પૈપ્પલાદ-સંહિતા · અધ્યાય 9.12

સમાનમ્ અર્થં પર્યન્તિ દેવા
રૂપંરૂપં તપસા વર્ધમાનાઃ ।
યદ્ આદિત્યમ્ અભિસંવિશન્તિ
તદ્ એકં રૂપમ્ અમૃતત્વમ્ એષામ્ ॥

દેવો દેવેભિર્ આ ગમન્
મહાન્ નો અતિથિષ્ પિતા ।
સ પ્રૈતિ જાતવેદસમ્
એકરૂપો ગુહા ભવન્ ॥

આતિથ્યમ્ અગ્નિં નિર્ અપપ્તદ્ એવ
ઉભયેભિઃ પિતૃભિઃ સંવિદાનઃ ।
મહાન્ નુ મર્ય ઉપ ભક્ષમ્ આગન્
સંગૃભ્યાદિત્યા(ન્) ન્ય્ અવિષ્ટ વહ્નિઃ ॥

ત આ વિશન્તિ પુરુષં શયાનં
પ્રાણા નિવિષ્ટા ન શસન્ત્ય્ એનમ્ ।
તે નો રાત્ર્યા સુમનસ્યમાના
અહ્ના રક્ષન્ત્ય્ અહૃણીયમાનાઃ ॥

પશુભ્યો નઃ પશુપતે મૃડ
સર્વ સં વૃહ આયતામ્ ।
મા નઃ પ્રાણેષુ રીરિષઃ ॥

વાયુઃ સત્યે અધિશ્રિતઃ
પ્રાણાપાનાવ્ અભિરક્ષન્ ।
સં પ્રજા ઐરયદ્ ઇમાઃ ॥

દેવા યત્તાઃ પ્રજાપતાવ્
આદિત્યાશ્ ચ યેમિરે ।
પૂષા રશ્મિષ્વ્ આયત
આદિત્યો વિષ્ણુર્ આક્રમે
સ રોહં દિવિ રોહતિ ॥

પ્રજાદ્દેવાઃ સવિતુઃ સવે
ત્વષ્ટા રૂપાણિ પિંશતુ ।
અઞ્જન્તૌ મધુના પયો
અતન્દ્રં યાતમ્ અશ્વિના ॥

વિશ્વે દેવાઃ પ્ર યાતન-
-આદિત્યાસઃ સજોષસઃ ।
પુરઃ પશ્ચાત્ સ્વસ્તયે ॥

બ્રહ્મ વર્મ બૃહસ્પતિઃ
સંગવો નો ઽભિ રક્ષતુ ।
દેવો દેવૈઃ પુરોહિતઃ ॥

મરુતો વૃષ્ટ્યા ન આ ગત
સત્યધર્માણ ઊતયે ।
અપરાહ્નેષુ જિન્વત ॥

ઇન્દ્રો રાજા દિવસ્ પતિર્
અહર્ વિમાય તિષ્ઠતિ ।
સ ન ઇમાઃ કલ્પયાદ્ દિશઃ ॥