પૈપ્પલાદ-સંહિતા · અધ્યાય 9.14

અયમ્ અગ્નિર્ ઉપસદ્ય
ઇહ સૂર્ય ઉદ્ એતુ તે ।
ઉદ્ એહિ મૃત્યોર્ ગમ્ભીરાત્
કૃચ્છ્રાચ્ ચિત્ તમસસ્ પરિ ॥

નમો યમાય નમો ઽસ્તુ મૃત્યવે
નમઃ પિતૃભ્ય ઉત યે નયન્તે ।
ઉત્પારણસ્ય યો વેદ
તમ્ અગ્નિં તત્ પુરો દધે ॥

ઐતુ પ્રાણ ઐતુ મન
ઐતુ ચક્ષુર્ અથો બલમ્ ।
શરીરમ્ અસ્ય સં વિદાં
તત્ પદ્ભ્યાં પ્રતિ તિષ્ઠતુ ॥

પ્રાણેનાગ્ને ચક્ષુષા સં સૃજેમં
સમ્ ઈરય તન્વા સં બલેન ।
વેત્થામૃતસ્ય મા મૃત
મો ષુ ભૂમિગૃહો ભુવત્ ॥

મા તે પ્રાણ ઉપ દસન્
માપાનો અપિ ધાયિ તે ।
સૂર્યસ્ ત્વાધિપતિર્ મૃત્યોર્
ઉદાયચ્છાતિ રશ્મિભિઃ ॥

ઇયમ્ અન્તર્ વદત્ય્ ઉગ્રા
જિહ્વા પનિષ્પદા ।
તયા રોગાન્ વિ નયામઃ
શતં રોપીશ્ ચ તક્મનઃ ॥

અયં લોકઃ પ્રિયતમો
દેવાનામ્ અપરાજિતઃ ।
યસ્મૈ ત્વમ્ ઇહ જજ્ઞિષે
દિષ્ટઃ પુરુષ મૃત્યવે ।
તસ્મૈ ત્વાનુ હ્વયામસિ
મા પુરા જરસો મૃથાઃ ॥