પૈપ્પલાદ-સંહિતા · અધ્યાય 9.11

માતરિશ્વા સમ્ અભરદ્
ધાતા સમ્ અદધાત્ પરુઃ ।
ઇન્દ્રાગ્ની અભ્ય્ અરક્ષતાં
ત્વષ્ટા નાભિમ્ અકલ્પયત્ ॥

ભવસ્ ત્વા અભ્ય્ અરુક્ષદ્
રુદ્રસ્ તે અંસુમ્ આભરત્ ।
રાત્રી ત્વાભ્ય્ અગોપાયત્
સા ત્વં ભૂતે અજાયથાઃ ॥

દ્યૌષ્ ટ આયુર્ ગોપાયદ્
અન્તરિક્ષમ્ અસું તવ ।
માતા ભૂતસ્ય ભવ્યસ્ય
પૃથિવી ત્વાભિ રક્ષતુ ॥

યાં ત્વા દેવાઃ સમદધુઃ
સહસ્રપુરુષં સતીમ્ ।
સા દેવી ત્વમ્ અસ્યેદમ્
અપાજ વ્ય્ અજા વિષમ્ ॥

યાઃ પુરસ્તાત્ પ્રસ્યન્દન્તે
દિવા નક્તં ચ યોષિતઃ ।
આપઃ પુરુ સ્રવન્તીસ્
તા ઉ તે વિષદૂષણીઃ ॥

આતપસ્ તે વર્ષમ્ આસીદ્
અગ્નિશ્ છાયાભવત્ તપઃ ।
ઉલ્બં તે અભ્રમ્ આસીત્
સા ત્વં ભૂતે અજાયથાઃ ॥

ગન્ધર્વસ્ તે મૂલમ્ આસીચ્
છાખા અપ્સરસસ્ તવ ।
મરીચીર્ આસન્ પર્ણાનિ
સિનીવાલી કુલં તવ ॥

અજરા દેવા અદધુર્
અમૃતં મર્ત્યેષ્વ્ આ ।
તસ્યૈ તદ્ અગ્રમ્ આ દદે
તદ્ ઉ તે વિષદૂષણમ્ ॥

અનભ્રૌ ખનમાનં
વિપ્રં ગમ્ભીરે અપસમ્ ।
ભિષક્ ચક્ષુર્ ભિષક્ ખને
તદ્ ઉ તે વિષદૂષણમ્ ॥

યાઃ પુરસ્તાદ્ વિતિષ્ઠન્તે
ગાવઃ પ્રવ્રાજિનીર્ ઇવ ।
અમૃતસ્યેવ વા અસ્ય્
અથો હાસ્ય્ અરુન્ધતી ॥

યો મયઃ સરઘાયાઃ
પ્રખાય મધ્વ્ આભરત્ ।
તતો યવઃ પ્રાજાયત
સો ઽભવદ્ વિષદૂષણઃ ॥

યવસ્યૈતત્ પલાલિનો
ગોધૂમસ્ય તિલસ્ય ચ ।
વ્રીહેર્ યવસ્ય દૈવ્યેન
કૃણોમ્ય્ અરસં વિષમ્ ॥

મહીં યોનિં સમુદ્રસ્ય-
-અન્વ્ અવિન્દન્ન્ ઋતાયવઃ ।
તાં દેવા ગુહ્યામ્ આસીનાં
સમુદ્રાચ્ ચિદ્ ઉદ્ આભરન્ ॥

સમુદ્રાચ્ ચિદ્ ઉદાભૃત્ય
તામ્ ઉ પુષ્કર આ દધુઃ ।
અસ્યાઃ પૃથિવ્યા દેવ્યાશ્ ચક્ષુર્
આકાશ્યમ્ અસિ વિષદૂષણમ્ ॥