમો ગૌર્ ઉક્થ્યો મહાવ્રતં ગૌર્ ઉક્થ્ય આયુર્ અતિરાત્રઃ
(પ્બ્ 21.15.2) સંવત્સરો વૈ વ્રતં તસ્ય વસન્ત ઋતુર્ મુખં ગ્રીષ્મશ્ ચ વર્ષાશ્ ચ પક્ષૌ શરન્ મધ્યં હેમન્તઃ પુચ્છમ્
(પ્બ્ 21.15.3) તસ્માચ્ છરદમ્ ઓષધયો ઽભિસમ્પચ્યન્તે શરદ્ ધિ મધ્યં સંવત્સરસ્ય
(પ્બ્ 21.15.4) અકૃતં વા એતે કુર્વન્તિ યે પુરા સંવત્સરાત્ વ્રતમ્ ઉપયન્તિ
(પ્બ્ 21.15.5) એતદ્ વૈ વ્રતમ્ આપ્તં યત્ પઞ્ચરાત્રે પઞ્ચ હ્ય્ ઋતવઃ
(પ્બ્ 21.15.6) આપ્તેન વ્રતેન સ્તુતે સર્વમ્ આયુર્ એતિ ય એવં વેદ
(પ્બ્ 22.1.1) પૃષ્ઠયઃ ષડહઃ
(પ્બ્ 22.1.2) ઋતવો ન પ્રત્યતિષ્ઠંસ્ ત એતેન પ્રત્યતિષ્ઠન્ પ્રતિષ્ઠાકામો યજેત પ્રત્ય્ એવ તિષ્ઠતિ
(પ્બ્ 22.1.3) ષડ્ વા ઋતવ ઋતુષ્વ્ એવૈતેન પ્રતિતિષ્ઠતિ પૃષ્ઠયઃ ષડહો ભવતિ પ્રત્યક્ષમ્ ઋધ્યૈ
(પ્બ્ 22.1.4) પ્રત્યક્ષં હ્ય્ એતેનર્તવ આર્ધ્નુવન્ન્ ઋધ્યા એવ
(પ્બ્ 22.2.1) ત્રિવૃદ્ અગ્નિષ્ટોમઃ પઞ્ચદશ ઉક્થ્યઃ સપ્તદશ ઉક્થ્યો જ્યોતિર્ ગૌર્ આયુર્ અતિરાત્રઃ
(પ્બ્ 22.2.2) યઃ કામયેત સર્વમ્ આયુર્ ઇયામ્ ઇતિ સ એતેન યજેત
(પ્બ્ 22.2.3) યત્ ત્ર્યહઃ પુરસ્તાદ્ ભવતિ ત્રયઃ પ્રાણાપાનવ્યાનાસ્ ત એવ તત્ સંધીયન્તે
(પ્બ્ 22.2.4) અથ યત્ જ્યોતિર્ ગૌર્ આયુર્ અતિરાત્રો ભવતિ પ્રતિષ્ઠિત્યૈ
(પ્બ્ 22.3.1) અભ્યાસઙ્ગ્યઃ પઞ્ચાહો વિશ્વજિદ્ અતિરાત્રઃ
(પ્બ્ 22.3.2) અન્યસ્મૈ વૈ કામાય સત્ત્રમ્ અન્યસ્મૈ યજ્ઞો ન તત્સત્રેણાપ્નોતિ યસ્મૈકં યજ્ઞો ન તદ્ યજ્ઞેનાપ્નોતિ યસ્મૈકં સત્ત્રમ્
(પ્બ્ 22.3.3) સત્ત્રમ્ ઇવ વા એતદ્ યદ્ અનુલોમં પૃષ્ઠાનિ યદ્ એકધા પૃષ્ઠાનિ ભવન્ત્ય્ એકધૈવાસ્મિંસ્ તદ્ ઓજો વીર્યં દધાતિ
(પ્બ્ 22.3.4) અન્નં પૃષ્ઠાન્ય્ અન્નાદ્યમ્ એવાસ્મિન્ દધાતિ
(પ્બ્ 22.3.5) પશવઃ પૃષ્ઠાનિ પશુષ્વ્ એવ પ્રતિતિષ્ઠતિ
(પ્બ્ 22.3.6) અભ્યાસઙ્ગ્યઃ પઞ્ચાહો ભવતિ સન્તત્યૈ
(પ્બ્ 22.3.7) વિશ્વજિદ્ અતિરાત્રો ભવતિ વિશ્વસ્યાભિજિત્યૈ
(પ્બ્ 22.4.1) પૃષ્ઠયઃ ષડહો મહાવ્રતમ્ અતિરાત્રઃ
(પ્બ્ 22.4.2) સપ્ત ઋષય એતેનાર્ધ્નુવંસ્ તેનર્દ્ધિસ્ તસ્માદ્ એતેન યજન્ત ઋદ્ધ્યા એવ

(પ્બ્ 22.4.3) સપ્ત શિરસિ પ્રાણાઃ પ્રાણા ઇન્દ્રિયાણીન્દ્રિયાણ્ય્ એવૈતેનાપ્નોતિ
(પ્બ્ 22.4.4) સપ્ત ગ્રામ્યાઃ પશવસ્ તાન્ એતેનાપ્નોતિ
(પ્બ્ 22.4.5) વ્રતં સપ્તમસ્યાહ્નઃ પૃષ્ઠં ભવતિ તદ્ ધ્ય્ અનાપ્તમ્ અન્નં વૈ વ્રતમ્ અન્નાદ્યમ્ એવૈતેનાપ્નોતિ
(પ્બ્ 22.4.6) પૃષ્ઠયઃ ષડહો ભવતિ પ્રત્યક્ષમ્ ઋધ્યૈ
(પ્બ્ 22.4.7) પ્રત્યક્ષં હ્ય્ એતેન સપ્ત ઋષય આર્ધ્નુવન્ન્ ઋધ્યા એવ
(પ્બ્ 22.5.1) પૃષ્ઠયઃ ષડહઃ સપ્તદશં મહાવ્રતમ્ અતિરાત્રઃ
(પ્બ્ 22.5.2) તસ્ય ત્રિવૃચ્ છિરઃ પઞ્ચદશૌ પક્ષૌ સપ્તદશ આત્મૈકવિંશં પુચ્છમ્
(પ્બ્ 22.5.3) એતેન વૈ પ્રજાપતિઃ પ્રજા અસૃજત
(પ્બ્ 22.5.4) પ્ર પ્રજયા પ્ર પશુભિર્ જાયતે ય એવં વેદ
(પ્બ્ 22.5.5) સપ્તદશો વૈ પ્રજાપતિર્ યત્ સપ્તદશં વ્રતં ભવતિ પ્રજાપતિમ્ એવાપ્નોતિ
(પ્બ્ 22.5.6) યત્ ત્રિવૃચ્ છિરો ભવતિ નવ પ્રાણાઃ પ્રાણેષ્વ્ એવ પ્રતિ તિષ્ઠતિ
(પ્બ્ 22.5.7) યત્ પઞ્ચદશૌ પક્ષૌ સવીવધત્વાય
(પ્બ્ 22.5.8) સપ્તદશ આત્મા ભવતિ પ્રજાપતિર્ વૈ સપ્તદશઃ પ્રજા પતિમ્ એવાપ્નોતિ
(પ્બ્ 22.5.9) એકવિંશં પુચ્છ ભવતિ પ્રતિષ્ઠિત્યૈ
(પ્બ્ 22.6.1) પૃષ્ઠયઃ ષડહશ્ છન્દોમપવમાનં મહાવ્રતમ્ અતિરાત્રઃ
(પ્બ્ 22.6.2) પશુકામો યજેત
(પ્બ્ 22.6.3) પશવો વૈ છન્દામાઃ
(પ્બ્ 22.6.4) યચ્ છદોમાઃ પવમાના મહાવ્રતસ્ય ભવન્તિ પશૂનેવાવરૂન્ધે
(પ્બ્ 22.6.5) ઉભયે સ્તોમા યુગ્મન્તશ્ ચાયુજશ્ ચ તન્ મિથુનં તસ્માન્ મિથુનાત્ પ્રજાયતે
(પ્બ્ 22.7.1) અભ્યાસઙ્ગ્યઃ પઞ્ચાહો ઽથ ત્રયસ્ત્રિંશામ્ અહસ્ તસ્ય ચતુસ્ત્રિંશો ઽગ્નિષ્ટોમઃ સપ્તદશં મહાવ્રતમ્ અતિરાત્રસ્ તસ્ય ચતુર્વિંશં બહિષ્પવમાનં ત્રિવૃચ્ છિરઃ પઞ્ચદશૌ પક્ષૌ સપ્તદશ આત્મૈકવિંશં પુચ્છમ્
(પ્બ્ 22.7.2) એતેન વૈ જમદગ્નિઃ સર્વાન્ પોષાન્ અપુષ્યત્ સર્વાન્ એવૈતેન પોષાન્ પુષ્યતિ
(પ્બ્ 22.7.3) યદ્ અભ્યાસઙ્ગ્યઃ પઞ્ચાહઃ પુરસ્તાદ્ ભવતિ સન્તત્યા એવ
(પ્બ્ 22.7.4) અથૈતત્ ત્રયસ્ત્રિંશમ્ અહસ્ ત્રયસ્ત્રિંશદ્ દેવતા દેવતા એવાપ્નોતિ
(પ્બ્ 22.7.5) તસ્ય ચતુસ્ત્રિંશો ઽગ્નિષ્ટોમઃ પ્રજાપતિશ્ ચતુસ્ત્રિંશો દેવતાનાં પ્રજાપતિમ્ એવાપ્નોતિ
(પ્બ્ 22.7.6) ચતુર્વિંશં બહિષ્પવમાનં ભવતિ મહાવ્રતસ્ય ચતુર્વિંશત્યક્ષરા ગાયત્રી પ્રજનનં ગાયત્રી પ્રજાત્યૈ
(પ્બ્ 22.7.7) ઉભયે સ્તોમા યુગ્મન્તશ્ ચાયુજશ્ ચ તન્ મિથુનં તસ્માન્ મિથુનાત્ પ્રજાયતે
(પ્બ્ 22.7.8) યત્ ત્રિવૃચ્ છિરો ભવતિ નવ પ્રાણાઃ પ્રાણેષ્વ્ એવ પ્રતિતિષ્ઠતિ યત્ પઞ્ચદશૌ પક્ષૌ સવીવધત્વાય સપ્તદશ આત્મા ભવતિ પ્રજાપતિર્ વૈ સપ્તદશઃ પ્રજાપતિમ્ એવાપ્નોત્ય્ એકવિંશં પુચ્છં ભવતિ પ્રતિષ્ઠિત્યૈ
(પ્બ્ 22.8.1) જ્યોતિષ્ટોમો ઽગ્નિષ્ટોમો ગૌર્ ઉક્થ્ય આયુર્ ઉક્થ્યો ઽભિજિદ્ અગ્નિષ્ટોમો વિશ્વજિદ્ અગ્નિષ્ટોમઃ સર્વજિદ્ અગ્નિષ્ટોમઃ સર્વસ્તોમો ઽતિરાત્રઃ
(પ્બ્ 22.8.2) એતેન વા ઇન્દ્રો ઽત્ય્ આન્યા દેવતા અભવદ્ અત્ય્ અન્યા પ્રજા ભવતિ ય એવં વેદ
(પ્બ્ 22.8.3) યત્ જ્યોતિર્ ગૌર્ આયુસ્ ત્ર્યહઃ પુરસ્તાદ્ ભવતિ પ્રજ્ઞાતાન્ સ્તોમાનુપૈતીમાન્ એવ લોકાન્ એષ્વ્ એવ લોકેષુ પ્રતિતિષ્ઠતિ
(પ્બ્ 22.8.4) અથાભિજિદ્ અભિજિતા વૈ દેવા ઇમાન્ લોકાન્ અભ્યજયન્ વિશ્વજિતા વિશ્વમ્ અજયન્ સર્વજિતા સર્વમ્ અજયન્
(પ્બ્ 22.8.5) સર્વસ્તોમાતિરાત્રો ભવતિ સર્વસ્યાપ્ત્યૈ સર્વસ્ય જિત્યૈ સર્વમ્ એવૈતેનાપ્નોતિ સર્વં જયતિ
(પ્બ્ 22.9.1) ચત્વારિ ત્રિવૃન્ત્ય્ અહાન્ય્ અગ્નિષ્ટોમમુખાનિ વિશ્વજિન્ મહાવ્રતં જ્યોતિષ્ટોમો ઽતિરાત્રઃ
(પ્બ્ 22.9.2) એતેન વૈ પ્રજાપતિઃ પુરૂષમ્ અસૃજત સ સર્વસ્યાન્નાદ્યસ્યાધિપત્યમ્ અગચ્છત્
(પ્બ્ 22.9.3) સર્વસ્યાન્નાદ્યસ્યાધિપત્યં ગચ્છતિ ય એવં વેદ
(પ્બ્ 22.9.4) શિરો વા અગ્રે સમ્ભવતઃ સમ્ભવતિ ચતુર્ધા વિહિતં વૈ શિરઃ પ્રાણશ્ ચક્ષુઃ શ્રોત્રં વાગાત્મા વૈ પૃષ્ઠાનિ યત્ પૃષ્ઠાન્ય્ ઉપૈતિ શિર એવાત્માનમ્ અનુસન્દધાતિ
(પ્બ્ 22.9.5) એતદ્ વૈ પુરૂષમ્ અકસ્ તસ્મા અન્નમ્ એવ વ્રતમ્ અપિદધાતિ
(પ્બ્ 22.9.6) અથ યત્ જ્યોતિષ્ટોમો ઽતિરાત્રો ભવત્ય્ અકૢપ્તસ્ય કૢપ્ત્યૈ
(પ્બ્ 22.10.1) પૃષ્ઠયઃ સ્તોમઃ ષડહો વિશ્વજિદ્ અતિરાત્રઃ
(પ્બ્ 22.10.2) અન્યસ્મૈ વૈ કામાય સત્ત્રમ્ અન્યસ્મૈ યજ્ઞો ન તત્ સત્ત્રેણાપ્નોતિ યસ્મૈકં યજ્ઞો ન તદ્ યજ્ઞેનાપ્નોતિ યસ્મૈકં સત્ત્રં સત્ત્રમ્ ઇવ વા એતદ્ યદ્ અનુલોમં પૃષ્ઠાનિ યદૈકધા પૃષ્ઠાનિ ભવત્ય્ એકધૈવાસ્મિંસ્ તેજો વીર્યં દધાત્ય્ અન્નં પૃષ્ઠાન્ય્ અન્નાદ્યમ્ એવાસ્મિન્ દધાતિ પશવઃ પૃષ્ઠાનિ પશુષ્વ્ એવ પ્રતિતિષ્ઠતિ

(પ્બ્ 22.10.3) યદ્ વૈ મનુષ્યાણાં પ્રત્યક્ષં તદ્દેવાનાં પરોક્ષમથ યન્મ મનુષ્યાણાં પરોક્ષં તદ્દેવાનાં પ્રત્યક્ષમ્
(પ્બ્ 22.10.4) એતદ્ વૈ પરોક્ષં વ્રતં યદ્ વિશ્વજિત્ પ્રત્યક્ષમ્ એવૈતેનાન્નાદ્યમ્ અવરુન્ધે
(પ્બ્ 22.11.1) પૃષ્ઠયઃ ષડહો મહાવ્રતં જ્યોતિષ્ટોમો ઽતિરાત્રઃ
(પ્બ્ 22.11.2) એતેન વૈ દેવા દેવત્વમ્ અગચ્છન્
(પ્બ્ 22.11.3) દેવત્વં ગચ્છતિ ય એવં વેદ
(પ્બ્ 22.11.4) એતદ્ વૈ વ્રતમ્ આપ્તં યદ્ અષ્ટરાત્રે ઽગ્નિષ્ટોમો હિ વ્રતં સમ્પદ્યતે
(પ્બ્ 22.11.5) અથ યત્ જ્યોતિષ્ઠોમો ઽતિરાત્રો ભવત્ય્ અકૢપ્તસ્ય કૢપ્ત્યૈ
(પ્બ્ 22.11.6) અષ્ટરાત્રેણ વૈ દેવાઃ સર્વમ્ આશ્નુવત
(પ્બ્ 22.11.7) સર્વમ્ અશ્નુતે ય એવં વેદ
(પ્બ્ 22.12.1) પૃષ્ઠયઃ ષડહો જ્યોતિર્ ગૌર્ આયુર્ અતિરાત્રો દેવા વૈ મૃત્યોર્ અબિભયુસ્ તે પ્રજાપતિમ્ ઉપાધાવંસ્ તેભ્ય એતેન નવરાત્રેણામૃતત્વં પ્રાયચ્છત્
(પ્બ્ 22.12.2) એતદ્ વાવ મનુષ્યસ્યામૃતત્વં યત્ સર્વમ્ આયુર્ એતિ વસીયાન્ ભવતિ
(પ્બ્ 22.12.3) સર્વમ્ આયુર્ એતિ વસીયાન્ ભવતિ ય એવં વેદ
(પ્બ્ 22.12.4) નવરાત્રો વા એષ નવ પ્રાણાઃ પ્રાણેષ્વ્ એવ પ્રતિતિષ્ઠતિ
(પ્બ્ 22.12.5) પૃષ્ઠયઃ ષડહો ભવતિ પ્રત્યક્ષમ્ ઋદ્ધયા અથ યત્ જ્યોતિર્ ગૌર્ આયુર્ અતિરાત્રો ભવતિ પ્રતિષ્ઠિત્યૈ
(પ્બ્ 22.13.1) જ્યોતિષ્ટોમો ઽગ્નિષ્ઠોમો ગૌર્ ઉક્થ્ય આયુર્ ઉક્થ્યો ઽભ્યાસઙ્ગ્યઃ પઞ્ચાહો વિશ્વજિદ્ અતિરાત્રઃ પશુકામો યજેત
(પ્બ્ 22.13.2) યત્ જ્યોતિર્ ગૌર્ આયુસ્ ત્ર્યહઃ પુરસ્તાદ્ ભવતિ પ્રજ્ઞાતાન્ સ્તોમાનુપૈતીમાન્ એવ લોકાન્ એષ્વ્ એવ લોકેષુ પ્રતિતિષ્ઠતિ
(પ્બ્ 22.13.3) અથ યદ્ અભ્યાસઙ્ગ્યઃ પઞ્ચાહો મધ્યતો ભવતિ પાઙ્ક્તઃ પુરૂષઃ પાઙ્ક્તાઃ પશવસ્ તેન પુરૂષં ચ પશૂંશ્ ચાપ્નોતિ
(પ્બ્ 22.13.4) વિશ્વજિદ્ અતિરાત્રો ભવતિ વિશ્વસ્યાભિજિત્યૈ
(પ્બ્ 22.14.1) ત્રિવૃદ્ અગ્નિષ્ટોમઃ પઞ્ચદશ ઉક્થ્યસ્ ત્રિવૃદ્ અગ્નિષ્ટોમઃ સપ્તદશો ઽગ્નિષ્ટોમ એકવિંશ ઉક્થ્યઃ સપ્તદશો ઽગ્નિષ્ટોમસ્ ત્રિણવો ઽગ્નિષ્ટોમસ્ ત્રયસ્ત્રિંશ ઉક્થ્યસ્ ત્રિણવો ઽગ્નિષ્ટોમો વિશ્વજિદ્ અતિરાત્રઃ
(પ્બ્ 22.14.2) ઇન્દ્રો ઽસુરાન્ હત્વાકાર્યં ચકૃવાં અમન્યત તં દેવા એતેન સ્તોમેનાયાજયન્ સ પાપ્મનો નૈર્દશ્યમ્ અગચ્છત્
(પ્બ્ 22.14.3) તસ્માદ્ ઇષુહતો વા દણ્ડહતો વા દશમીં નૈર્દશ્યં ગચ્છતિ
(પ્બ્ 22.14.4) દશ દશિની વા એષા વિરાડ્ અન્નં વિરાડ્ અન્નાદ્યમ્ એવાસ્મિન્ દધાતિ
(પ્બ્ 22.14.5) અગ્નિષ્ટોમેન વૈ દેવા અસુરાન્ નિગૃહ્ય મધ્યત ઉક્થૈઃ પ્રજયા પશુભિઃ પ્રાજાયન્તાગ્નિષ્ટોમેનૈવ ભ્રાતૃવ્યં નિગૃહ્ય મધ્યત ઉક્થ્યૈઃ પ્રજયા પશુભિઃ પ્રજાયતે
(પ્બ્ 22.14.6) ત્રિકકુબ્ વા એષ યજ્ઞઃ
(પ્બ્ 22.14.7) ત્રિકકુપ્ સમાનાનાં ચ પ્રજાનાં ચ ભવતિ ય એવં વેદ
(પ્બ્ 22.15.1) ત્રયસ્ત્રિવૃતો ઽગ્નિષ્ટોમાસ્ ત્રયઃ પઞ્ચદશ ઉક્થ્યાસ્ ત્રયઃ સપ્તદશ ઉક્થ્યા એકવિંશો ઽતિરાત્રઃ કુસુરુવિન્દદશરાત્રઃ
(પ્બ્ 22.15.2) યઃ કામયેત બહુ સ્યામ્ ઇતિ સ એતેન યજેત
(પ્બ્ 22.15.3) યદ્ ગણશઃ સ્તોમો બહુર્ એવ ભવતિ
(પ્બ્ 22.15.4) સહ ત્રિવૃત સહ પઞ્ચદશાઃ સહ સપ્તદશાઃ
(પ્બ્ 22.15.5) એકવિંશો ઽતિરાત્રો ભવતિ પ્રતિષ્ઠિત્યૈ
(પ્બ્ 22.15.6) જ્યોતિર્ વા એષ વિહૃતઃ
(પ્બ્ 22.15.7) જ્યોતિષ્ પ્રજાનાં ભવતિ ય એવં વેદ
(પ્બ્ 22.15.8) ચતુષ્ટોમો વા એષ ચતુષ્પાદાઃ પશવઃ પશુષ્વ્ એવ પ્રતિતિષ્ઠતિ
(પ્બ્ 22.15.9) એકવિંશં સ્તોમા નાતિયન્તિ પ્રતિષ્ઠા વા એકવિંશઃ પ્રત્ય્ એવ તિષ્ઠતિ
(પ્બ્ 22.15.10) એતેન વૈ કુસુરૂવિન્દ ઔદ્દાલકિર્ ઇષ્ટ્વા ભૂમાનમ્ આશ્નુત
(પ્બ્ 22.15.11) ભૂમાનમ્ અશ્નુતે ય એવં વેદ
(પ્બ્ 22.16.1) અભ્યાસઙ્ગ્યઃ પઞ્ચાહશ્ ચત્વારશ્ છન્દોમઃ વિશ્વજિદ્ અતિરાત્રઃ પશુકામો યજેત
(પ્બ્ 22.16.2) યદ્ અભ્યાસઙ્ગ્યઃ પઞ્ચાહઃ પુરસ્તાદ્ ભવતિ પાઙ્ક્તઃ પુરુષઃ પાઙ્ક્તાઃ પશવસ્ તેન પુરૂષં ચ પશૂંશ્ ચાપ્નોતિ
(પ્બ્ 22.16.3) છન્દોમા મધ્યતો ભવન્તિ પશવો વૈ છન્દોમાઃ પશૂનામ્ અવરુધ્યૈ
(પ્બ્ 22.16.4) વિશ્વજિદ્ અતિરાત્રો ભવતિ વિશ્વસ્યાભિજિત્યૈ