પૈપ્પલાદ-સંહિતા · અધ્યાય 9.15

તે ઽવદન્ પ્રથમા બ્રહ્મકિલ્બિષે
ઽકૂપારઃ સલિલો માતરિશ્વા ।
વીડુહરસ્ તપ ઉગ્રં મયોભુવ
આપો દેવીઃ પ્રથમજા ઋતસ્ય ॥

સોમો રાજા પ્રથમો બ્રહ્મજાયાં
પુનઃ પ્રાયચ્છદ્ અહૃણીયમાનઃ ।
અન્વર્તિતા વરુણો મિત્ર આસીદ્
અગ્નિર્ હોતા હસ્તગૃહ્યા નિનાય ॥

હસ્તેનેવ ગ્રાહ્ય આધિર્ અસ્યા
બ્રહ્મજાયેતિ ચેદ્ અવોચત્ ।
ન દૂતાય પ્રહ્યે તસ્થ એષા
તથા રાષ્ટ્રં ગુપિતં ક્ષત્રિયસ્ય ॥

યામ્ આહુસ્ તારકાં વિકેશીં
દુચ્છુનાં ગ્રામમ્ અવપદ્યમાનામ્ ।
સા બ્રહ્મજાયા પ્ર દુનોતિ રાષ્ટ્રં
યત્ર પ્રાપાદિ શશઃ કલ્કુષીમાન્ ॥

બ્રહ્મચારી ચરતિ વેવિષદ્ વિષઃ
સ દેવાનાં ભવત્ય્ એકમ્ અઙ્ગમ્ ।
તેન જાયામ્ અન્વ્ અવિન્દદ્ બૃહસ્પતિઃ
સોમેન નીતાં જુહ્વં ન દેવાઃ ॥

દેવા એતસ્યામ્ અવદન્ત પૂર્વે
સપ્તર્ષયસ્ તપસે યે નિષેદુઃ ।
ભીમા જાયા બ્રાહ્મણસ્યાપનીતા
દુર્ધાં દધાતિ પરમે વ્યોમન્ ॥

યે ગર્ભા અવપદ્યન્તે
જગદ્ યચ્ ચાપલુપ્યતે ।
વીરા યે હન્યન્તે મિથો
બ્રહ્મજાયા હિનસ્તિ તાન્ ॥

સર્વે ગર્ભાઃ પ્ર વ્યથન્તે
કુમારા દશમાસ્યાઃ ।
યસ્મિન્ રાષ્ટ્રે નિરુધ્યતે
બ્રહ્મજાયા અચિત્ત્યા ॥

પુનર્ વૈ દેવા અદદુઃ
પુનર્ મનુષ્યા ઉત ।
રાજાનઃ સત્યં કૃણ્વન્તો
બ્રહ્મજાયાં પુનર્ દદુઃ ॥

પુનર્દાય બ્રહ્મજાયાં
કૃત્વી દેવૈર્ નિકિલ્બિષમ્ ।
ઊર્જં પૃથિવ્યા ભક્ત્વા-
-ઉરુગાયમ્ ઉપાસતે ॥